٢٠ هه‌زار ئه‌مریكی داوای نوسخه‌یه‌ك له‌ قورئانی پیرۆز ده‌كه‌ن.
كۆڕِی په‌یوه‌ندییه‌كانی ئیسلامی- ئه‌مریكی (كیر) ڕِۆژی هه‌ینی‌ ڕایگه‌یاند كه‌ له‌ ده‌ره‌نجامی وه‌ڵامدانه‌وه ‌و به‌پیره‌وه‌چوونی ئه‌و هه‌ڵمه‌ته‌ی كه‌ له‌ مانگی ته‌ممووزدا پێی هه‌ڵسابوو، بیست هه‌زار ئه‌مریكی داوای وه‌رگرتنی نوسخه‌یه‌ك له‌ قورئانیان كردووه‌.
(كیر) ئه‌م هه‌ڵمه‌ته‌ی له‌ وه‌ڵامدانه‌وه‌ی ئه‌و هه‌واڵاَنه‌دا ده‌ستپێ كرد كه‌ له‌ ناوه‌نده‌ ئه‌مریكییه‌كاندا به‌توندی ده‌نگوباس له‌سه‌ر ئه‌وه‌ بوو كه‌ هه‌ندێ له‌ سه‌ربازانی ئه‌مریكی بێڕِێزییان به‌ قورئانی پیرۆز كردبوو له‌ گوانتانامۆ.
شایانی باسه‌ كه‌ ئه‌م هه‌ڵمه‌ته‌ی (كیر) بره‌وێكی ته‌واوی پێ درا له‌ ناوه‌نده‌كانی ڕِاگه‌یاندنی ئه‌مریكی و نێوده‌وڵه‌تیش.‌ له‌ لایه‌ن زۆرێك له‌و ئه‌مریكییانه‌ی كه‌ نوسخه‌یه‌كیان له‌ قورئان پێ گه‌یشتووه‌ پێخۆشحاڵیان ده‌ربڕًٍِیوه‌ و سوپاسنامه‌یان ناردووه‌.
یه‌كێك له‌وانه‌ی كه‌ نوسخه‌یه‌ك له‌ قورئانی پێ گه‌یشتووه‌ نووسیویه‌تی و ده‌ڵێ: "هه‌ر ئێسته له‌ (كیر)ه‌وه ‌نوسخه‌یه‌كی خۆڕِاییم له‌ قورئان به‌ده‌ست گه‌یشت. به‌ڕِاستی گه‌لێك جوانه‌، ده‌مه‌وێت زۆر سوپاستان بكه‌م سه‌باره‌ت به‌و دیارییه.‌"
هه‌روه‌ها ئافره‌تێكی تر كه‌ هه‌مان نوسخه‌ی پێ گه‌یشتووه‌ ده‌ڵێت: "ئه‌م به‌یانییه‌ نوسخه‌یه‌كم له‌ قورئانی پیرۆز به‌ده‌ست گه‌یشت. سوپاستان ده‌كه‌م له‌سه‌ر ئه‌مه‌ و‌ په‌یمانتان ده‌ده‌مێ كه‌ من به‌و په‌ڕِی ڕێزه‌وه‌ مامه‌ڵه‌ی له‌ گه‌ڵ ده‌كه‌م و له‌ شوێنی ئه‌و كتێبانه‌ دایده‌نێم كه‌ لام پیرۆز و به‌نرخن. هه‌ر وه‌ك من ئومێده‌وارم كه‌ زیاتر فێر ببین و بچینه‌ سه‌ر خاڵی هاوبه‌شی نێوانمان وه‌ك خۆشه‌ویستی خوا و خێزان و دۆستایه‌تی. من باوه‌ڕِم وایه‌ كه‌ پێكه‌وه‌ ده‌گونجێین زیاتر له‌وه‌ی كه‌ جیاواز بین له‌ یه‌كتر. جارێكی تر سوپاستان ده‌كه‌م."

سه‌رچاوه‌: "الاسلام الیوم" تایبه‌ت٢٤/٩/٢٠٠٥

شایه‌نی باسه‌ كه‌ ڕِۆژ له‌ دوای ڕِۆژ ژماره‌ی ئه‌وانه‌ی كه‌ ده‌گه‌رِێن به‌دوای ئیسلامدا له‌ ڕِۆژاوا به‌ره‌و زیادبوون ده‌چێت؛ ته‌نها له‌ ئه‌مریكادا ڕۆژانه‌ زیاتر له‌ ٤٠ كه‌س موسوڵمانبوونی خۆیان ئاشكرا ده‌كه‌ن.