مژده‌كان له‌قورئانی پیرۆز و فه‌رمووده‌كانی پێغه‌مبه‌ری خۆشه‌ویست (صلى الله عليه وسلم)
كاروانی نور هه‌ر له‌دوای ئاده‌م تاوه‌كو پێغه‌مبه‌ری خۆشه‌ویستامان (صلى الله عليه وسلم) زۆر كۆسپ و ته‌گه‌ره‌ی هاتۆته‌ پێش, زۆر جار خوێنی پێغه‌مبه‌ران ڕژاوه‌و شه‌هید بوونه‌، وه‌ باجی هه‌ڵگرتنی مه‌شخه‌ڵی باوه‌ڕ زۆر جار خوێن و لاشه‌بووه‌ سه‌رو ماڵ بووه‌، قۆناغیش هه‌بووه‌ هاوه‌ڵانی پێغه‌مبه‌ر له‌سه‌ر لێواری بێئومێدی بووینه‌ هاتوونه‌ته‌ لای پێغه‌مبه‌ر (صلى الله عليه وسلم) داوای ئه‌وه‌یان كردووه‌ كه‌ نوسره‌ت بدرێن.
(حدثنا عمرو بن عون أخبرنا هشيم وخالد عن إسمعيل عن قيس بن أبي حازم عن خباب قال أتينا رسول الله صلى الله عليه وسلم وهو متوسد بردة في ظل الكعبة فشكونا إليه فقلنا ألا تستنصر لنا ألا تدعو الله لنا فجلس محمرا وجهه فقال قد كان من قبلكم يؤخذ الرجل فيحفر له في الأرض ثم يؤتى بالمنشار فيجعل على رأسه فيجعل فرقتين ما يصرفه ذلك عن دينه ويمشط بأمشاط الحديد ما دون عظمه من لحم وعصب ما يصرفه ذلك عن دينه والله ليتمن الله هذا الأمر حتى يسير الراكب ما بين صنعاء وحضرموت ما يخاف إلا الله تعالى والذئب على غنمه ولكنكم تعجلون) (صحيح وضعيف سنن أبي داود - (ج 6 / ص 149) تحقيق الألباني : صحيح)

خه‌باب (صلى الله عليه وسلم) ده‌فه‌رموێ هاتینه‌ خزمه‌ت پێغه‌مبه‌ری خۆشه‌ویست (صلى الله عليه وسلم) له‌ژێر سێبه‌ری كه‌عبه‌ دانیشتبوو سكاڵای خۆمان لای كردو وتمان: بۆ دوعامان بۆ ناكه‌یت، بۆ داوای نوسڕه‌تمان بۆناكه‌یت، پێغه‌مبه‌ری خۆشه‌ویست (صلى الله عليه وسلم) رڕه‌نگی سوور هه‌ڵگه‌ڕاو فه‌رمووی: خه‌ڵكانی پێش ئێوه‌ چاڵیان بۆ هه‌ڵده‌كه‌ندرا و به‌ مشار دوو له‌تده‌كران هه‌ڵنه‌ده‌گه‌رِانه‌وه‌ له‌ئاین، وه ‌به ‌شانه‌ی ئاسن گۆشت و ئێسقانی له ‌یه‌ك جودا ده‌كرایه‌وه‌ نه‌ده‌بووه‌ مایه‌ی واز هێنانی له‌ئاینه‌كه‌ی، وه‌ڵڵاهی خوای گه‌وره‌ ئه‌م ئاینه‌ داده‌مه‌زرێنێ خه‌ڵكی له‌نێوان (صنعاء) وه‌ (حضرموت) ده‌رِۆن ترسی هیچیان نییه،‌ ته‌نها ترسی خوای گه‌وره‌ (صلى الله عليه وسلم) وه‌ ترسی گورگییه‌تی له‌سه‌ر مه‌ڕه‌كانی، به‌ڵام ئێوه‌ په‌له ‌ده‌كه‌ن.
هیچ كاتێك تاریكی زیندان و په‌تی سێداره‌و ونكردنی موسوڵمانان و زڕاندنی ناوی موسڵمانان له‌ میدیاكان و گه‌وره‌یی پیلان و زلی ئه‌و هێزانه‌ی له‌دژی موسڵمانانن، نه‌بۆته‌ و نابێته‌ مایه‌ی له ‌ناو بردنی ئه‌م دینه‌ وه‌ هه‌موو جه‌نگێك كه ‌موسڵمان ده‌یدۆرِێنێ دۆڕانی ئیسلام نییه،‌ به‌ڵكوو ده‌بێته‌ مایه‌ی هه‌نگاوێكی تازه‌ی موسڵمانان.
