سنوور نه‌ما نه‌یبه‌زێنن!!!
کاتێک ته‌ماشای ئه‌م وێنه‌یه‌ ده‌که‌ین و سه‌رنجی لێ ئه‌ده‌ین، دیمه‌نێکی پڕ سۆز و خۆشه‌ویستی له‌ نێوان دوو هاوسه‌ردا به‌دی ده‌که‌ین، به‌تایبه‌تی له‌ پیاوه‌که‌وه‌ که‌ کاتی ته‌نگایه‌تییه‌ و هاوده‌می هه‌یه‌ له‌گه‌ڵ خێزانه‌که‌ی که‌وا وه‌ختی منداڵبوونێتی و نه‌یهێشتووه‌ به‌ته‌نیا بێت.


ئه‌م خێزانه‌ به ‌ڕه‌گه‌ز ئه‌ڵمانین، کوڕه‌که‌ ناوی(پاتریک شتوبیج) ه‌ و ته‌مه‌ن سی ساڵه‌، هاوسه‌ره‌که‌یشی ناوی(سۆزان کارۆلفیسکی)ه‌ و ته‌مه‌نی بیستودوو ساڵانه‌. ئه‌م دووانه‌ گرێبه‌ستێکی شه‌رعییان له‌ نێواندا نییه‌(زواج رسمي) و چوار منداڵیشان له‌یه‌ک هه‌یه‌، به‌ڵام سه‌رسوڕمانی هێشتا له‌مانه‌دا نییه‌، چونکه‌ ئه‌وه‌ ڕۆژگاری ئه‌مڕۆیه‌ که‌ له نێو ئه‌وروپییه‌کاندا پێکه‌وه‌بوونی نێر و مێ و منداڵبوون به‌بێ ماره‌کردنی شه‌رعی و ڕه‌سمی بۆته‌ شتێکی ئاسایی و که‌س پێی سه‌رسام نه‌بێت! به‌ڵام ئه‌وه‌ی سه‌یره‌ لێره‌دا ئه‌م دووانه‌ خوشک و بران و له‌یه‌ک دایکیشن!

پاتریک و سۆزان له‌یه‌ک گۆشتوخوێنن و به‌ په‌یوه‌ندی زینای مه‌حره‌م ساڵانێکه‌ پێکه‌وه‌ن و له‌و ماوه‌یه‌دا چوار منداڵیان ناوه‌ته‌وه‌ و سه‌ره‌تای په‌یوه‌ندییه‌که‌شیان له‌ ساڵی(2000)ه‌وه‌ ده‌ستی پێ کردووه‌.
سه‌ره‌تای ئه‌م چیرۆکه‌ش له‌دایکیانه‌وه‌ ده‌ست پێ ده‌کات کاتێک(8) منداڵی ده‌بێ و له‌به‌ر بارگرانی له‌ ڕاگرتنیان پاتریک به‌جێ دێڵێت له‌ بنکه‌یه‌کی چاودێری، به‌ڵام له‌دوای ئه‌وه‌ت ته‌مه‌نی پاتریک ده‌بێته‌(20) ساڵ عه‌وداڵی دایک و خێزانه‌که‌ی ده‌بێ و هه‌وڵ ده‌دات بیاندۆزێته‌وه‌، له‌دوای ئه‌وه‌ی به‌خێزانی خۆی شاد ده‌بێته‌وه‌ ئیتر په‌یوه‌ندی له‌گه‌ڵ ئه‌م خوشکه‌ی خۆیدا بۆ دروست ده‌بێت!
له‌دوای مردنی دایکییان له‌(2002) ، په‌یوه‌ندی سێکسییان ده‌که‌وێته‌ نێوان، ئه‌و کاته‌ ته‌مه‌نی پاتریک(24) ساڵ ده‌بێ و هی سۆزانیش(16) ساڵ. منداڵی یه‌که‌م (ئیریکی) که‌مئه‌ندام ده‌بێ و پاشان به‌دوای ئه‌و(سارا)ی که‌مئه‌ندام، ئه‌وجا(نانسی) و دواتریش(سۆفیا)..

