سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ئه‌گه‌ر خاوه‌نی ئه‌م وێنانه‌ مناڵانی فه‌له‌ستینی بوونایه‌‌، ده‌بوو چی ڕووی بدایه‌.؟!
گۆڕینی فۆنت


دانراوه له‌لایه‌ن: ده‌نگی ئیسلام 


ئه‌گه‌ر خاوه‌نی ئه‌م وێنانه‌ مناڵانی فه‌له‌ستینی بوونایه‌‌، ده‌بوو چی ڕووی بدایه‌؟!


ئه‌گه‌ر خاوه‌نی ئه‌م وێنه‌یه‌ مناڵێكی فه‌له‌ستینی یان لوبنانی بوایه‌وه‌ ئاوه‌ها به‌ دیاری بیناردایه‌ بۆ منداڵانی ئیسڕائیل، ده‌بوو میدیای جیهانی چی هه‌راو فه‌رته‌نه‌یه‌كی له‌ سه‌ر بنایه‌ته‌وه‌؟ دنیا سه‌ره‌و ژوور ده‌بوو گوێچكه‌مان پڕ ده‌بوو له‌وه‌ی كه‌ فه‌له‌ستینیه‌كان كێوین و دڕنده‌و تیرۆرستن! ده‌یانگوت موسڵمانه‌كان مناڵه‌كانیان فێری ڕق و قین و توندڕه‌وی ده‌كه‌ن، به‌ڵام ئه‌م وێنه‌ وێنه‌ی مناڵێكی باوك كوژراوی خانوو ڕووخاوی فه‌له‌ستینی نییه‌، به‌ڵكو وێنه‌ی مناڵاێكی ئیسڕائیلیه‌ كه‌ جه‌نڕاڵه‌ ئاشتیخوازه‌كانی ئیسڕائیل هێناویانه‌ تاكو به‌ دیاری له‌ سه‌ری بنوسێت و به‌ره‌و مناڵانی فه‌له‌ستین و لوبنان وه‌ك چه‌پكه‌ گوڵێك بۆیان ڕه‌وانه‌ بكات. 
ده‌بێ منداڵ تاوانی چی بێت وا له‌و ته‌مه‌نه‌وه‌ وا له‌ سه‌ر ڕق و قین په‌روه‌رده‌ بكرێت و هاوته‌مه‌نی خۆی به‌ دوژمنی خۆی بزانێ!!
به‌ ڕاستی ئه‌مه‌ به‌ڵگه‌ی چڵه‌ پۆپه‌ی ئاستی مرۆڤایه‌تی و مافی مرۆڤه‌ كه‌ له‌ ڕۆژئاواوه‌ بانگه‌شه‌ی بۆ ده‌كرێ، ئاخر خۆ هه‌رچی ساروخ و ته‌قه‌مه‌نی ئیسڕائیله‌ سه‌رچاوه‌كه‌ی ڕۆژئاوایه‌. 

ئه‌مه‌ ئه‌تواری مناڵانی ئه‌و ده‌وڵه‌ته‌ دیموكراسیه‌یه‌ كه‌ هات و هووی دنیای به‌ دواوه‌یه‌. 



ئایا منداڵانی فه‌له‌ستین و لوبنان ئیرهابی و تیرۆرستن، یان له‌ پاشاندا ده‌بنه‌ تیرۆرست و هه‌ر ده‌بێ زوو قه‌ڵاچۆ بكرێن. 
ئه‌مه‌یه‌ لۆژیكی ئه‌م سه‌رده‌مه‌، ئه‌مه‌یه‌ لۆژیكی ئیسڕائیل و ده‌وڵه‌تی دیموكراسی ئه‌م سه‌رده‌مه‌. 



ئه‌م نامه‌یه‌ گه‌شته‌ مناڵانی لوبنان و فه‌له‌ستین، به‌ڵام ئه‌م منداڵه‌ نه‌یتوانی ئه‌و نامه‌یه‌ بخوێنێته‌وه‌ كه‌ منداڵانی ئیسڕائیل به‌ دیاری بۆیان ناردبوو، چونكه‌ سارووخه‌كه‌ هه‌موو لاشه‌ی له‌ت و په‌ت كردووه‌، كه‌سی دیكه‌ش هه‌ر نه‌یخوێنده‌وه‌.. كه‌س گوێی پێ نه‌داو به‌ هه‌ندی نه‌گرت، گه‌لانی ڕۆژهه‌ڵاتی ناوه‌ڕاست خۆیان له‌ ژێر سته‌م و زوڵمی ده‌سه‌ڵاتدارانیاندا هه‌ناسه‌یان نایه‌ت، گه‌ڵانی ڕۆژئاواش كاسی دیموكراسی گێژی كردوون و هه‌زاران نامه‌ی له‌و جۆره‌ به‌ هۆشیان ناهێنێته‌وه‌!!! 



له‌ كۆتاییدا: ئه‌گه‌ر ئه‌مه‌ خوو نه‌ریتی منداڵانی جووله‌كه‌ بێت ئه‌بێ گه‌وره‌و فه‌رمانڕه‌واكانیان چۆن بن؟

 642

  • زۆرترین بینراو
  • نوێترین بابەت
Top
Facebook YouTube Twitter Instagram Google Plus