سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  فه‌رمووده‌ قودسییه‌کان به‌شی (2)
گۆڕینی فۆنت


فه‌رمووده‌ قودسییه‌کان به‌شی (2)

عه‌فان شێخ سه‌دیق سه‌رگه‌تی 

عَنْ سُلَيْمَانَ بْنِ يَسَارٍ (صلى الله عليه وسلم) قَالَ : تَفَرَّقَ النَّاسُ عَلي أَبِي هُرَيْرَةَ  فَقَالَ لَهُ نَاتِلُ أَهْلِ الشَّامِ أَيُّهَا الشَّيْخُ حَدِّثْنَا حَدِيثًا سَمِعْتَهُ مِنْ رَسُولِ اللَّهِ  قَالَ نَعَمْ سَمِعْتُ رَسُولَ اللَّهِ (صلى الله عليه وسلم) يَقُولُ : ( إِنَّ أَوَّلَ النَّاسِ يُقْضَى يَوْمَ الْقِيَامَةِ رَجُلٌ اسْتُشْهِدَ فَأُتِيَ بِهِ فَعَرَّفَهُ نِعَمَهُ فَعَرَفَهَا قَالَ فَمَا عَمِلْتَ فِيهَا قَالَ قَاتَلْتُ فِيكَ حَتَّى اسْتُشْهِدْتُ قَالَ كَذَبْتَ وَلَكِنَّكَ قَاتَلْتَ لِأَنْ يُقَالَ جَرِيءٌ فَقَدْ قِيلَ ثُمَّ أُمِرَ بِهِ فَسُحِبَ عَلَى وَجْهِهِ حَتَّى أُلْقِيَ فِي النَّارِ وَ رَجُلٌ تَعَلَّمَ الْعِلْمَ وَعَلَّمَهُ وَ قَرَأَ الْقُرْآنَ فَأُتِيَ بِهِ فَعَرَّفَهُ نِعَمَهُ فَعَرَفَهَا قَالَ فَمَا عَمِلْتَ فِيهَا قَالَ تَعَلَّمْتُ الْعِلْمَ وَعَلَّمْتُهُ وَقَرَأْتُ فِيكَ الْقُرْآنَ قَالَ كَذَبْتَ وَلَكِنَّكَ تَعَلَّمْتَ الْعِلْمَ لِيُقَالَ عَالِمٌ وَقَرَأْتَ الْقُرْآنَ لِيُقَالَ هُوَ قَارِئٌ فَقَدْ قِيلَ ثُمَّ أُمِرَ بِهِ فَسُحِبَ عَلَى وَجْهِهِ حَتَّى أُلْقِيَ فِي النَّارِ وَرَجُلٌ وَسَّعَ اللَّهُ عَلَيْهِ وَأَعْطَاهُ مِنْ أَصْنَافِ الْمَالِ كُلِّهِ فَأُتِيَ بِهِ فَعَرَّفَهُ نِعَمَهُ فَعَرَفَهَا قَالَ فَمَا عَمِلْتَ فِيهَا قَالَ مَا تَرَكْتُ مِنْ سَبِيلٍ تُحِبُّ أَنْ يُنْفَقَ فِيهَا إِلَّا أَنْفَقْتُ فِيهَا لَكَ قَالَ كَذَبْتَ وَلَكِنَّكَ فَعَلْتَ لِيُقَالَ هُوَ جَوَادٌ فَقَدْ قِيلَ ثُمَّ أُمِرَ بِهِ فَسُحِبَ عَلَى وَجْهِهِ ثُمَّ أُلْقِيَ فِي النَّارِ ـ) یه‌كه‌م كه‌س له‌ قیامه‌تدا مه‌حكه‌مه‌ ده‌كرێت كه‌سێكه‌ شه‌ هید كراوه‌ ، له‌به‌رده‌م خوادا رایده‌وه‌ستێنن، خوای گه‌وره‌ نیعمه‌ته‌كانی خۆی یه‌كه‌ یه‌كه‌ بیر دێنێته‌وه‌ ، ئه‌ویش پێیان لێ ده‌نێت، جا خوای گه‌وره‌ ده‌فه‌رمێت ده‌ی تۆ چ كارێكت كردوه‌ به‌و نیعمه‌تانه‌ی پێم به‌خشیت ؟ ئه‌ویش ده‌ڵێت: منیش له‌پێناوی تۆدا جه‌نگم كردووه‌ تا شه‌هید كرام ، خوای گه‌وره‌ ده‌فه‌رمێت :درۆت كرد بۆیه‌ جه‌نگت كرد پێت بوترێت ئازایه‌ ، ئه‌وه‌شیان له‌ دونیادا پێ وتیت ، ئه‌وسا خوای گه‌وره‌ فه‌رمان ده‌دات له‌ سه‌ر روو كێشی ده‌كه‌ن و ده‌یهاونه‌ ناو دۆزه‌خ ، دوهه‌میان زاناو مامۆستاو قورئان خوێنێكه‌ ده‌یهێنن ، له‌به‌رده‌م خوادا رایده‌وه‌ستێنن، خوای گه‌وره‌ نیعمه‌ته‌كانی خۆی یه‌كه‌ یه‌كه‌ بیر دێنێته‌وه‌ ، ئه‌ویش پێیان لێ ده‌نێت ، جا خوای گه‌وره‌ ده‌فه‌رمێت ده‌ی تۆ چ كارێكت كردوه‌ به‌و نیعمه‌تانه‌ی پێم به‌خشیت ؟ ئه‌ویش ده‌ڵێت: منیش له‌پێناوی زانست فێر بوم و خه‌ڵكی دیكه‌شم فێر كرد و له‌به‌ر ره‌زامه‌ندی تۆ قورئانم ده‌خوێند و ده‌وته‌وه‌ ، خوای گه‌وره‌ ده‌فه‌رمێت :درۆت كرد بۆیه‌ ئه‌و ئیشانه‌ت كرد پێت بوترێت زانایه‌ ، ئه‌وه‌شیان له‌ دونیادا پێ وتیت ، ئه‌وسا خوای گه‌وره‌ فه‌رمان ده‌دات له‌ سه‌ر روو كێشی ده‌كه‌ن و ده‌یهاونه‌ ناو دۆزه‌خ ، سێهه‌میان كه‌سێكه‌ خوای گه‌وره‌ له‌دونیادا سه‌روه‌ت و سامانو داراییه‌كی هه‌مه‌ چه‌شنه‌ی پێ به‌خشیوه‌ ، له‌به‌رده‌م خوادا رایده‌وه‌ستێنن، خوای گه‌وره‌ نیعمه‌ته‌كانی خۆی یه‌كه‌ یه‌كه‌ بیر دێنێته‌وه‌ ، ئه‌ویش پێیان لێ ده‌نێت، جا خوای گه‌وره‌ ده‌فه‌رمێت ده‌ی تۆ چ كارێكت كردوه‌ به‌و نیعمه‌تانه‌ی پێم به‌خشیت ؟ ئه‌ویش ده‌ڵێت: منیش له‌هه‌ر جێیه‌كدا كه‌ تۆ پێت خۆش بوو ره‌زامه‌ندیت له‌سه‌ری بوو به‌خشیم و خه‌رجم كرد ، خوای گه‌وره‌ ده‌فه‌رمێت :درۆت كرد بۆیه‌ خه‌رجت كرد تا پێت بوترێت سه‌خی و جوامێره‌ ، ئه‌وه‌شیان له‌ دونیادا پێ وتیت ، ئه‌وسا خوای گه‌وره‌ فه‌رمان ده‌دات له‌ سه‌ر روو كێشی ده‌كه‌ن و ده‌یهاونه‌ ناو دۆزه‌خ . 

