قسه‌ی که‌شتیوانێکی ئاسمانی
قورئانی پیرۆز ده‌فه‌رموێت: " وَلَوْ فَتَحْنَا عَلَيْهِم بَاباً مِّنَ السَّمَاءِ فَظَلُّواْ فِيهِ يَعْرُجُونَ . لَقَالُواْ إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَّسْحُورُونَ " . الحجر/14-15.
واته‌: ئه‌و بێباوه‌ڕانه‌ ئه‌گه‌ر ده‌روازه‌یه‌کمان له‌ ئاسماندا بۆ بکردنایه‌ته‌وه‌ تا پیایدا سه‌ر بکه‌ون، ئه‌وه‌ ده‌یان ووت: بێگومان ئێمه‌ چاو به‌ستمان لێکراوه‌ وچاومان داخراوه‌، یا خود ئێمه‌ که‌سانێکی جادوو لێکراوین.


موعجیزه‌کانی ئه‌م ئایه‌ته‌:
1- له‌پێنج شوێندا باسی (العروج) کراوه‌، واته‌: سه‌ر که‌وتن به‌ ئاسماندا به‌ چه‌ماوه‌یی و به‌لاری نه‌ک به‌هێڵی ڕاست، که‌ ئه‌مه‌ش له‌سه‌ده‌ی بیسته‌مدا زانرا، کاتێ مرۆڤ بیری کرده‌وه‌ له‌ چوونه‌ ده‌ره‌وه‌ له‌زه‌وی و چوونه‌ سه‌ر ئه‌ستێره‌کان..
ئه‌مه‌ش ئایه‌تێکی تره‌ له‌و باره‌یه‌وه‌:
أ- " الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ " . المعارج/4. واته‌: فریشته‌کان و جوبره‌ئیل به‌رز ده‌بنه‌وه‌ بۆ لای په‌روه‌ردگار له‌ ڕۆژێکدا که‌ ماوه‌که‌ی په‌نجا هه‌زار ساڵه‌ به‌ حسابی ئاده‌میزاد ( یاخود ڕه‌نگه‌ مه‌به‌ست درێژی ڕۆژی قیامه‌ت بێت که‌ په‌نجا هه‌زار ساڵ ده‌خایه‌نێت به‌ نیسبه‌ت خوانه‌ناسانه‌وه‌)..
ب- " يُدَبِّرُ الْأَمْرَ مِنَ السَّمَاءِ إِلَى الْأَرْضِ ثُمَّ يَعْرُجُ إِلَيْهِ فِي يَوْمٍ كَانَ مِقْدَارُهُ أَلْفَ سَنَةٍ مِّمَّا تَعُدُّونَ " . السجده‌/5. واته‌: ئه‌و خوایه‌ له‌ ژوور ئاسمانه‌وه‌ کارو باری زه‌وی ڕێک ده‌خات سه‌رپه‌رشتی ده‌کات، له‌وه‌و دوا ڕووداوه‌کان و به‌سه‌ر هاته‌کان و کارو کرده‌وه‌ی به‌نده‌کان ده‌گه‌ڕێته‌وه‌ بۆلای، له‌ڕۆژێکدا که‌ به‌رامبه‌ر هه‌زار ساڵه‌ به‌و حسابه‌ی که‌ ئێوه‌ ده‌یکه‌ن.
ج- " يَعْلَمُ مَا يَلِجُ فِي الْأَرْضِ وَمَا يَخْرُجُ مِنْهَا وَمَا يَنزِلُ مِنَ السَّمَاءِ وَمَا يَعْرُجُ فِيهَا وَهُوَ الرَّحِيمُ الْغَفُورُ ". السبأ/2. واته‌: خواوه‌ند ده‌زانێت چی ده‌چێت به‌ ناخی زه‌ویدا و چیشی لێ دێته‌ ده‌ره‌وه‌ و چی له‌ ئاسمان دێته‌ خواره‌و چیش به‌رز ده‌بێته‌وه‌، به‌ڕاستی ئه‌و خوایه‌ میهره‌بان و لێخۆش بووه‌..
د- " يَعْلَمُ مَا يَلِجُ فِي الْأَرْضِ وَمَا يَخْرُجُ مِنْهَا وَمَا يَنزِلُ مِنَ السَّمَاء وَمَا يَعْرُجُ فِيهَا وَهُوَ مَعَكُمْ أَيْنَ مَا كُنتُمْ وَاللَّهُ بِمَا تَعْمَلُونَ بَصِيرٌ " . الحدید/4. واته‌: خواوه‌ند ده‌زانێت چی ده‌چێت به‌ناخی زه‌ویدا و چیشی لێ دێته‌ ده‌ره‌وه‌، چی له‌ ئاسمان دێته‌ خواره‌وه‌و چی پیادا سه‌ر ده‌که‌وێت، جا له‌ هه‌ر شوێنێکدا بن ئه‌و زاته‌ له‌گه‌ڵتاندایه‌و پێتان ده‌زانێت، دڵنیا بن که‌ خوا به‌ هه‌موو ئه‌و کارو کرده‌وانه‌ی ئه‌نجامی ده‌ده‌ن بینایه‌..
