هۆی گه‌له‌كۆمه‌كێ و كۆبونه‌وه‌ی گاورو جووله‌كه‌ له‌ سه‌ر موسڵمانان.



پرسیار: جووله‌كه‌ عیسا به‌وه‌ تۆمه‌تبار ئه‌كه‌ن كه‌ كوڕی زینایه‌، به‌ڵام له‌ گه‌ڵ ئه‌وه‌شدا هاوبیروڕای و ته‌وافوقێك ئه‌بینین له‌ نێوان كه‌نیسه‌كانی جووله‌كه‌و گاوره‌كاندا دژی مسوڵمانان، هۆی ئه‌مه‌ چیه‌؟

وه‌ڵام: خوای گه‌وره‌ -سبحانه‌وتعالی- ئه‌فه‌رموێت: يَا أَيُّهَا الَّذِينَ آمَنُوا لا تَتَّخِذُوا الْيَهُودَ وَالنَّصَارَى أَوْلِيَاءَ بَعْضُهُمْ أَوْلِيَاءُ بَعْضٍ وَمَنْ يَتَوَلَّهُمْ مِنْكُمْ فَإِنَّهُ مِنْهُمْ [المائدة:51] جووله‌كه‌ و گاوره‌كان له‌ ڕاستیو بنه‌ڕه‌تدا دوژمنێكی شه‌ڕ‌ه‌نگێزی یه‌كترین، وه‌ هه‌ندێكیان هه‌ندێكی تریان به‌ درۆ ئه‌خه‌نه‌وه‌، به‌ڵكو هه‌ندێكیان ئه‌وانی تریان به‌ كافرو له‌ دین ده‌رچوو له‌ قه‌ڵه‌م ئه‌ده‌ن، به‌ڵام هه‌موو به‌ یه‌ك ده‌ست یارمه‌تی یه‌ك ئه‌ده‌ن و له‌ گه‌ڵ یه‌كتریدان دژی موسڵمانان و ئوممه‌تی ئیسلام، جا ئه‌وه‌ حاڵًیانه‌ له‌ ناو خۆیاندو له‌ گه‌ڵ مسوڵمانانیشدا.

ئیسڕائیل كارێكی نابه‌جێ و موسیبه‌تێك ئه‌نێته‌وه‌، له‌ولاوه‌ فیتۆی ئه‌مریكا یه‌كسه‌ر حازره‌ بۆ پشتیوانی كردنی، له‌ ناوه‌ڕۆكیشدا جیاوازی و ڕاجودایی زۆره‌ له‌ نێوانیاندا.

كارتر ی سه‌رۆكی ئه‌مریكای پێشوو گه‌وره‌ترین بانگه‌شه‌كه‌ری به‌ گاور كردن بوو له‌ جیهاندا، چوو بۆ ئه‌فغانستان و باكستان و سودان و حه‌به‌شه‌ بۆ مه‌به‌ستی بلاَوكردنه‌وه‌ی گاورێتی، به‌لاًم له‌ گه‌ڵ ئه‌وه‌شدا له‌ گه‌ڵ جووله‌كه‌یه‌، وه‌ جووله‌كه‌ خۆی و كتێبه‌كه‌شی به‌ درۆ ئه‌خه‌نه‌وه‌‌، جووله‌كه‌ باوه‌ڕیان به‌ عیسا نیه‌، بێ باوه‌ڕن به‌ ئینجیل، به‌ڵام له‌ گه‌ڵ ئه‌م دوژمنایه‌تیه‌شدا جووله‌كه‌و گاوره‌كان یه‌ك ده‌ست و یه‌ك هه‌ڵوێستن له‌ سه‌رمان، ئه‌مه‌ش له‌ بێ نرخی و كه‌م ئه‌رزشیمانه‌ له‌ سه‌ر خوا؛ چونكه‌ ئه‌وه‌ی كه‌ خوا ئه‌ناسێت و له‌ گه‌ڵ ئه‌وه‌شدا هه‌ر سه‌رپێچی بكات و شوێن به‌رنامه‌كه‌ی نه‌كه‌وێت، ئه‌وه خوا‌ كه‌سانێك زاڵ ئه‌كات به‌ سه‌ریاندا كه‌ نایناسن، جا ئیتر گه‌ل و نه‌ته‌وه‌كان هێرشیان كردۆته‌ سه‌رمان و هه‌موویان خۆیان داوه‌ به‌ سه‌رماندا هه‌روه‌ك پێغه‌مبه‌ر(صلى الله عليه وسلم) هه‌واڵی داوه‌، وه‌ هێرشیان بۆ هێناوین و په‌له‌قاژه‌یانه‌ له‌ سه‌رمان هه‌روه‌ك چۆن داڵێكی گۆشت خۆر په‌له‌قاژه‌یه‌تی و په‌لاماری خواردنه‌كه‌ی خۆی ئه‌دات به‌و شێوه‌یه‌مان لێ هاتووه‌، جا كاتێك ئیمان و بیرو باوه‌ڕی ڕاست و دروستمان واز لێ هێنا، وه‌ كاركردن به‌ كتابی خواوو سوننه‌ت و په‌یڕه‌وی پێغه‌مبه‌رمان خسته‌ ئه‌و لاوه‌؛ هه‌موویان له‌ سه‌رمان كۆ بونه‌وه‌و چوار ده‌وریان لێ داین.

