په‌یامێك بۆ به‌كارهێنه‌رانی پێگه‌ ئیباحییه‌كان
جارجار هه‌ندێك له‌ هاوڕێكانم باسیان له‌و جۆره‌ پێگه ‌و شوێنه‌ ئیباحییانه‌یان بۆ ده‌كردم له‌سه‌ر تۆڕی ئینته‌رنێت. جار-به‌دوای-جار قسه‌كانیان زیاتر هه‌ستی ده‌جووڵاندم و كاریگه‌رتر ده‌بوو لام، شه‌هوه‌ت و ئاره‌زووه‌كانمیان زیاتر ده‌ورووژاند تا وام لێ هات خۆم پێ نه‌گیرا و به‌ مه‌به‌ستی له‌زه‌توه‌رگرتن و چاوتێركردنم به‌و وێنه‌ و دیمه‌نانه‌ ئه‌م كاره‌ تاقی بكه‌مه‌وه‌ و خۆم له‌م دنیای خه‌یاڵ و خۆشییه‌ بده‌م. نه‌خشه‌م كێشا سه‌ره‌تا پێش ئه‌وه‌ی سه‌یری هه‌ر وێنه‌یه‌ك یان ماڵپه‌ڕێك بكه‌م، هه‌ستم به‌ داخستنی ده‌رگای ژووره‌كه‌م و هه‌موو ڕێگه‌كان كه‌ ده‌بنه‌ هۆی ته‌نیاییم و كه‌س ئاگای لێم نابێت، بیانگرمه‌ به‌ر؛ به‌تایبه‌ت دایك و باوك و خێزان و دۆسته‌كانم. ته‌نانه‌ت هه‌وڵم دا كارێكی وا بكه‌م له‌دوایشدا كاریگه‌ریی ئه‌وه‌م پێوه‌ دیار نه‌بێت و هه‌ست نه‌كه‌ن له‌ چی ده‌ڕوانم و چی له‌ بیر و مێشك و خه‌یاڵمدا پۆنگی خواردووه‌. به‌ڵام كاتێك ده‌رگام كلیل دا و ده‌نگی داتاكه‌م نزم كرده‌وه‌ و ڕێوشوێنم گرته‌ به‌ر، سه‌یر ئه‌كه‌م ڕێگه‌یه‌ك ماوه‌ته‌وه‌ هه‌رچه‌ند ئه‌كه‌م بۆم ناگیرێت. هه‌رچییه‌كم ده‌كرد بێ گرتنی ئه‌و شوێنه‌ ناتوانم چێژ له‌و سایتانه‌ ببینم و به‌ ئاره‌زووی خۆم هه‌ڵیانده‌مه‌وه‌ و چێژ له‌ ته‌نیایییه‌كه‌م ببینم.

به‌راستی ئه‌م كاره‌ خستمیه‌ ناو له‌ ڕوودامان و شه‌رم و ته‌نگه‌شه‌یه‌كی زۆره‌وه‌، هه‌رچه‌نده‌م ئه‌كرد نه‌مده‌توانی به‌سه‌ریدا بازده‌م و گوێی پێ نه‌ده‌م، له‌ كاتێكداده‌رگام به‌سه‌رخۆمدا داخست و هه‌موو دووربینییه‌كه‌م كرد كه‌س نه‌مبینێت، به‌ڵام سه‌یر ئه‌كه‌م خوای گه‌وره‌ له‌ سه‌رو هه‌مووانه‌وه‌ ئاگای لێمه‌و ناتوانم خۆمی لێ بشارمه‌وه‌، له‌ هه‌موو چركه‌ساتێكی ژیانمدا له‌گه‌ڵمدایه‌و هیچ ڕێگه‌و شێوازێك نییه‌ بتوانم خۆمی لێ قوتار بكه‌م.... به‌راستی شه‌رمم به‌ خۆمدا هاته‌وه‌ چۆن ئه‌وه‌نده‌ سوور بووم تاكو به‌ دوای ئه‌و ماڵپه‌ڕو ناونیشانانه‌دا وێڵ بم و ئاگام له‌وه‌ نه‌منێنێت كه‌ ئه‌وانه‌ خوا پێی ناخۆشه‌و ئاگای لێمه‌، له‌ كاتێكدا ته‌نها كه‌سێكیش به‌س بوو تاكو خۆشییه‌كانم لێ تێك بدات ئه‌گه‌ر چاوی لێم بوایه‌.

