سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  چيرۆكێكى كاريگەر.!
گۆڕینی فۆنت


چيرۆكێكى كاريگەر.!

لە دیدارێكی تەلەفیزیۆنیدا بێژەرێك پرسیارێكی لە میوانەكەی كرد كە ملیۆنێرێکی ناسراو بوو ، چ شتێك لە ژیانتدا لە هەموو شتێكی تر زیاتر دڵخۆشی کردووی ؟؟؟
ملیۆنێرەكە ووتی "
من لە ژیانمدا بە چوار قۆناغی بەختەوەریدا تێپەڕیووم ،
بەڵام بەختەوەری ڕاستەقینەم لە قۆناغی چوارەمدا دۆزییەوە .

لە قۆناغی یەکەم :
هەوڵمدا هەموو ئەو شتانە بەدەست بهێنم كە حەزم لێ بوو ، دوای ئەوەی بەدەستم هێنان ئەو بەختەوەریەم نەدۆزیەوە كە من عەوداڵی بووم .

لە قۆناغی دووەم :
هەوڵمدا ئاستی حەزو خولیاكانم فراوانتر بكەم ،
بۆ ئەو مەبەستەش شتی گرانبەها ترو پڕ سەرمایە ترم كڕی ، بەڵام دیقەتم دا كاریگەری خۆشیەكانی كاتی بوو ، ڕەنگ و بۆی لەزەتەكانی بە خێرایی لە نێوچوون .

لە قۆناغی سێیەم :
بڕیارمدا پرۆژەی زەبەلاخ و گرینگ بەدەست بهێنم ، وەك کڕینی یانەی تۆپی پێ و کۆمەڵگەی گەشتیاری و هۆتێلی پێنج ئەستێرەو دەیان شتی تر ،
بەڵام ئەمجارەش ئەم بەختەوەرییەی خەونم پێوەدەبینی نەهاتە دی .

لە قۆناغی چوارەم : هاوڕێیەكم داوای لێ كردم بەژداری بكەم لە كڕینی چەند کورسیەكی جوڵاو بۆ كۆمەڵێك منداڵی خاوەن پێداویستی تایبەت .

چیرۆكەكە لێرەوە دەستی پێكرد
منیش بەدەم داواكاری هاوڕێکەوە چووم ، بە پەلە چەند کورسیەكم كڕی ، بەڵام هاوڕێكەم مكوڕ بوو لەسەر ئەوەی دەبێ بەدەستی خۆم ئەو کورسیانە بدەم بە منداڵەكان ، بۆیە منیش بە ناچاری ڕۆیشتم ، كاتێك کورسیەكانم پێدان بە چاوەكانی خۆم بینیم خەندو خۆشی لە چاوەكانیان دەباری ، بە کورسیەوە لەملا بۆ ئەملا دەڕۆیشتن ، پڕ بە دڵ پێدەكەنین ، هەر دەتەگوت ئەوە قاچە ڕاسەقینەكەیان بۆ گەڕاوەتەوە .
بەڵام ئەوەی لە هەمووی زیاتر خۆشی و ئاسوودەیی خستەدڵمەوە ، ئەوەبوو كاتێك خەریك بوو دەڕۆیشتم منداڵێكیان تووند قاچی گرتم ، هەوڵمدا بە نەرمی قاچم لە ژێر دەستی دەربهێنم ، بەڵام ئەو تووندتر قاچی گرتم و هەردوو چاوەكانی بڕیبووە چاوەكانم .
منیش خۆم چەماندەوەو گوتم " كوڕی خۆم ئایا شتێكی ترت لە من دەوێت تاوەكو پێتی بدەم پێش ئەوەی بڕۆم ؟؟؟
بەڵام ئەو وەڵامێكی دامەوە مووچڕک بە هەموو لەشمدا هات ، بۆ یەكەم جار لە ژیانمدا تامی بەختەوەری ڕاستەقینەم كرد .....
پێی گوتم " نا هیچی ترم ناوێت ، دەمەوێ تێر تەماشات بکەم ، بۆ ئەوەی كاتێک لە بەهەشت بە خودای گەورە گەیشتم بەباشی بتناسمەوەو جارێكی تر سوپاست بكەم لەبەردەم خودای گەورە " .
لە خۆشیا دەستم كرد بە گریان هەرگیز لە ژیاندا ئەوەندە نەگریام . لەبەرئەوە هەر كاتێك ویستت دڵخۆش بێت ، ئەوا دڵی كەسێكی تر خۆش بكە .

وەرگێڕانی : قەهـار حەسەن كەپەنكی.



 433

  • زۆرترین بینراو
  • نوێترین بابەت
Top
Facebook YouTube Twitter Instagram