|
حوکمی به گومان بوون لهوهی که ئیسلام سهرکهوتن
حوکمی به گومان بوون لهوهی که ئیسلام سهرکهوتن به دهست بێنێت
حكم الشك في نصر الله لدينه ولأمة الإسلام
ئهمه له موحازهرهیهک به ناوی من من أعمال القلوب اليقي وهرگیراوه.
پرسیار: خهڵکانێک ههن دڵنیا نین له سهرکهوتنی ئاینی ئیسلام، باوهڕ ناکهن بهوهی که له داهاتوودا زاڵ بوون و سهرکهوتن بۆ ئهم ئیسلامهیه، ئهڵێن: سهرکهوتن و زاڵ بوون بۆ کافرو بێ باوهڕانه، چی ئهڵێن له بارهی ئهمهوه؟
وهڵام: له ڕاستیدا ئهوانه گومانی خراپ به خوای گهوره ئهبهن، گومانی نهفامی و جاهلی، باوهڕیان وایه که خوا ئاینهکهی خۆی سهرناخات، بهڵکو کافرو بێ باوهڕهکان زاڵ و سهرکهوتوو ئهبن به سهر مسوڵمانهکاندا، جا ئهمه نهخۆشیهکی کۆنه، دووڕووهکانی سهردهمی پێغهمبهر توشی بوبوون و وایان ئهزانی که مسوڵمانهکان سهرکهوتن به دهست ناهێنن، ئێسته لهم سهردهمهی ئێمهو له ههموو سهردهمێکیشدا لهو جۆره کهسانه ههن که دڵیان کرمۆڵ و پڕ له گومان بووه به سهرکهوتنی خوای گهوره.
گومانی وایه که خوای گهوره ئهو وهعدو پهیمانهی به پێغهمبهرهکهی داوه نایهێنێته جێ و سهری ناخات، بهڵام: وَمَنْ أَصْدَقُ مِنَ اللَّهِ قِيلاً  {إذا هلك كسرى فلا كسرى بعده، وإذا هلك قيصر فلا قيصر بعده، والذي نفسي بيده لتنفقن كنوزهما في سبيل الله عز وجل: ئهگهر کیسرا تیاچوو ئهوه کیسرایهکی تری نایهت به دوایدا، وه ئهگهر قهیسهریش تیا چوو ئهوه قهیسهرێکی تر نایهت به دوایدا، سوێند بهوهی که گیانی منی به دهسته گهنجینهکانیان ئهبهخشن له پێناوی خوادا}رواه البخاري ومسلم و الترمذي و احمد . دڵنیا بوون به وهعدی پێغهمبهرو ئیمانیان پێی هێناو سوپاس بۆ خوا هاته جێی و سهرکهوتن و پیروزی بووه به نسیبیان و سهرکهوتن به سهریاندا.
جا ئهمه ڕهوا نیه بۆ ههر کهسێک له مسوڵمانان گومانی وا بهرێت، بهڵام دهرون نهخۆشهکان وئهوانه له بهردهم هێرشی بیری و نهفسیدا ئیمان و باوهریان لاواز بووهو ئهو گومانه به خوای گهوره ئهبهن، هاوڕان له گهڵ بیروڕای خاوهن ههواو ئارهزوو دوڕووهکان، ئهوانه له راستیدا نهخۆشن، پێویسته چارهسهر بکرێن به ههموو جۆرێک که ئیمان و عهزیمهت و دڵنیایی و متمانهیان بهرز بکاتهوه.
سوپاس بۆ خوا مژدهدهرهکان زۆرن بهوهی که داهاتوو بۆ ئهم دینهیه، سهرهڕای ئهو ههموو بهربهستانهش، سهرهڕای ئهو ههموو فێڵ و تهڵهکهبازیهی دوژمنانمان له گهڵ ئهوهشدا مژدهکان زۆر و بهرچاوو ڕونن، ئهنا مانای چیه ئهو گهڕانهوهو تهوبهکردن و ڕابونه ئیسلامیهی جیهانی ئیسلامی گرتۆتهوه، ههر له گهنجان پیران پیاوان ژنان و له ڕۆژههڵات و ڕۆژئاوای جیهانی ئیسلامیدا؟
ههمووی مهنههج و پهیڕهوی پێشینه چاکهکانی دهوێ، ههمووی ئهیهوێت فێری زانیاری به سوود ببێت، ههموو سورن له سهر ئهوهی که خوا لێیان ڕازی بێت له خوای گهوره نزیک ببنهوه، ههمووی پهرچی تێوروبیرو بۆچوونه پڕوپوچ و مادییهکانی دژ به ئیسلام ئهکاتهوه، ئهمانه ههموو بهڵگهی ڕۆشنن و سهرهتای ههڵهاتنی گزنگی خۆری نۆی ڕابونی ئیسلامین، بهلگهن له سهر ئهوهی ئهم ئوممهته له ڕابون و بێدارێکی نوێدا ئهژی و ههنگاو ههڵئهگرێت، داواکارین له خوای گهوره که بهرهکهت و پیرۆزی پێ ببهخشێت و ئامانجهکانی بپێکێت و دڵسۆزی و دڵنیایی پێ ببهخشێت.
|