شه‌رمه‌زارییه‌كه‌م زیاتر ده‌بوو كاتێك شه‌هوه‌ت و ئاره‌زووه‌كه‌ ته‌واو ده‌بوو، پاشان وه‌ك كارێكی قێزه‌ون ده‌هاته‌ پێش چاوم، بیرم له‌ ڕۆژێك ده‌كرده‌وه‌ كه‌ خوای گه‌وره‌ به‌ ئاشكراو له‌به‌رچاوی خه‌ڵكی ڕووم هه‌ڵده‌ماڵێت و هه‌رچی تاوان و سه‌رپێچیم هه‌یه‌ ئاشكرا ده‌بن، ئه‌وكاته‌ چی بكه‌م و ڕوو له‌ كۆێ بكه‌م، ده‌ی چۆن ئێسته‌ خه‌ركی ئه‌م كاره‌ ناشیرینه‌ بم و ژیان و ته‌مه‌ن و لاوێتی خۆم له‌وه‌دا به‌ فیڕ‌ۆ بده‌م و سبه‌ێنێش له‌به‌ر چاوی خه‌ڵكی ئاشكرا ببم، كه‌ من ئه‌گه‌ر هه‌ر یه‌ك له‌ براده‌رو دۆست و خزمه‌كانم به‌شدار بوایه‌ له‌ گه‌ڵم یان ته‌نانه‌ت ئاگاشی لێم بوایه‌، ئه‌وه‌ بێ گومان ده‌بووه‌ هۆی پچڕان و چێژ وه‌رنه‌گرتنم و په‌رته‌وازه‌بوونی زه‌ین و بیروهۆشم، ده‌ی ئیتر چۆنه‌ كاتێك ئه‌م كاره‌م لای هه‌موو خه‌ڵكی به‌ ناسیاو و نه‌ناسیاوه‌وه‌ ئاشكرا ده‌بێت و ئابڕوم ده‌چێت.

هه‌روه‌ها بیرم كرده‌وه‌ من كاتێك له‌ ته‌نیایی و خه‌ڵوه‌تمدا سه‌رپێچی خوا ده‌كه‌م و گۆێی پێ ناده‌م، سه‌ره‌رای نائارامی ده‌روونی و دڵه‌راوكێ و بێزاری ژیانم، پێچه‌وانه‌ی فه‌رمووده‌ی پێغه‌مبه‌ریشم ده‌كه‌م (صلی الله علیه وسلم) كه‌ ده‌فه‌رموێت: "لأعلمن أقواماً من أمتي يأتون يوم القيامة بحسنات أمثال جبال تهامة بيضاً فيجعلها الله عز وجل هباءً منثوراً، قال ثوبان: يا رسول الله، صفهم لنا، جلهم لنا أن لا نكون منهم ونحن لا نعلم، قال : أما إنهم إخوانكم و من جلدتكم، ويأخذون من الليل كما تأخذون، ولكنهم أقوام إذا خلوا بمحارم الله انتهكوها". رواه ابن ماجه
[خه‌ڵكانێك ده‌زانم له‌ ئوممه‌ته‌كه‌م له‌ ڕۆژی قیامه‌تدا چاكه‌و حه‌سه‌ناتیان وه‌ك شاخی توهامه‌یه‌و سپی ده‌كاته‌وه‌، به‌ڵام ده‌بێته‌ تۆزو خۆڵ و هیچی نامێنێته‌وه‌، سه‌وبان وتی: ئه‌ی پێغه‌مبه‌ری خوا، ئه‌و كه‌سانه‌مان بۆ وه‌سف بكه‌، بۆمان ڕوون كه‌وه‌ تاكو له‌وانه‌ نه‌بین و ئێمه‌ نه‌زانین، فه‌رمووی: ئه‌وانه‌ براتانن و له‌ نه‌وه‌و پێستی ئێوه‌ن، وه‌ك ئێوه‌ له‌شه‌و ده‌گرن (شه‌ونوێژو عیباده‌ت ده‌كه‌ن)، به‌ڵام كه‌سانێكن كاتێ به‌ حه‌رام و قه‌ده‌غه‌كراوه‌كانی خوا گه‌یشتن و هه‌ر خۆیان بوون، سنووره‌كان ده‌شكێنن و تێی ده‌كه‌ون]

هه‌روه‌ها ده‌زانم كه‌ زۆر ئازارم ده‌دات كاتێك به‌سه‌ر به‌سه‌ر تاوانێكه‌وه‌ بگێرێم، یان كه‌سێك بمبینێت یان ئاشكرا ببم.