هه‌ر له‌گه‌ڵ منداڵی یه‌که‌م کێشه‌یان ده‌که‌وێته‌ به‌ر دادگای ئه‌ڵمانی و به‌ تۆمه‌تی په‌یوه‌ندی سێکسی نێو مه‌حره‌میی نزیکه‌ی ساڵێک به‌ندکردن بۆ کوڕه‌که‌ ده‌رده‌چێت به‌ڵام کارپێکردنی بڕیاره‌که‌ ڕاده‌گیرێت و دواتریش(13) مانگی بۆ ده‌بڕێته‌وه‌، دوایین دادگایشی به‌ حوکم ده‌درێت و کێشه‌که‌شی به‌هه‌ڵواسراوی ده‌مێنێته‌وه‌ له‌ساڵی(2005)ه‌وه‌ و هه‌تا ئێستا جێبه‌جێ نه‌کراوه‌.

سۆزانیش له‌و کاته‌ی برامێرده‌که‌ی(13) مانگ به‌ند ده‌کرێت، کات به‌فیڕؤ نادات و هه‌ر له‌و ماوه‌یه‌دا په‌یوه‌ندی له‌گه‌ڵ پیاوێکی تر ده‌به‌ستێ و له‌ویش منداڵی پێنجه‌می ده‌بێت که‌ ئێستا وا له‌لای باوکه‌که‌یه‌تی، له‌وه‌ش سه‌یرتر له‌گه‌ڵ هه‌موو ئه‌و په‌یوه‌ندی نائاساییانه‌دا سۆزان خان به‌هیچ شێوه‌یه‌ک هه‌ست به‌وه‌ ناکات گوناه و کاره‌ساتێکی ئه‌نجام ده‌بێت(ته‌نانه‌ت مێشیش میوانی نییه‌!).

ئێستا کێشه‌ و مشتومڕ هه‌یه‌ له‌ نێو یاسا ناسانی ئه‌ڵمانیا..
له‌دوای ئه‌م ڕووداوه‌ و ڕه‌نگه‌ چه‌نده‌های تریش، یاساناس و مافناسانێک په‌یدابوون که‌ پشتگیری له‌و جۆره‌ هاوسه‌رییه‌ ده‌که‌ن و داوای ئه‌وه‌ ده‌که‌ن که‌ له‌ده‌ستووری ئه‌ڵمانیدا ڕێگا به‌ هاوسه‌رێتی نێوان خوشک و برا و ماره‌کردنی مه‌حره‌میی بدرێ و به‌پێچه‌وانه‌شه‌وه‌ ئه‌و ده‌ق و یاسایانه‌ هه‌ڵبوه‌شێته‌وه‌ وه‌ک مادده‌ی(173) له‌ یاسای سزادانی ئه‌ڵمانی که‌ تیایدا په‌یوه‌ندی جنسی نێوان مه‌حره‌مه‌کان به‌ تاوان ده‌ناسێنێت، هه‌روه‌ها ده‌ڵێن که‌ گوایه‌ ئه‌و بیربۆچوونانه‌ بۆ چه‌رخی ئه‌مڕۆ ناگونجێ و ‌ ئه‌وانه‌ پاشماوه‌ی فیکرییه‌ چه‌رخه‌کانی ناوه‌ڕاسته‌.

پارێزه‌"يواخيم فروملينج" ئه‌ندامی یه‌که‌ی به‌رگری له‌ پاتریک ده‌ڵێت: حه‌رامکردنی په‌یوه‌ندییه‌ سێکسییه‌کان له‌ نێوان خزمه‌ نزیکه‌کان مانای ده‌ستدرێژییه‌ له‌سه‌ر ئازادی سێکسی و ئازادی بۆچوونی تاکیی بۆ شێوه‌یه‌ک له‌ ژیانی خێزانی، ئه‌مه‌ش ڕۆڵ ده‌بینێت له‌ به‌گژداچوونه‌وه‌ی بنچینه‌ی یاسا(که‌ بۆ خزمه‌تی مرۆڤ دانراوه‌!).
هه‌روه‌ها ده‌ڵێت: مادده‌ی(173) له‌ یاسای سزادان ته‌نها پاشاماوه‌ی مێژوویه‌کی کۆنه‌ و ناڕوات له‌گه‌ڵ سروشتی ژیانی ئه‌مڕؤ(وادیاره به‌لای ئه‌م خوێنه‌واره‌وه‌‌ مرۆڤه‌کانی ئه‌مڕؤ بۆیان پێویسته‌ و به‌سووده‌ سێکسکردنیان له‌گه‌ڵ خوشک و دایک و کچی خۆیان!).