ئه‌م فه‌رموده‌یه‌: 
1. ئیمامی موسلم له‌ژێر ژماره‌ی (3527) دا ریوایه‌تی ئه‌ كات و له‌ { رياض الصالحين } یش دا له‌ ژێر ژماره‌ی (1616) دا هاتووه‌.
2. له‌ گێڕانه‌وه‌یه‌كی دیكه‌دا هاتووه‌ ئه‌مان یه‌كه‌مین كه‌سانێكن ئاگری دۆزه‌خیان پێ هه‌ڵده‌گیرسێنرێت. 

له‌ وانه‌كانی: 
1. دادوه‌ری قیامه‌ت داد گه‌رانه‌یه‌و زۆر ورده‌. 
2. هه‌ر كه‌س به‌ پێی كرده‌ی پاداشت وه‌رده‌گرێت. 
3. هه‌وێنی وه‌رگیرانی عیباده‌ت ئیخلاسه‌، هه‌ركه‌س هه‌ر كارێكی چاكه‌ بكات با زۆر گه‌وره‌ش بێت ئیخلاسی تێدا نه‌بێت وه‌رناگیرێت. 
4. هیچ شتێك لای خوای گه‌وره‌ ون نابێت و هه‌موی تۆمار كراوه‌ . 
5. ترسناكی ریا ،ئه‌وه‌تا له‌گه‌ڵ گه‌وره‌ترین عیباده‌تدا ئه‌و عیباده‌ته‌ پوچه‌ڵ ده‌كاته‌وه‌ 
6. ریا كار پاداشتی ته‌نها له‌ دونیادایه‌. 
7. رسوا كردنی ریا كار به‌وه‌ی له‌ قیامه‌تدا له‌ سه‌ر روو راده‌كێشرێت. 
8. خوای گه‌وره‌ ئاگاداره‌ به‌سه‌ر دڵه‌كاندا ،بۆیه‌ ده‌بێت زۆر وریا بین له‌ كاتی ئه‌نجام دانی عیباده‌تدا. 
9. جیاوازی نێوان عاده‌ت و عیباده‌ت نیه‌ته‌. 
10. گه‌ڕان به‌دوای زانستدا ئه‌ركی سه‌رشانی بڕواداره‌. 
11. هه‌ركه‌س له‌قیامه‌تدا راده‌گیرێت تا پرسیاری ته‌مه‌نی لێ بكرێت . 

 448

  • زۆرترین بینراو
  • نوێترین بابەت
Top
Facebook YouTube Twitter Instagram Google Plus