خۆشه‌ویستان: ئایا هه‌ڕه‌شه‌ی په‌روه‌ردگارمان له‌ بیركردووه‌ كاتێك هه‌ڕه‌شه‌ی سزای به‌ ئێش ده‌كات بۆو كه‌سانه‌ی پێیان خۆشه‌ فاحیشه‌و به‌ره‌ڵایی بڵاو بێته‌وه‌ نه‌خوازه‌ڵا بۆ خۆیان ئه‌و كاره‌ بكه‌ن و ئه‌نجامده‌ری بن: إن الذين يحبون أن تشيع الفاحشة في الذين آمنوا لهم عذاب أليم في الدنيا والآخرة والله يعلم وأنتم لا تعلمون

پێغه‌مبه‌ر (صلی الله علیه وسلم) ده‌فه‌رموێت: "لا تؤذوا عباد الله ولا تعیروهم, ولا تطلبوا عوراتهم , فإنه من طلب عورة أخيه المسلم طلب الله عورته , حتى يفضحه في بيته".الإمام أحمد عن ثوبان[نه‌ به‌نده‌كانی خوا ئازار بده‌ن و نه‌ له‌كه‌داریشیان بكه‌ن، وه‌ نه‌ به‌ دوای عه‌وره‌تیشیاندا بگه‌ڕێن، چونكه‌ ئه‌وه‌ی به‌ دوای عه‌وره‌ت (دواین یان كه‌موكوڕی) برا موسڵمانه‌كه‌یدا بگه‌رێت، خوا به‌ دوای عه‌وره‌تیدا ده‌گه‌ڕێت، تا له‌ ناو ماڵی خۆیدا ئابڕوی ده‌بات]

له‌راستیدا هه‌موومان ئه‌و فه‌رمووده‌ی خۆشه‌ویستمان له‌ بیر چۆته‌وه‌ كاتێك بۆمان ڕوون ده‌كاته‌وه‌ كه‌ هه‌ر كه‌سێك پاڵنه‌رو ڕێخۆشكه‌رو پیشانده‌ر بێت بۆ خراپه‌یه‌ك و به‌ هۆی ئه‌وه‌وه‌ ئه‌نجام بدرێت، ئه‌وه‌ تاوانی خراپه‌كه‌و تاوانی هه‌موو ئه‌و كه‌سانه‌شی ئه‌خرێته‌ ئه‌ستۆ كه‌ تا ڕۆژی قیامه‌ت له‌ ڕێی ئه‌وه‌وه‌ تووشی هاتوون.

جا ئایا تۆ كاتێك وێنه‌یه‌ك یان بابه‌تێكی شه‌هوه‌ت بزوێن ده‌نێریت بۆ هاوڕێكه‌ت یان له‌ پێگه‌كه‌تدا بلاوی ده‌كه‌یته‌وه‌و ده‌بێته‌ هۆی وروژاندنی ئاره‌زووی كه‌سانی تر، ده‌توانیت تاوانی ئه‌وانه‌ش له‌ رۆژی قیامه‌تدا بخه‌نه‌ سه‌ر شانی خۆت، ئایا تاوانه‌كانی خۆتت به‌س نییه‌ تاكو تاوان و گوناهی كه‌سانی تریش بخه‌یته‌ ئه‌ستۆی خۆت‌.

له‌راستیدا مرۆڤ تۆزێك بیر بكاته‌وه‌ له‌ ئازاره‌ ده‌روونی و نائارامییه‌كه‌ی و پاشانیش سزاو هه‌ڕه‌شه‌ی په‌روه‌ردگاری بێنێته‌ پێش چاوی خۆی، هه‌رگیز توخنی كارێكی به‌و شێوه‌ ناكه‌وێت و خۆی له‌و توڕه‌هات و كاره‌ بێ ئه‌رزشانه‌ نزیك ناكاته‌وه‌.

