پێشده‌ستی لەسەر دیموکراسی.! دانراوه له‌لایه‌ن: ده‌نگی ئیسلام خوای گه‌وره ده‌فه‌رموێت: وَقَالَ اللَّهُ لا تَتَّخِذُوا إِلَهَيْنِ اثْنَيْنِ إِنَّمَا هُوَ إِلَهٌ وَاحِدٌ فَإِيَّايَ فَارْهَبُونِ * وَلَهُ مَا فِي السَّمَاوَاتِ وَالْأَرْضِ وَلَهُ الدِّينُ وَاصِباً أَفَغَيْرَ اللَّهِ تَتَّقُونَ. [النحل: ٥١-٥٢]. خوا فه‌رموویه‌تی هه‌رگیز نه‌كه‌ن دوو دانه خوا بۆ خۆتان بڕیار بده‌ن، چونكه ئه‌و خوایه كه پێویسته ئێوه بیپه‌رستن بێ گومان خوایه‌كی تاك و ته‌نهایه، كه‌وابوو بیم و ترستان با هه‌ر له من بێت * هه‌رچی له ئاسمانه‌كان و زه‌ویدا هه‌یه ئه‌و زاته خاوه‌نیانه، هه‌میشه و به‌رده‌وام هه‌ر ئه‌و زاته‌یه كه شایسته‌ی ئه‌وه بێت ئایین و به‌رنامه و فه‌رمانڕه‌وایی له‌و وه‌ربگیرێت و ملكه‌چی هه‌ر بۆ ئه‌و بكرێت، ئایا ڕه‌وایه بێجگه له خوا له كه‌سی تر بترسن و حسابی بۆ بكه‌ن؟! هه‌روه‌ها ده‌فه‌رموێت: قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ * لا شَرِيكَ لَهُ وَبِذَلِكَ أُمِرْتُ وَأَنَا أَوَّلُ الْمُسْلِمِينَ. [الأنعام: ١٦٢-١٦٣]. [(ئه‌ی پێغه‌مبه‌ر صلی الله علیه وسلم، ئه‌ی ئیماندار] بڵێ: به‌ڕاستی نوێژ و حه‌ج و دروشمه‌كانی و (سه‌رجه‌م چاكه و به‌ندایه‌تیم) هه‌روه‌ها ژیان و مردنم تایبه‌ته به خوای په‌روه‌ردگاری جیهانیانه‌وه * ئه‌و زاته هیچ هاوه‌ڵ و هاوبه‌ش و شه‌ریكێكی نییه و من به‌وه فه‌رمانم پێدراوه و من یه‌كه‌م كه‌سی موسڵمانانم هه‌روه‌ها ده‌فه‌رموێت: أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللَّهِ حُكْماً لِقَوْمٍ يُوقِنُونَ. [المائدة: ٥٠]. [ئایا ئه‌وانه حوكم و فه‌رمانڕه‌واییی جاهیلییه‌ت و نه‌فامییان ده‌وێت و ئه‌ویان لا په‌سه‌نده؟! (ئاخر بۆ بیر ناكه‌نه‌وه) كێ هه‌یه به قه‌ده‌ر خوا حوكمی جوان و چاك و به‌جێ بێت، (به‌تایبه‌ت) ئای ئه‌و كه‌سانه‌ی كه به‌وردی سه‌رنج ده‌ده‌ن و ویژدان و هه‌ستی زیندوویان هه‌یە؟!