سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  لەم دە ڕۆژە چی بکرێ باشە؟
گۆڕینی فۆنت


لەم دە ڕۆژە چی بکرێ باشە؟

کۆی گشتی کارە گرنگەکانی ئەم چەند ڕۆژە.!

بە کورتى ئەو كردەوانەی كە سوننەتن لەم دە ڕۆژەدا ئەنجام بدرێن :

1 ـ زۆر ئەنجام دانی كردەوە چاكەكان بە گشتی : وەكو : قورئان خوێندن و زیكر كردن و فەرمان كردن بە چاكە و قەدەغە كردنی خراپە و جگە لەمانەش .

2 ـ نوێژ كردن : بەوەی كە زوو بچیت بۆ نوێژە جەماعەتەكان و پەلە و پێشبڕكێ بكەیت بۆ ڕیزی یەكەم ، هەروەها ئەنجامدانی نوێژە سوننەتەكانی پێش و پاشی نوێژە فەرزەكان و شەونوێژ و زوحا و سوننەتی دەستنوێژ

3 ـ خێر و صەدەقە كردن

4 ـ ڕۆژووگرتن :هەندێك لە خێزانەكانی پێغەمبەر(صلى الله عليه وسلم ) فەرموویانە : پێغەمبەری خوا (صلى الله علیه وسلم) نۆ ڕۆژەكەی مانگی حاجیان بە ڕۆژوو دەبوو . صحيح سنن أبـي داود رقم : (2437)

5 ـ ڕۆژووی ڕۆژی عەرەفە بە تایبەت :
سوننەت وایە بۆ ئەو كەسانەی كە نەڕۆیشتوون بۆ حەج و لە عەرەفەدا نین و لە ماڵدان كەوا بە تایبەت لە ڕۆژی عەرەفەدا (9 / ذو الـحجە) بە ڕۆژوو بن ، چونكە پێغەمبەر (صلى الله عليه وسلم ) فەرموویەتی : ڕۆژووی ڕۆژی عەرەفە چاوەڕوانم كە خوا بیكاتە مایەی كەفارەت و سڕینەوە و لێخۆشبوونی تاوانی ساڵێك لە پێشییەوە و ساڵێكیش لە پاشییەوە (واتە : ببێتە كەفارەتی تاوانی دوو ساڵ) . صحيح مسلم رقم : (1162) .

6 ـ عومرە و حەج كردن

7 ـ زیكر كردن بە ووتی : (الله أكبر ...) لەم دە ڕۆژەدا هەموو كاتێك

8 ـ خۆ ئامادە كردن بۆ قوربانی ئەنجامدان

9 ـ قوربانی كردن لە ڕۆژی جەژندا

10- تەوبە کردن و وازهێنان لە تاوان و خراپە و بەردەوام بوون لەسەر چاکەکردن و بەفیڕۆنەدانى کاتەکانى ئەم دە ڕۆژە بە خەوتن و خواردن و گەڕان و سەیران و قسەکردنى بێسود .
وە فەزڵ و گەورەیى چاکە کردن لەم دە ڕۆژەدا لەم فەرمودەیەوە بۆمان دەردەکەوێت کە (سعید بن جبیر) دەگێڕێتەوە لە (ابن عباس)ـەوە كەوا پێغەمبەری خوا (صلى الله علیه وسلم ) فەرموویەتی :هیچ ڕۆژانـێـك نییە كردەوەی چاكە تێیدا خۆشەویست تر بێت لە لای خوا وەكو ئەم دە ڕۆژەی مانگی حاجیان ، وتیان : تەنانەت جیهادیش لە پێناوی خوادا ؟ فەرمووی : تەنانەت جیهادیش لە پێناوی خوادا ، تەنها مەگەر پیاوێك نەبێت كە بە خۆی و ماڵ و سامانییەوە دەربچێت بۆ جیهاد لە پێناوی خوادا و هیچیش لەوانە نەگەڕێتەوە.

#نۆمینەی_حاجیان
#_شیخ_احمد_کاکە_محمود

پڕۆژە بانگەوازییەکانی شێخ احمد کاکە محمود
www.ahmadkaka.org - www.dangiislam.org



 455

  • زۆرترین بینراو
  • نوێترین بابەت
Top
Facebook YouTube Twitter Instagram