ئیسلام هاتووه‌ بۆ ئه‌وه‌ی سه‌ركه‌وێ و به‌رنامه‌ ده‌ستكرده‌كانی مرۆڤ كه ‌بۆچه‌وسانه‌وه‌ی مرۆڤن لایان به‌رێ، وه‌ به‌رنامه‌ی خوای په‌ره‌وه‌ردگار (عز وجل) به‌ده‌ست و بازی مرۆڤ قه‌ت له‌ناو ناچێ، بۆیه‌ قورئان و سوننه‌ت سه‌رچاوه‌ی هه‌موو هه‌نگاوێكی موسڵمانن ئه‌و وزه‌و توانایه‌ی له‌قورئان و سوننه‌تدایه‌ هه‌رده‌م ناهێڵن موسڵمان هه‌ڵبخلیسكێته‌ زه‌لكاوی یه‌ئس و ده‌ست به‌خۆدان.

پێغه‌مبه‌ری خۆشه‌ویستمان (صلى الله عليه وسلم) ده‌فه‌رموێ: (تركت فيكم أمرين لن تضلوا ما تمسكتم بهما : كتاب الله وسنة رسوله) ( حسن ) "مشكاة المصابيح - ج 1 / ص 40"
واته‌ قورئانی پیرۆز و سوننه‌تی پێغه‌مبه‌رمان ئه‌و دوو خاڵه‌ن گومرِانابن گه‌ر ده‌ست به‌رداری نه‌بین .
مانای په‌یڕه‌وكردنی قورئان وسوننه،‌ وه‌ گه‌ڕانه‌وه ‌بۆ ئه‌م دوو ئه‌سڵه‌ زۆر گه‌وره‌تره‌ له‌و بۆچوونه‌ی كه‌ ئه‌م گه‌رانه‌وه‌یه‌ی ته‌نها له‌چوار چێوه‌ی (فيقه) كۆده‌كاته‌وه‌.
كتاب و ‌سوننه‌ وزه‌ی رۆحن، ئه‌و كاته‌ی كه ‌چۆك شل ده‌بێ به ‌قوڕسی بار، له‌قالبدانی روانگه‌ به‌قالبی قورئان و سوننه‌ بۆ ده‌ورو به‌روو بونه‌وه‌رو مانای دۆرِان وسه‌ركه‌وتن هه‌نگاوێكی زۆر گرنگه‌ موسڵمان له‌یادی نه‌كات، وه‌ هه‌ڵسه‌نگاندن به‌ته‌رازووی قوڕئان له‌ هه‌موو بواره‌كان هه‌نگاوی یه‌كه‌می كۆڵ نه‌دان و به‌رده‌وام بوونه‌.

له‌ قوڕئانی پیرۆزدا باس له ‌ناوچوونی كوفرو سه‌ر كه‌وتنی باوه‌ڕ كراوه‌: وَلَقَدْ كَتَبْنَا فِي الزَّبُورِ مِنْ بَعْدِ الذِّكْرِ أَنَّ الْأَرْضَ يَرِثُهَا عِبَادِيَ الصَّالِحُونَ ( الانبياء :10)
ئیمامی شه‌نقیتی له‌ڕاڤه‌ی ئه‌م ئایه‌ته‌ پیرۆزه‌ ده‌فه‌رموێ :
(مه‌به‌ست له‌زه‌بور كتێبه‌، ئه‌و كتێبانه‌یه‌ که‌ خوای په‌روه‌ردگار دایبه‌زاندوون،‌‌ وه‌كو ته‌ورات و ئینجیل و زه‌بوری داود و جگه‌ له‌وانه‌ش وه ‌مه‌به‌ستیش له‌ (الذكر) ئوممولکتابه‌ ،ماناكه‌شی ئه‌وه‌یه‌ که‌ له‌و كتێبانه‌ی دامان به‌زاندوونه‌ته‌ سه‌ر پێغه‌مبه‌ران، نووسیومانه‌ كه‌ به‌نده‌ چاكه‌كانمان ده‌بنه‌ میرات گری ئه‌م زه‌مینه‌) (أضواء البيان - ج 4 / ص 317-)
هه‌ره‌وه‌ها مامۆستای شه‌هید (سيد قطب) -ڕه‌حمه‌تی خوای گه‌وره‌ی له‌سه‌ربێت- له‌ڕاڤه‌ی ئه‌م ئایه‌ته‌ ده‌فه‌رموێ:
