مردن

مردن
مردن راستێكه ‌ورده‌ ورده‌ بۆی رِێده‌كه‌ین، ئه‌ویش بۆمان هه‌نگاو ده‌نێ تا ئه‌و كاته‌ی خوای په‌روه‌ردگار فه‌رمان ده‌داو به‌یه‌ك ده‌گه‌ین ، ئه‌و رِاستییه‌ زۆر جار هه‌وڵده‌ده‌ین له‌یادی كه‌ین یاخۆمانی لێ غافڵ كه‌ین.
به‌ڵام ژیر ئه‌و كه‌سه‌یه‌ خۆی بۆ ئاماده‌بكا رِوو سپیانه‌ پێیبگا نه‌ك لێی رِابكا.
بۆ كوێ ؟ هه‌رپێیده‌گا بۆیه‌ موسڵمان نابێ له‌یادی كا، چه‌ند پرسیارێ له‌خۆیبكا
شه‌وی یه‌كه‌مم له‌ گۆر ِچۆن راده‌بورێ ؟ وه‌ڵامی گۆرِم چۆن ده‌بێ ؟ ئاخۆ ده‌بێ چیمان ئاماده‌كردبێ بۆ ئه‌م رِۆژه‌ ؟
یارِه‌بی خوایه‌ له‌سه‌ر باوه‌رِ بژیم وه‌ له‌سه‌ر باوه‌رِ بمرم، وه‌له‌سه‌ر باوه‌رِ زیندوببمه‌وه‌ .

چۆن دڵم به‌م ژینه‌ خۆش بێ
كه‌دوا مه‌نزڵم كفن و گۆرِبێ

ده‌ستم به ‌تاڵه‌و بارم تاوانه‌
بێهێزو توانام مردن میوانه‌

كه‌چاو ده‌گێرم به‌رابردوو
ته‌مه‌نی زۆرم به ‌فیرِۆچوو

ژیان خه‌ونێك بوو ئێستا به‌ خه‌به‌رم
مردنه‌ یه‌كه‌م هه‌نگاوی سه‌فه‌رم

له‌سه‌رجێكه‌وتوم جه‌سته‌م راكشاوه‌
گشت هێزو توانام ئه‌سرینی چاوه‌

دایكی دڵسۆزم ده‌ستی توندگرتوم
له‌به‌رچاویه‌تی ئه‌و رۆژه‌ی كه‌بوم

پێم ده‌ڵێ رۆڵه‌م كورِی شیرینم
یاخوا پێشه ‌تۆ مه‌رگ ببینم

چاره‌یێ ده‌رمان رِوو له ‌كوێبكه‌م
لای كامه‌ دكتۆر چاره‌ی تۆبكه‌م

بێچاره‌یه‌ ده‌ردم دایه‌ی شیرینم
ئه‌جه‌له‌ هاتووه‌ نیشانه‌ی ده‌بینم

فریشته‌ی مردن رِوو به‌رِوم وا دێ
بۆكێشانی رِۆحم هه‌نگاو ده‌نێ

له‌پرِده‌وستێ دڵم له‌لێدان
ناویشم كه‌وته‌ لیستی مردوان

كۆتایی پێهات قۆناغی ژیانم
بوو به‌میرات سه‌روه‌ت وماڵم

سوكنه‌تی تازه‌م گۆری تاریكه‌
كرده‌وه‌ی ژینم ته‌نها رِه‌فیقه‌

چاوه‌رِێی كه‌سێم بۆم كا دوعایێ
بۆتاریكی گۆرِ هاوار چرایێ

یارِه‌بی خوایه‌ رِه‌حمه‌ت مه‌غفیره‌ت
به‌نده‌ی تاوانبار گومم له‌زیلله‌ت

گه‌رچی تاوانم له ‌ژمار نایه‌
تێیدا نوقم بووم بێشه‌ك ده‌ریایه‌

به‌ڵام رِه‌حمه‌تی تۆ نوره‌ رِێگایه‌
بۆ میحنه‌تی من تاكه‌ شیفایه‌

بیكه‌ خاتری ناوی جوانی خۆت
ده‌ست به‌ئه‌ژنۆ و له ‌سوجده‌مه ‌بۆت

له‌رِیز كه‌سان وئه‌هلی عه‌فوت بم
به‌حه‌وز و كه‌وسه‌رو و به‌هه‌شت شادببم

به‌رسیلینی