سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  زنجیرەی عەقیدەو بیروباوەڕی ئیسلامیی بۆ منداڵان و نەوجەوانان. (12).
گۆڕینی فۆنت


زنجیرەی عەقیدەو بیروباوەڕی ئیسلامیی بۆ منداڵان و نەوجەوانان.

وانەی سیانزدەهەم:

بنەماکانی ئیمان
بنەمای سێیەم : ئیمان بەکتێبەکان

ا - مانای ئیمان بەکتێبەکان چییە ؟
- ئیمان بەکتێبەکان باوەڕپێکردنێکی تەواوەتیییە بەوەی کە اللە کتێبگەلێکی دابەزاندووە بۆسەر پێغەمبەرەکانی بەنور و هیدایەت بۆ خەڵک .

خودا فەرمویەتی : ( آمن الرسول بما انزل الیه من ربه والمؤمنون كل آمن بالله وملائكته وكتبه ورسله لا نفرق بین احد من رسله ...) [البقرة : ۲۸٥] . وە پێغەمبەرەکەشی علیە السلام فەرمویەتی : الایمان ان تؤمن بالله وملائكته وكتبه ... الخ .

هەروەها ئیمان بەکتێبەکان روکنێکە لە روکنەکانی ئیمان ، هەر بۆیە ئیمانمان بەهەموو کتێبەکان هەیە ، وە بەوانەشی خودا لە قوڕئاندا ناوی بردوون وەک صوحوفی ابراهیم و موسی ، و زەبوری داود و تەوراتی موسی و ئینجیلی عیسی علیهم السلام و دواهەمینیشیان قوڕئانی محمد صلی الله علیه وسلم.

ب ـ گەورەترینی کتێبەکان چییە ؟
گەورەترینیان قوڕئانی پیرۆزە ، هەر ئەویش گەورەترینی موعجیز و بەڵگەی پێغەمبەرایەتی محمدە علیە السلام ، و خودا بەڵێنی بەپاراستنی داوە لە تەحریف و گۆڕین و دەستکاریکردن تێیدا ، واتە : پارێزراوە هەتا رۆژی قیامەت ، و هەموو کتێبەکانی بەر لە خۆی نەسخ کردووەتەوە و گونجاوە بۆ هەموو زەمان و مەکانێک ، بۆ هەموو رۆژگار و سەردەم و شوێنێک .

جـ ـ واجبمان بەرامبەر بەقوڕئان چییە ؟
واجبمان بەرامبەر بەقوڕئان ئەوەیە باوەڕمان پێی هەبێت و بزانین کە کەلامی خوایە و مەخلوق نییە وەک کەلامی بەشەر ، وە ئەوەی پێی وابێ مەخلوقە و کەلامی بەشەرە ، ئەوە کافرە و جێگا و ماوای سەقەرە ، وە هەروەها واجبمان بەرامبەری ئەوەیە کاربکەین بەوەی تیایەتی ، و حەقی خۆیشی پێبدەین لە خوێندنەوەدا .

د ـ حوکمی ئەوەی ئینکاری شتێک لە قوڕئان بکات چییە ؟

ئەوەی ئینکاری شتێک لە قوڕئان بکات ، یان ئیددیعای نەقص یان زیادە یان تەحریفی تێدا بکات ئەوە کافرە.

نووسینی: مامۆستا مەلا مصطفی محمد جعفر

پڕۆژە بانگەوازییەکانی شێخ احمد کاکە محمود رحمه الله.
www.ahmadkaka.org - www.dangiislam.org



 20

  • زۆرترین بینراو
  • نوێترین بابەت
Top
Facebook YouTube Twitter Instagram Google Plus