به‌لاغی كۆتایی لیژنه‌ی باڵای ئاماده‌كاری كۆنگره‌ی نۆیه‌می بزووتنه‌وه‌ی ئیسلامیی به‌ بۆنه‌ی سه‌رکه‌وتنیه‌وه‌
بزوتنه‌وه‌ی ئیسلامیی به بۆنه‌ی سه‌ركه‌وتنیه‌وه .
بسم الله الرحمن الرحیم
جه‌ماوه‌ری كوردستان ، حیزب و لایه‌نه سیاسییه‌كان ، بنه‌ماڵه‌ی شه‌هیدان ، ئه‌ندامان و لایه‌نگرانی بزووتنه‌وه‌كه‌مان

السلام علیكم ورحمة الله
به پشت به‌ستن به‌هێز و ده‌سه‌ڵاتی په‌روه‌ردگار و وره‌ی ئه‌ندامانمان ، له ڕۆژی پێنج شه‌ممه به‌رواری 10/7/2008 كاتژمێر 9 ی سه‌رله‌به‌یانی به ئاماده‌بونی سه‌رجه‌م نوێنه‌ری ئورگان و مه‌ڵبه‌ند و ده‌زگاكان و ڕێژه‌یه‌كی به‌رچاو له خوشكان بزوتنه‌وه‌كه‌مان نۆیه‌مین كۆنگره‌ی له شاری سلێمانی
به‌ست كه تێیدا ڕێژه‌ی (630) ئه‌ندام ئاماده‌بوون .
به له چاو گرتنی هه‌موو ڕێنمایی یه‌كان :
1- هێمنیی و ئارامی به گیانێكی برایانه‌وه به‌ڕێوه چوو.
2- به ئازادانه ڕاو بۆچونه‌كانی تاوتوێ كراو ڕای زۆرینه په‌سه‌ند ده‌كرا.
3- ئه‌ندامان به هه‌ستێكی لێپرسراوی یه‌وه هه‌ڵسوكه‌وتیان ده‌كرد.
4- سه‌باره‌ت به هه‌رێمی كوردستان بزووتنه‌وه به ئه‌ركی خۆی ده‌زانێ داكۆكی له قه‌واره‌و سه‌روه‌ریی و پاراستنی بكات و هاو ده‌نگیش بێت بۆ گه‌ڕانه‌وه‌ی ناوچه دابراوه‌كان بۆ ژێر ده‌سه‌ڵاتی هه‌رێمی كوردستان و پاراستنی ئه‌م هه‌رێمه‌ش كه به تێكۆشانی هه‌موو لایه‌ك هاتۆته كایه به‌ئه‌ركی سه‌رشانی خۆی ده‌زانێ.
5- داكۆكی له‌سه‌ر گیانی ته‌بایی و برایه‌تی و یه‌ك ڕیزی له‌گه‌ڵ لایه‌نه نیشتمانیی و پارته تێكۆشه‌ره‌كانی سه‌ر گۆڕه‌پانی كوردستان.
6- داكۆكی كردنی له جێ به‌جێ كردنی ماده‌ی 140 كه مافێكی ڕه‌وای گه‌له‌كه‌مانه.
7- ه‌هشداری كردن له تێكڕای هه‌ڵبژاردنه‌كان له ئاستی كوردستان و عێراق ، بۆ زیاد كردنی ده‌نگی ڕه‌وای گه‌له‌كه‌مان.
8- په‌رۆش و هه‌وڵدان بۆ دابینكردنی ئاسایش له هه‌رێم و عێراق دا و پاراستنی سه‌روه‌ری عێراق .
9- په‌رچ دانه‌وه‌ی ئه‌و ده‌سته گێره شێوانه‌ی كه ڕۆژانه ڕه‌شه كوژیی و خوێنی به بێ تاوانی میلله‌ته‌كه‌مان ده‌رێژن.
10- داكۆكی كردن له‌سه‌ر چاره‌سه‌ری كێشه‌كان به ڕێگه‌ی دیالۆك نه‌ك په‌نا بردن بۆ زه‌بر و سته‌م.
11- داكۆكی كردن له‌سه‌ر مافه‌كانی ئافره‌ت و دژاه‌هتی هه‌ر توندو تیژی یه‌ك كه به‌رامبه‌ریان ده‌كرێت.
12- ده‌ست خۆشیی و سوپاس و پێزانین بۆ هه‌ر وڵات و ده‌زگاو كۆمپانیایه‌ك، كه هه‌ڵوێست و كاری دڵسۆزی به‌رامبه‌ر میلله‌ته‌كه‌مان ده‌نوێنێ.
13- هه‌ڵوێست وه‌رگرتن به‌رامبه‌ر هه‌ر ده‌ستێكی گێره شێوێن كه یاری به سه‌روه‌ری میلله‌ته‌كه‌مان و ڕاو بۆچون و بنه‌ما ئاینی یه‌كانی بكات.
له كۆتایی دا داواكارین له په‌روه‌ردگار كه كوردستانمان به ئازادیی و میلله‌تمان به‌سه‌ر به‌رزیی و بزووتنه‌وه‌مان به یه‌كڕِیزیی و دڵه‌كانمان به نوری ئیمان پاراو بكات.