ئایا هه‌موو نازانین كه‌ خوا نه‌فره‌تی له‌و كه‌سه‌ كردووه‌ كه‌ سه‌یری عه‌وره‌تی خه‌ڵكی ده‌كات و وا ده‌كات خه‌ڵكیش سه‌یری عه‌وره‌تی بكه‌ن، نه‌فره‌تیش مانای دووركه‌وتنه‌وه‌یه‌ له‌ به‌زه‌یی میهره‌بانی په‌روه‌ردگار؟!

ئایا هه‌موو نازانین كه‌ خوای گه‌وره‌ فه‌رمانی پێ داوین چاوه‌كانمان له‌ ‌ئاستی نامه‌حره‌مدا ده‌خه‌ین و نه‌كه‌وینه‌ زیناو كاری فاحیشه‌وه؟!

ئایا پێغه‌مبه‌ری خۆشه‌ویستمان (صلی الله علیه وسلم) هه‌ڕه‌شه‌ی له‌و كه‌سانه‌ نه‌كردووه‌ كه‌ تاوانه‌كانیان ئاشكرا ده‌كه‌ن و هیچ گوێی پێ ناده‌ن و له‌ خوا ناترسن؟! له‌ فه‌رمووده‌ی سه‌حیحدا نه‌یفه‌رمووه‌: " كل أمتي معافى إلا المجاهرين ، وان من المجاهرة أن يعمل الرجل بالليل عملا ثم يصبح وقد ستر الله عليه فيقول يا فلان عملت البارحة كذا وكذا ، وقد بات يستره ربه ويصبح يكشف ستر الله عنه " [هه‌موو ئوممه‌ته‌كه‌م لێ بوردراون ته‌نها ئه‌وانه‌ نه‌بێت تاوانه‌كانیان ئاشكرا ده‌كه‌ن، وه‌ له‌ ئاشكراكردنیش ئه‌وه‌یه‌ كه‌ مرۆڤ له‌ شه‌ودا كارێك ده‌كات و خوا پۆشیویه‌تی، پاشان ڕ‌ۆژ ده‌بێته‌وه‌ و ده‌ڵێت فلان كه‌س من دوێنی ئه‌وه‌م كردو ئه‌وه‌م كرد، ده‌ست پێ ده‌كات و ئه‌وه‌ی په‌روه‌ردگاری بۆی شاردۆته‌وه‌ چی كردووه‌ ئه‌م بۆ خۆی ده‌ری ده‌خات و به‌خه‌ڵكی ده‌ڵێت] ده‌ی ئایا ئه‌وه‌ی له‌ ناو پێگه‌كانی ئه‌نته‌رنێت و شوێنانی تردا بڵاو ده‌بێته‌وه‌ له ئاشكراكردنی تاوانه‌كان نییه‌؟!

ئایا پێغه‌مبه‌رمان (صلی الله علیه وسلم) هه‌واڵی نه‌داوه‌ كه‌ هه‌موو كه‌سێك ئه‌چێته‌ به‌هه‌شته‌وه‌ ته‌نها ئه‌وانه‌ نه‌بێت بێ گوێی ده‌كه‌ن و پشت هه‌ڵده‌كه‌ن و فه‌رموویه‌تی: ( كل أمتي يدخلون الجنة إلا من أبى . قالوا : يا رسول الله ، ومن يأبى ؟ قال : من أطاعني دخل الجنة ، ومن عصاني فقد أبى ) . [هه‌موو ئوممه‌ته‌كه‌م ده‌چنه‌ به‌هه‌شته‌وه‌ ته‌نها ئه‌وانه‌ نه‌بێت كه‌ پشت هه‌ڵده‌كه‌ن و بێ گۆێیی ده‌كه‌ن، وتیان: ئه‌ی پێغه‌مبه‌ری خوا، ده‌ی ئه‌وه‌ كێیه‌ پشت هه‌ڵده‌كات؟ فه‌رمووی: هه‌ر كه‌س گوێڕایه‌ڵیم بكات ئه‌چێته‌ به‌هه‌شته‌وه‌، وه‌ هه‌ركه‌سیش سه‌رپێچیم بكات ئه‌وه‌ پشتی هه‌ڵكردووه‌]
كێمان هه‌یه‌ مه‌به‌ستی چوونه‌ به‌هه‌شت نه‌بێت؟! ده‌ی كه‌واته‌ با گوێڕایه‌ڵ پێغه‌مبه‌ری خوا بین.

