سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  با منداڵەكەت پەيوەست بێت بە مزگەوتەوە.!
گۆڕینی فۆنت


دوای نوێژ لە مزگەوت دانیشتبوم، منداڵێکی بچوک لە نزیکمەوە دانیشتبوو دەستە بچوکەکانی بەرزکردبوەوەو دوعای دەکرد و دەیگوت خوایەگیان وا بکەیت من و مەحمودی هاوڕێم ئاشت ببینەوە بۆ ئەوەی پێکەوە یاری بکەین!
منیش لێم پرسی خوای گەورە وەڵامت ئەداتەوە؟!
وتی: هەر کاتێک من و یەکێ لە هاوڕێکانم لەیەک زویر دەبین، دوعا ئەکەم و خوای گەورە وەڵامم ئەیاتەوە، پاشان وتی باوکم پێی وتوم هەر شتێکت بوێت پشتیوان بە خوای گەورە بە دوعا بکەو بۆت جێبەجێ دەکات!
پاکـ و بێگەردی ئەو منداڵە وای لێکردم منیش دەستەکانم بەرزکردەوەو دوعام دەکرد، منداڵەکەش بەبێدەنگی سەیری دەکردم هەتا تەواوبوم لە پاڕانەوە پاشان پێی وتم: ئایا لەگەڵ کەس کێشەت هەیە؟
زەردەخەنەیەکم کردو وتم بەڵێ لەگەڵ زۆر کەس کێشەم هەیە!
وتی مەترسە خوای گەورە کاتی بۆ هەمووکەس و بۆ هەموشتێک هەیە، دەتوانێت لەهەمان کاتدا وەڵامی هەموومان بداتەوە، باوکم ئەوەی پێ گوتم❜
لەو ساتەدا هەستم بەوە کرد ئەو بەجوانی و سادەیی و ڕاستگۆیی خۆی ئامۆژگاریم دەکات!

هەر بۆیە لەو کاتەوە من بەردەوام دوعا دەکەم!
هەمیشە وا بکە منداڵەکەت پەیوەست بکەی بە خوای گەورەوە!

پەیامی هەینی

ئامادەکردنی: سایە فارس


 31

  • زۆرترین بینراو
  • نوێترین بابەت
Top
Facebook YouTube Twitter Instagram Google Plus