والسلام علیم ورحمة الله و بركاته
لیژنه‌ی باڵای ئاماده‌كاری كۆنگره
11/7/2008

ناوی ئه‌ندامانی نوێی شوورای ناوه‌ندی بزووتنه‌وه‌ی ئیسلامیی له كوردستان

به‌ ناوی خوای به‌خشنده‌و میهره‌بان
بابه‌ت : هه‌ڵبژاردن

رۆژی 10/7/2008 كاتژمێر (5) ی ئێواره پرۆسه‌ی دهنگدان له كۆنگره‌ی نۆیه‌می بزووتنه‌وه‌ی ئیسلامیی له كوردستان / عێراق ده‌ستی پێكرد به‌ئاماده بوونی 630 ئه‌ندام ، شوێن : هۆڵی نۆبڵ له سلێمانی- ژماره‌ی ده‌نگده‌ره‌كان 583 كه‌س- ژماره‌ی كارتی سپی چوار كارت و ژماره‌ی كارتی پووچه‌ڵكراو یه‌ك كارت - پاش جیاكردنه‌وه‌ی ده‌نگه‌كان و ئه‌م به‌رێزانه‌ی لای خواره‌وه بیست و یه‌كه‌مین كه‌سیان به‌ده‌ست هێنا ، كه‌بریتین له ئه‌ندامانی سه‌ركردایه‌تی بزووتنه‌وه‌ی ئیسلامیی .

ناوی سیانی و ژماره‌ی ده‌نگ:

1- دكتۆر محمد بازیانی - 495 ده‌نگ
2- عیرفان عه‌لی عه‌بدولعه‌زیز - 463 ه‌هنگ
3- منیره عه‌لی عه‌بدولعه‌زیز - 434 ده‌نگ
4- كامیل حاجی عه‌لی - 402 ده‌نگ
5- شوان قه‌لاَدزێی - 399 ده‌نگ
6- محمد عومه‌ر عه‌بدولعه‌زیز - 398 ده‌نگ
7- مه‌لا به‌كر تاماس - 351 ده‌نگ
8- گوڵزار قادر - 347 ده‌نگ
9- ئه‌نوه‌ر عه‌نه‌بی - 330 ده‌نگ
10- حاجی حسێن حه‌سه‌ن - 314 ده‌نگ
11- عیرفان احمد كاكه محمود - 313 ده‌نگ
12- جمیل سه‌رسپی - 289 ده‌نگ
13- احمد كاره‌با - 281 ده‌نگ
14- ناصح مجید - 262 ده‌نگ
15- احسان عه‌لی عه‌بدولعه‌زیز - 254 ده‌نگ
16- احمد ئیبراهیم وهرتێ - 239 دهنگ
17- شه‌هلا حسێن - 229 ده‌نگ
18- مه‌لا ابراهیم عبدالرحیم - 221 ده‌نگ
19- مه‌لا عبدالله وه‌رتێ - 221 ده‌نگ
20- ابراهیم حاجی رهشید - 204 دهنگ
21- مه‌لا نعمت محمد - 188 ده‌نگ
22- مه‌لا حمه‌امین ئاشوری - 188 ده‌نگ
23- دایكی به‌نان - 184 ده‌نگ

سه‌رنج : هیچ دیارده‌كی ناشارستانی له پرۆسه‌كه‌دا رووی نه‌دا ، ئه‌ندامانی كۆنگره به ئازادانه ده‌نگی خۆیان دا ، كه وه‌ك چاودێرێكی یاسایی و سه‌رۆكی لیژنه‌ی باڵای كۆنگره‌ی باسك له خواره‌وه ئیمزامان كرد .

ئيمزا
بةكر حمه‌ صديق
ئیمزا
شوان قه‌لاَدزه‌یی
سه‌رۆكی لیژنه‌ی بالاَی كۆنگره‌ی نۆیی باسك

10 – 7- 2008