زنجیرەی عەقیدەو بیروباوەڕی ئیسلامیی بۆ منداڵان و نەوجەوانان. (10). وانەی دەیەم : حەجی ماڵی خوا ا ـ مانای حەج چییە ؟ یان حەج چییە ؟ - حەج قەصدی ماڵی خوا و مەشاعیرە بۆ ئەداکردن و هەڵسان بەعبادەتێکی تایبەت و کارگەلێکی دیاریکراو لە زەمەنێکی تایبەت و دیاریکراودا بەچۆنیەتییەکی دیاریکراو . ب ـ ماڵی خوا ئەکەوێتە کوێ ؟ - ئەکەوێتە شاری مەککەی رێزلێگیراو . ج ـ حوکمی حەج چییە ؟ ـ حەج فەڕزی عەینە لەسەر هەموو موکەللەفێکی موسڵمانی توانا لە تەمەندا یەک جار ، هەروەها روکنێکە لە پێنج روکنەکەی ئیسلام ، و فەڕزییەتی بەکتاب و سوننەت و (اجماع) کۆدەنگی زانایان سابت و جێگیر بووە . د ـ بەڵگە چییە لەسەر واجببونی حەج ؟ - خوا فەرمویەتی : ( وللە علی الناس حج البیت من استطاع الیه سبیلا ) [آل عمران : ۹۷] . وە پێغەمبەرەکەشی صلی الله علیه وسلم فەرمویەتی : " بني الاسلام علی خمس : شهادة ان لا اله الا الله ، وان محمدا عبده ورسوله ، واقام الصلاة ، وایتاء الزكاة ، وصوم رمضان ، وحج البیت " متفق علیه . وە دیسان فەرمویەتی : " یا ایها الناس ، قد فرض الله علیكم الحج فحجوا ... " رواه مسلم . وە بەجگە لەوە زانایان ئیجماعیان لەسەر واجببونی کردووە لەسەر ئەوەی توانای بەدەنی و ماڵی هەبێت یەک جار لە تەمەندا . حوکمی ئەوەی ئینکاری لە واجببونی حەج بکات چییە ؟ ـ ئەوەی ئینکاری واجببونی حەج بکات موڕتەد و کافرە. نووسینی: مامۆستا مصطفی محمد جعفر