هۆنراوه‌یه‌کی ئایینی بۆ ئه‌وانه‌ی که‌ گومڕان

ده‌وڵه‌مه‌ند هه‌ژار پادشاو گه‌دا
رۆژی قیامه‌ت یه‌کن لای خودا
چیان کردبێ چاکه‌و خه‌راپه‌
هه‌ر که‌س به‌ گوێره‌ی خۆی سزای ئه‌دا

دونیا فانیه‌ و نامێنێ له‌بۆت
چاکه‌ زۆر بکه‌ بۆ دوای خۆت
ڕۆژی دوایی نزیکه‌ و وادێ
چاکه‌ ئه‌بێته‌ که‌فاره‌ی درۆت

ئه‌وه‌ی له‌ دونیا کرده‌وه‌ی چاک بێ
بروای به‌ زاتی پاکی خودا بێ
ئه‌و جۆره‌ که‌سه‌ سه‌ربه‌رز ئه‌ بێ
له‌ ڕۆژی دوایش خوا لێ ی خۆش ئه‌بێ

جوانی و سه‌روه‌ت هه‌ردوکیان ئه‌روا
بۆ که‌س نامێنێ بروات بی بروا
هه‌ر که‌س بۆ دونیا به‌س هه‌وڵ بدا
رووره‌شه‌ له‌ به‌ر قاپی گه‌وره‌ی خوا

کێ بۆ خودا بێ خوداش بۆ ئه‌وه‌
سۆژده‌و رکوعمان ته‌نها بۆ ئه‌وه‌
بۆت ده‌ر ئه‌که‌وێ گه‌وره‌ یی خودا
نزیک به‌وه‌لێی لێ ی دوور مه‌که‌وه‌

ئێمه‌ ی دروست کردوه‌ له‌یه‌ک قه‌تره‌ ئاو
له‌ خۆ بایی بوون عه‌یبه‌ بۆ پیاو
به‌ رووتی هاتووین به‌ روتیش ئه‌رۆین
هه‌ موو هه‌ر ئه‌مرین پیروو گه‌نج و لاو

ـــــــــــــــــــــــــــــــــــــــــــــــــــــــــــــــــــــــــــــــ
مامۆستا جالاک پشده‌ری
نه‌رویج