جا ئه‌وانه‌ هه‌ر وه‌ك ئه‌وه‌ وان كه‌ خوای گه‌وره‌ باسیان ئه‌كات: تَحْسَبُهُمْ جَمِيعاً وَقُلُوبُهُمْ شَتَّى [الحشر:14] جووله‌كه‌ بۆ خۆیان له‌ ناوخۆیاندا جیاوازن، چه‌ند جۆرو تایه‌فه‌یه‌كن، هه‌روها گاوره‌كان جیاوازن له‌ ناو یه‌كدا و په‌رت و بڵاون، به‌ڵام یه‌ك ئه‌گرن به‌ڵكو یابان و صین و هیندستان یش یه‌كیان گرتووه‌ له‌ دژمان، هه‌ر ڕۆژێك هه‌واڵه‌كان بكه‌یته‌وه‌ ئه‌بیسیت: موسڵمانان له‌ سریلانكا و هیند و صین و ئه‌فریقا سه‌ر ئه‌بڕدرێن، خۆ ئه‌گه‌ر یه‌كێك سوێند بخوات-گومانم نیه‌ كه‌ سوێنده‌كه‌ی بكه‌وێت- كه‌ هیچ ڕۆژێك تێپه‌ڕ نابێت مه‌گه‌ر سه‌ربڕین و كوشتن و وێرانكاری‌و فیتنه‌یه‌ك ڕوو نه‌كاته‌ موسڵمانان له‌ هه‌ر شوێنێكی ئه‌م دنیایه‌دا بێت، له‌ سه‌ر ده‌ستی هیندیه‌كان یان صینیه‌كان یان له‌ ئه‌مریكا و ئه‌وروپادا یان له‌ هه‌ر شوێنیكی ئه‌و جیهانه‌دا بێت.

به‌ ڕاستی موسڵمانان بێ نرخ بوون لای گه‌‌لانی تر كاتێك كه‌ وازیان له‌ كتابی خواو سوننه‌تی پێغه‌مبه‌ره‌كه‌یان هێناو شوێن هه‌واو ئاره‌زووه‌كانیان كه‌وتن و خواش دوژمنه‌كانی زاڵ كرد به‌ سه‌ریاندا.

داواكارین له‌ خوای -عزوجل- كه‌ له‌ تاوانه‌كانمان ببورێت، وه‌ ئه‌م ئوممه‌ته‌ بگه‌ڕێنێته‌وه‌ بۆ وریایی و سه‌ربه‌رزی خۆی، وه‌ خێر و چاكه‌ی پێ ببه‌خشێ له‌ بیروباوه‌ڕو قسه‌ و كارو كرده‌وه‌كانیدا، به‌ ڕاستی هه‌ر ئه‌و زاته‌ بیسه‌رو وه‌ڵامده‌ره‌.

والحمد لله رب العالمین.