|
مسیۆ میخائیل ئاماری
له كتێبهكهیدا به ناوی (تاریخ المسلمین) ئهڵێت: به رِاستی محمدی پێغهمبهری مسوڵمانهكان، ئاینێكی هێنا بو دورگهی عهرهبی ئهگونجێ ببێته ئاینی ههموو گهلان به گشتی، چونكه ئاێنێكی تهواوو خاوهن گهشهو بهرزیه، ئاینی رِۆشنبیری و تێگهیشتنه، ئاینی چاودێری و خزمهته، بۆمان نیه له نرخ و بههای ئهو ئاینه كهم بكهینهوه، بهسه فهخرو پیاههڵدان بۆ محمد كه له ههموو ژیانی بانگهوازیدا تهنانهت بۆ ساتێكی كهمیش موساوهمهی قبوڵ نهكرد له سهر بیروباوهرِهكهی، له گهڵ ئهو ههموو جۆری هونهری موساوهمهدا كه بهكاریان هێنا له گهڵی، وه له گهڵ ئهو ههموو ئازارو نارِهحهتی وتهنگهشانهدا كه هێنایانه رِێی، به رِاستی له بیروباوهرِێكی پتهوو رِۆچوو به ناخیدا ئهم قسهیهی كرد كاتێ ووتی:(ئهگهر رِۆژ بخهنه لای رِاستم و مانگیش بخهنه لای چهپم له سهر ئهوهی واز لهم كاره بێنم وازی لێ ناهێنم) ئهمه بهڵگهی بیروباوهرِێكی قوڵ و بهردهوامی و خوگریهكی بێ وێنهیه، هیممهت و عهزیمهتێكه كه به رِاستی ههموو عهرهب قهرزاری محمدی كورِی عبدالله ن، كه عهرهبی كرده گهل و نهتهوهیهك كه شوێنێكیان له ژێر رِۆژدا ههبێت له مێژووی مرۆڤایهتیدا..
|
