|
ههڵهبجه
هیــچ کهسێ وهکـوو ئهم کــــوردهی هـهژار
دڵشـــــاد نــــهئهبوو به هــــــاتنی بــــههار
بـــــه گــــۆرانی خۆش بهوتهی جوانــجـوان
بـــه نوکتـــهبازی و چیـــــرۆك و پهخشـــان
بههـــــاری جوانمــان ئـــهکرد پێشـــــوازی
هـــــــهریهکێ بۆ خــــــۆی ئهیکێشـــا نازی
بهڵام بههـــــــاری سـاڵی ههشتاوهـــــــهشت
نه خـــــۆشیمان ما، نه سهیران نه گهشـت
ئـــهوه بوو شــــاری هــــــهڵهبجهی کوردان
کــــهوته ژێر دهستی پیســـــــی نامـهردان
لـــــه شـــانزهی ئازار بهعسی ســـتهمکار
کیمیــــاوی دا له هـــــهڵــهبجـــهی نـازدار
تێك چوو شـــــیرازهی ئهو شـــــاره جــــــــــوانه
یهکڕاســـــــــت کهوتن ئهو دهزگا و دووکــــانه
کـــــۆڵان و بازاڕ پـــڕ کــــــران لـــــــه تــهرم
له پیـــــر و ئافــــــرهت، له لاوی دڵگـــــهرم
هــــــــهزاران پیـــری جــــوان و نــــــــوورانی
ئا لــــــــهو ڕۆژهدا بــــــــــوونه قــــــــوربانی
هـــــهزاران خوشك و دایکی ڕۆڵــــهی کورد
ئا لــــــــــــهو ڕۆژهدا بێ تـــــــــــــــاوان مـــرد
هــــــــــــــهزاران لاوی خێــــــرلهژیـــننهدیـو
زوو تـــــوانهوه وهك بهفــــــــــری سهرکێــو
هـــــــــهزاران خونچـــــــهگوڵی ناو مـــاڵان
تهمـــــــــــــهنی شــــهشساڵ تا پانزهساڵان
هـــــــهموو بێبـهش بوون له ئـــــــهم ژیانه
بێبـــــهش له خۆشـــــــــی، له قوتابخــــانه
بێبـــهش لـــــــه نازی دایك و بابی خــــۆ
هــــــاته جێی شـــــادی، شــــیوهن و ڕۆڕۆ
هــــــهزاران ســاوای پێنج ڕۆژ تــا پێنج ساڵ
بهرهـــــهمی باخی نهگهیشــــــــــــــــتووی کاڵ
ئــــــهوانهی ڕوویان وهك گوڵاڵهی ســــــوور
ئــــــــــهدرهوشــــــــــایهوه له نزیــك و دوور
به ســـــــــــهدههای وهك ئاســـــکی کهژی
ئهوکاته مهمـــــــــــــــــــکی دایکی ئهمژی
ســـــــــــــــــــــهری له ســـــینهی قایم کردبوو
بهلــــــــــــــــــــهش زیندوو، بهگیان مـردبوو
وای زانی دایکی شــــــــــیری ئــــــــــــهداتێ
نهیــــــــــــزانی هـهردوو مردوون به ساتێ
هـــــــــهڵهبجه ئیتر نابێ بۆ خـــــــــــۆشی
لـــــــــهمڕۆ به دواوه ماتهم دایپـــــــــۆشی
خـــــــــۆزگهم بهو کهســـهی زوو نهما ژینی
حــــــاڵی ههڵهبجــــــــــهی به چاو نهبینی
ئاگـــــــــادار نهبوو کـــــــه چی ڕووی داوه
کۆشـــــــکانی جـــــــــــوان بوون به کهلاوه
له هــــــــــــهڵهبجـــــــه دا ههڵسابوو لافاو
بهخوێنی گهشـــــــی ئهم کـــوردهی داماو
هــــــــهڵهبجه ئیتر نـــــــــــــابێ بۆ خۆشی
لــــــــهمڕۆ به دواوه مــــــــــاتهم دایپۆشی
دووکــــــــــــــــانی هــــــــــــهموو داخــــــــــــــران
به تۆپ و شـــــــهستیر ههموو تێكـــــــــدران
مــــــــــــزگهوتهکانی به زهبـــــــــــــــری ناپاڵ
تهفـــــــروتوونا بوون گشت بوون به زوخاڵ
باخـــــــــهکانی ناو شـــــــار لهباتیی ئاودان
ژههــــــــــــــــــــری کیمیاوی گشــــــــتی سووتان
بــــــــهروبوومیشیان ههمــــــوو ههڵوهری
خـــــــــاوهنی هــــهژار لێی بوو بێبــهری
لانـــــهی هـــــهزاران باڵنــــــدهی بێزمان
کـــــــــاول بوو وهك لانــــــــــــــــهی کوردان
ئاهـــــــــی ئهوانــــــــــه بگاته ئاســـــــــمان
بهعس نههێــــــــڵێ لهسهر ڕووی جیهان
دوای هێـــــــــرۆشیما دوای ناکــــــــــــازاکی
هــــــــهڵهبجهی کــــــــوردان ماوه بهتاکی
تـــــــهنیا هـــــهر لهبهر ئهوهی که کوردین
ئـــــــــاوا بهو شـــــــــێوه وایان لێ کردین
یان لـــــــــهبهر ئهوهی که موســـوڵمانین
خــــــــــوای تاکوتهنیا بهڕاســت ئهزانین
بــــهڵێ، ههر ئێمهی کوردی موسوڵمان
شــــــــــــــههیدی خۆشه له ڕێگای ئیمان
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تێبینی: (له کاسێتهوه وهرگیراوه.)
له هۆنراوهکانی حهسهن گهرمیانی.
پیاچوونهوه و ههڵهچنیی ڕێنووس: بهرپرسی ڕێنووسی دهنگی ئیسلام
|