ئایا به‌هه‌شت به‌ كاره‌ ناڕه‌حه‌ته‌كان و دۆزه‌خیش به‌ هه‌واو ئاره‌زوو شه‌هه‌وات ده‌ور نه‌دراون؟! پێغه‌مبه‌ر (صلی الله علیه وسلم) ده‌فه‌رموێت: (حفت الجنة بالمكاره ، وحفت النار بالشهوات) . مسلم عن انس بن مالك

به‌راستی یان له‌ بیرمان چووه‌ یان له‌ بیریان بردوینه‌وه‌ كه‌ ئه‌مه‌ ته‌واو ئه‌و پیلانه‌یه‌ دوژمنانمان بۆیان نه‌خشه‌ كێشاوین تاكو دنیاو دواڕۆژیشمان له‌ ده‌ست بچێت.

براو خوشكانی به‌رێز: ده‌زانم هه‌ركه‌سێك ئه‌م په‌یامه‌ بخوێنێته‌وه‌ له‌ سێ چین به‌ده‌ر نییه‌:

یه‌كه‌م: كاتێك ده‌زانێت ئامۆژگاری و ڕێنمونی تێدایه‌، تووڕی ده‌دات و پشگوێی ده‌خات و واز له‌ ئاره‌زووه‌كانی ناهێنێت، ڕه‌نگه‌ توڕه‌ش ببێت و قسه‌ش به‌ نووسه‌ره‌كه‌ی بڵێت، ئه‌م جۆره‌ كه‌سانه‌ داواكارین خوا هیدایه‌تیان بدات و بگه‌ڕێنه‌وه‌.

دووه‌م: هه‌روا ده‌یخوێنێته‌وه‌و ڕه‌نگه‌ ته‌واویشی نه‌كات، له‌ ناخیشه‌وه‌ نه‌فره‌ت له‌وانه‌ ده‌كات بوێرییان بگاته‌ ڕادده‌یه‌ك له‌ نهێنییه‌وه‌ بگه‌نه‌ ئه‌وه‌ی تاوانه‌كانیان به‌ ئاشكرا له‌ سه‌ر تۆڕی ئه‌نته‌رنێت و شوێنانی تریشه‌وه‌ بكه‌ن، به‌ڵام ناگاته‌ ئه‌و ڕاده‌ی به‌ هه‌نده‌و به‌ گوڕه‌وه‌ تێی بڕوانێت و كاری پێ بكات.

سێیه‌م: كه‌سێكه‌ به‌ دڵێكی كراوه‌وه‌و له‌ ڕووی ئامۆژگارییه‌وه‌ ده‌یخوێنێته‌وه‌و بڕیار ده‌دات ئیتر له‌و پێگه‌ و ماڵپه‌ڕه‌ خراپانه‌ نزیك نه‌بێته‌وه‌ (كه‌ ئه‌مه‌ گرنگترینه‌)، ئه‌م ئامۆژگارییانه‌ له‌ دڵیدا ده‌چه‌سپێت و كاری خۆی ده‌كات و دڵی پێ پڕ ده‌بێته‌وه‌ له‌ ئیمان و بڕیاری بێ گه‌ڕانه‌وه‌ ده‌دات بۆ جارێكی تر له‌ شوێنه‌ گوماناوی و خراپانه‌ نزیك نه‌بێته‌وه‌، ده‌زانێت خوایه‌كی لێبورده‌و به‌ به‌زه‌یی و به‌خشنده‌ی هه‌یه‌و ئه‌گه‌ر ڕاستگۆیانه‌ لێی نزیك بێته‌وه‌، هه‌میشه‌ ده‌رگای لێبورده‌یی كراوه‌یه‌و ته‌وبه‌و په‌شیمانی به‌نده‌كانی وه‌رده‌گرێت، به‌ڵكوو له‌وه‌ش زیاتر هه‌رچی تاوان و خراپه‌یان هه‌یه‌ بۆیان ده‌گێڕێت به‌ چاكه‌و ئیحسان ئه‌گه‌ر به‌ مه‌رجێك دڵسۆزانه‌ بگه‌ڕێنه‌وه‌، عه‌زیمه‌ت و گوڕو تینی به‌هێزه‌ بۆ نه‌گه‌ڕانه‌وه‌ سه‌ر تاوان و ده‌زانێت له‌ مه‌رجه‌كانی ته‌وبه‌: هه‌ڵكه‌ندن له‌ تاوان و ڕاستگۆیی و عه‌زیمه‌ت بۆ نه‌گه‌ڕانه‌وه‌ سه‌ری.