له‌ هه‌ر پێنج جێگاکه‌دا قورئان ووشه‌ی (یعرج) به‌کار ده‌هێنێت بۆ چوون بۆ ئاسمان، که‌ ئه‌مه‌ش بۆ خۆی حیکمه‌تی خوای گه‌وره‌ ده‌رده‌خات که‌ ئه‌و ووشه‌یه‌‌ی به‌کارهێناوه‌و تازه‌ زانستی سه‌رده‌م تێ‌ی ده‌گات..
2- ئایا کردنه‌وه‌ی ده‌رگا هه‌روا له‌ بۆشاییدا ده‌بێت؟! دیاره‌ نابێت! که‌واته‌ که‌ جاران وا ده‌زانرا ئاسمان بۆشاییه‌ و هیچی تیانیه‌ وا نیه‌، به‌ڵکو ئاسمان بیناکراوه‌و مادده‌ی تیایه‌ " وَالسَّمَاء بِنَاء " و ئه‌و ده‌رگایه‌ له‌و ئاسمانه‌ بینا کراوه‌دا ده‌کرێته‌وه‌ که‌ ڕێی ڕۆیشتن و ده‌رچوونی مرۆڤه‌ بۆ ئاسمان..
3- ده‌فه‌رموێت: " فَظَلُّواْ فِيهِ يَعْرُجُونَ " واته‌: گه‌شته‌که‌یان له‌ڕۆژدا ده‌بێت، جا هه‌رچه‌ند رۆژه‌و سه‌رده‌که‌ون که‌چی پاش ده‌رچوون له‌و چینه‌ گازه‌ی ئاسمان که‌ ده‌وری زه‌وی‌داوه‌ ئیتر تاریکی ده‌ست پێ ده‌کات، واته‌ گه‌شته‌که‌ له‌شه‌ودا نیه‌، تا وابزانن به‌هۆی شه‌وه‌وه‌یه‌ که‌ ئاسمانه‌کانیان لێ تاریک بووه‌.
4- جا کاتێ مرۆڤ به‌رز ده‌بێته‌وه‌ بۆ زیاتر له‌ (200) کم له‌ ئاسمانداو چینی گازی ده‌وری زه‌وی ده‌بڕێت، له‌پڕ هه‌روه‌ک چاوی دابخرێ هیچ نابینێ و تاریکی‌یه‌، ته‌نانه‌ت خۆر وه‌ک بازنه‌یه‌کی شین ده‌بینێ، جا ئه‌و ڕووناکی‌یه‌ یئێمه‌ ده‌یبینین له‌سه‌ر زه‌وی به‌هۆی ئه‌و تیشکی خۆره‌وه‌یه‌ که‌ له‌چینی گازیدا به‌هۆی گه‌ردی تۆزو خۆڵ و شتی تره‌وه‌ شکانه‌وه‌ ڕووده‌دات و ئابه‌و جۆره‌ی لێدێت که‌ سه‌ر زه‌وی ڕووناک بکاته‌وه‌..
قورئان ده‌فه‌رموێت: " لَقَالُواْ إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَّسْحُورُونَ " .. واته‌؛ ئه‌گه‌ر به‌ره‌و ئاسمان ده‌رچن ئه‌وا ده‌ڵێن بێگومان چاومان داخراوه‌ و جادوومان لێکراوه‌..
ئه‌وه‌ی سه‌یره‌و جێی سه‌رنجه یه‌که‌م که‌شتیوان که‌ چووه‌ ئاسمان و ئه‌و تاریکی‌یه‌ی دی، چه‌ند قسه‌یه‌کی کرد له‌ وه‌سفی ئه‌و حاڵه‌ته‌دا که‌ ئه‌گه‌ر وه‌ری بگێڕین ئه‌مه‌ ماناکه‌یه‌تی : ( من که‌ چوومه‌ ئاسمان چاوم له‌ده‌ستداو هیچم نه‌بینی هه‌روه‌کو ئه‌وه‌ی جادوو سیحرم لێکرا بێت؟!).. ئه‌مه‌ له‌کاتێکدا که‌ ئه‌و که‌سه‌ بیانی‌یه‌و به‌هیچ جۆرێک ئاگاداری ئه‌م فه‌رمووده‌یه‌ی قورئان نه‌بووه‌ و سه‌د له‌ سه‌د قسه‌که‌شی وه‌ک فه‌رمووده‌که‌ی قورئانه‌..( پرۆفیسۆر زغلول النجار).
5- قورئان باسی ڕۆژێک ده‌کات که‌ هه‌زار یان په‌نجا هه‌زار ساڵی ئێمه‌یه‌ ئه‌مه‌ش هه‌ر موعجیزه‌یه‌و ئێستا زانراوه‌ که‌ ته‌نها له‌سه‌ر زه‌ویدا رۆژێک 24 سه‌عاته‌ و له‌ ئه‌ستێره‌کانی ترو بوونه‌وه‌ردا به‌ جۆرێکی تره‌ و دیاره‌ که‌ ئه‌مه‌ قسه‌ی که‌سێکی سه‌ر زه‌وی نیه‌ که‌ ته‌نها شه‌وو ڕۆژی 24 سه‌عاتی دیوه‌..‌

-----------------------------------------------------------
سه‌رچاوه‌:
ژیانه‌وه‌