هه‌رچ كاتێك باوه‌رِی دڵ و كرده‌وه‌ كۆببنه‌وه‌ ده‌بێته‌ مایه‌ی میرات گرتنی ئه‌م زه‌مینه،‌ به‌ڵام هه‌ركاتێك ئه‌م دوو شته ‌له‌یه‌ك دابڕان، ئه‌و كات تای ته‌رازووش ده‌گۆرێ، خه‌ڵكی تر سه‌ر ده‌كه‌ون ئه‌وه‌نده‌ ئه‌ركی موسڵمانانه‌ كه‌ مانای باوه‌ڕو كرده‌وه‌ی چاكه‌ له‌خۆ بهێنه‌دی، ئه‌و كات ده‌بن به‌ میراتگری ئه‌م زه‌مینه‌) بڕوانه‌ (في ظلال القرآن - ج 5 / ص 174-)
هه‌روه‌ها خوای په‌روه‌ردگار (عزوجل) له‌چه‌ند سوڕه‌تێك له ‌قوڕئانی پیرۆزدا ئه‌م به‌ڵێنه‌ی بۆ دووپاتكردینه‌وه‌، هه‌ر بۆنمونه‌:
* وَأَوْرَثَكُمْ أَرْضَهُمْ وَدِيَارَهُمْ وَأَمْوَالَهُمْ وَأَرْضاً لَّمْ تَطَئُوهَا وَكَانَ الله على كُلِّ شَيْءٍ قَدِيراً (الأحزاب : 27 )
* وَأَوْرَثْنَا القوم الذين كَانُواْ يُسْتَضْعَفُونَ مَشَارِقَ الأرض وَمَغَارِبَهَا (الأعراف : 137)
* وَعَدَ الله الذين آمَنُواْ مِنْكُمْ وَعَمِلُواْ الصالحات لَيَسْتَخْلِفَنَّهُمْ فِي الأرض كَمَا استخلف الذين مِن قَبْلِهِمْ [ النور : 55 ]
* وَقَالَ الذين كَفَرُواْ لِرُسُلِهِمْ لَنُخْرِجَنَّكُمْ مِّنْ أَرْضِنَآ أَوْ لَتَعُودُنَّ فِي مِلَّتِنَا فأوحى إِلَيْهِمْ رَبُّهُمْ لَنُهْلِكَنَّ الظالمين وَلَنُسْكِنَنَّكُمُ الأرض مِن بَعْدِهِمْ ( إبراهيم : 13-14)

وه‌له‌فه‌رموده‌كانی پێغه‌مبه‌ر (صلى الله عليه وسلم) هاتووه‌ كه‌ئه‌م ئاینه‌ ده‌گاته‌ ئه‌و شوێنه‌ی كه‌و اشه‌وو ڕۆژی پێده‌گات، وه‌ خوای په‌روه‌ردگار (عزوجل) ئیسلام ده‌گه‌یه‌نێته‌ هه‌موو شارو دێێك (ليبلغن هذا الأمر ما بلغ الليل والنهار ولا يترك الله بيت مدر ولا وبر إلا أدخله الله هذا الدين بعز عزيز أو ذل ذليل عزا يعز الله به الإسلام وذلا يذل الله به الكفر ) (السلسلة الصحيحة - مختصرة --ج 1 / ص 32)
ژیان له‌گه‌ڵ ئه‌م مژدانه‌ وه‌ به‌بیر هێنانه‌وه‌ی به‌تایبه‌ت له‌و كاته‌ی كه‌ غوربه‌ت باڵی كێشاوه‌ به‌سه‌ر زۆر به‌ی وڵاتانی موسڵمانان، وه ‌موسڵمان كراوه‌ به ‌بێگانه‌ له ‌وڵاتی خۆی ئه‌ركی سه‌رشانی هه‌موو موسڵمانێكه‌.
به‌زه‌یی خوای په‌روه‌ردگار (عزوجل) زۆر گه‌وره‌تره‌ له‌وه‌ی له‌م كاته‌ ناخۆشه‌ نه‌رِژێته‌ سه‌ر موسڵمانان، به‌ڵام هه‌ڵه‌كه‌ له‌وه‌ دایه که‌‌ ئێمه‌ له‌گه‌ڵ قوڕئان ناژین، ئه‌و كاته‌ی بۆچوونمان قوڕئانی بوو، خووڕه‌وشتمان قوڕئانی بوو، هه‌موو ئه‌و ده‌رگایانه‌مان له ‌پێش ده‌بێته‌وه‌ كه‌ئیستا داخراون .