"إندريك فيلهلم" که‌ پارێزه‌ری دووه‌می پاتریکه‌ له‌ به‌رگری کردنی بۆ کێشه‌که‌ی ده‌ڵێت: ئه‌م دوو خوشک و برایه‌، خۆیان بڕیاریان داوه‌ جۆرێکی نوێ له‌ خێزان پێک بهێنن بۆیه‌ پێویسته‌ به‌ختیان بدرێتێ له‌ یاسای ئه‌ڵمانیدا، بۆچی ڕێگا نه‌درێت به‌ دووان یه‌کترییان خۆش ویستووه‌ هه‌تا پێکه‌وه‌ بژین؟ هه‌ر له‌به‌رئه‌وه‌ی خوشک و بران؟!

له‌مه‌وه‌ یاساناسانی ئه‌ڵمان ئێستا گومانیان بۆ دروست بووه‌ له‌باره‌ی له‌ ژیرانه‌یی مادده‌ی(173)ی یاسای سزادان به‌ناوی ئه‌وه‌ی که‌ وه‌چه‌ تووشی نووقسانی(إعاقة) ده‌کات‌ و ده‌ڵێن ئه‌وه‌ هیچ به‌ڵگه‌ و پاساو نییه‌ له‌ جێگیربوونی سزا بۆ ئه‌وانه‌ی په‌یوه‌ندی سێکسی مه‌حره‌میی ده‌که‌ن. ده‌ستڕاده‌کێشن به‌وه‌ی که ‌بۆچی ڕێژه‌ی سکپڕبوون له‌ته‌مه‌نه‌ که‌مه‌کاندا ڕوو له‌زیادبووندایه‌ و که‌چی هیچ جۆره‌ سزایه‌کیش به‌دی ناکرێت بۆ سزادانی ئه‌و حاڵه‌تانه‌ له‌ یاسای ئه‌ڵمانیدا.
بۆیه‌ ده‌ڵێن ئه‌گه‌ر ڕێگری له‌ شه‌رعییه‌تی سێکس و هاوسه‌رێتی نێوان خزمه‌ نزیکه‌کان ته‌نها له‌به‌ر سه‌قه‌تی جه‌سته‌یی و بۆماوه‌ییه‌، که‌واته‌ هیج نه‌بێت ده‌بێت ڕێگا بدرێت بۆ ئه‌وانه‌ی که‌ منداڵیان نابێت یاخوود وه‌ستاون له‌ منداڵبوون.

"كنوت أميلونج"یش که‌ شاره‌زایه‌کی به‌ناوبانگی بواری یاسایه‌ له‌ ئه‌مانیا، هه‌مان پشتگیری به‌ئاساییبوونی په‌یوه‌ندی سێکسی و هاوسه‌رێتی نێوان مه‌حره‌مه‌کان ده‌کات و ده‌ڵێت، له‌ فه‌ڕه‌نسا و هۆڵه‌نداش سزایه‌ک نییه‌ بۆ ئه‌وانه‌ی زینای مه‌حره‌میی ده‌که‌ن.

شایه‌نی باسه‌ وه‌کوکونتیسه‌ ده‌ڵێت: مه‌ترسییه‌کی زۆر سامناک له‌ که‌میندایه‌ بۆ ئه‌و منداڵانه‌ی له‌دایکبوونی زینای مه‌حره‌من و ئه‌گه‌ری زۆری سه‌لامه‌تی منداڵێک له‌م جۆره‌ په‌یوه‌ندییه‌ له‌ نێوانی خوشک و برا ناگاته‌ ڕێژه‌ی(%50)، هه‌روه‌ها ڕێژه‌ی مردنی منداڵانی‌ که‌مئه‌ندام و سه‌قه‌ت له‌م ڕێگه‌یه‌وه ده‌گاته‌%30 و ڕێژه‌ی ئه‌گه‌ری ناته‌وای له‌ ژیریی تێیاندا ده‌گاته‌%20.‌