له‌ كۆتاییدا فه‌رموو له‌گه‌ڵ ئه‌م په‌یامانه‌ له‌ په‌روه‌ردگاره‌وه‌ بۆت:

1. خوای گه‌وره‌ ده‌فه‌رموێت:"ُقل يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيم " الزمر:53
2. هه‌روه‌ها ده‌فه‌رموێت:" قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُون" النور:30 وه‌: "وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ" النور:31
3. هه‌روه‌ها ده‌فه‌رموێت: "ألَمْ يَأْنِ لِلَّذِينَ آمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلا يَكُونُوا كَالَّذِينَ أُوتُوا الْكِتَابَ مِنْ قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِنْهُمْ فَاسِقُونَ" الحديد:16

هه‌روه‌ها ئه‌مانه‌ی تریش له‌ پێغه‌مبه‌ره‌وه‌ (صلی الله علیه وسلم)

1. "لعن الله من عمل عمل قوم لوط"
2. "من غض بصره عن الحرام أورثه الله لذة يجدها في قلبه"
3. ”من يضمن لي ما بين لحييه وما بين فخذيه أضمن له الجنة“.
4. " حجبت النار بالشهوات ، وحجبت الجنة بالمكاره "
5. "من سن في الإسلام سنة سيئة كان عليه وزرها ووزر من عمل بها إلى يوم القيامة من غير أن ينقص من أوزارهم شيء"
6. "من دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئـًا"

ئه‌وه‌ش بزانین خوای متعال لێ بورده‌یه‌وه‌ هه‌میشه‌ ڕه‌حمه‌تی پێش عه‌زابی كه‌وتووه‌، هه‌ركه‌س به‌ ته‌واوی و ڕاستگۆیانه‌ هه‌نگاو بنێت نا ئومێدی ناكات و ئه‌م فه‌رمووده‌ش به‌ڵگه‌ی ئه‌وه‌یه‌:[ أذنب عبد ذنبا فقال : اللهم ! اغفر لي ذنبي ، فقال تبارك وتعالى : أذنب عبدي ذنبا ، فعلم أنه له ربا يغفر الذنب ، ويأخذ بالذنب ، ثم عاد فأذنب ، فقال : أي رب ! اغفر لي ذنبي ، فقال تبارك وتعالى : عبدي أذنب ذنبا ، فعلم أن له ربا يغفر الذنب ، ويأخذ بالذنب ، ثم عاد فأذنب ، فقال : أي رب ! اغفر لي ذنبي ، فقال تبارك وتعالى : أذنب عبدي ذنبا ، فعلم أن له ربا يغفر الذنب ، ويأخذ بالذنب ، اعمل ما شئت فقد غفرت لك ].
مسلم عن أبي هريرة

جا ئایا ئه‌گه‌ڕێنه‌وه‌ بۆ لای په‌روه‌ردگارمان و لێی ده‌پاڕێینه‌وه‌، یان به‌رده‌وام ده‌بین له‌ سه‌ره‌ڕۆیی و تاوان و گوناهه‌كانمان؟!

داواكارین له‌ په‌روه‌ردگارمان هیدایه‌تمان بات بۆ ڕێگه‌ی ڕاست و بمانگێڕێت له‌ ئه‌هلی به‌هه‌شت و به‌رچاوڕۆشنمان بكات سه‌باره‌ت به‌و نه‌خشه‌و پیلانانه‌ی دوژمنانمان بۆمان ده‌كێشن.

بۆ زیاتر شاره‌زایی و خوێندنه‌وه‌ له‌م بابه‌ته‌‌: [saaid.net]