سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  خۆشیە بێ وێنەکانی جیهانی بەرزەخ.!
گۆڕینی فۆنت


خۆشیە بێ وێنەکانی جیهانی بەرزەخ 😍

سەرەتا / خەڵکان کاتێک کە گوێیان لە وتارێک، یان کورتە ڤیدۆیەکی باسی مردن دەبێت، بەم شێوەیە لێی تێدەگەن کە لەراستیدا هەڵەیە..!

مەیتێکە شۆڕی دەکەنەوە بۆ ناو چاڵێکی تەسک و تەنگ و وە رۆیشتن بەرەو قوڵیەکی ٣ مەتری تەسک و تاریک و پڕ لە ئازارو ئێش و عەزاب و سزا ، رۆیشتن بەرەو نەمان و لەناوچوون و فەوتان و تاریکایی سەخت..هتد (خوای گەورە بمانپارێزێ لێی بەگەورەیی خۆی)

‏‎بۆچی تەنها بیرمان لای سزا بێ و بیرمان لای سۆزو رەحمەت نەبێ لە کاتێکدا سۆزو رەحمەتی لەسەر خۆی فەرز کردووە..كتب على نفسه الرحمة..

ئایا…

‏‎ 🔸دەزانن خۆشترین ڕۆژ ڕۆژی گەیشتن بە پەروردگارە

‏‎دەزانن کاتێ دەمرین ئەوکات دەگەین بە پەروەرێن و لەبەردەستی ارحم الراحمیندا دەبین.
‏‎واتا/ لەبەردەستی ئەو پەروەردگارەداین کە بۆ مرۆڤەکان بەسۆزو بەڕەحم ترە وەك لە دایکێ بۆ ڕۆڵەکەی!!

‏‎پێغەمبەر.... درودی خوای لەسەر....ئاژەڵێکی بینی سمەکانی لە بەچکەکەی دور دەخستەوە فەرمووی...(إن ربنا ارحم بنا من الام على إبنها).
‏‎واتە..بێگومان پەروەردگارمان زۆر بەرحم ترە لەدایك بۆ ڕۆڵەکەی

🔸ئایا نازانی ئەگەر تۆ بەهەشتی بیت کاتێک بەرزکرایتەوە بۆ ئاسمانی حەوتەم لەلایەن فریشتە رووگەش و بۆنخۆشەکان پەروەردگار مژدەی رازیبوون و مژدەی بەهەشتی پێ دایت و گۆرەکەت بۆ کرا بە باخێک لە باخەکانی بەهەشت و خواردنی بەهەشتی دەدەنێ و دەرگایەكت لەبەهەشت بۆ دەکەنەوە..ئەوکات بۆنی خۆشی بەهەشتت بۆ دێت و هەموو بەیانی و ئێوارەیەک شوێنت لە بەهەشت نیشان دەدەن تۆش دەپاڕێیتەوە لە پەروەردگارو دەڵێی خوایە قیامەت بەرپا بکە خوایە خێرا بکە … بۆ ئەوە وا دەڵێیت کە زوو بچیتە ناو مەملەکەتەکانت لەناو بەهەشتدا..!

ئایا دەزانیت دوای ئەوانە بەهیچ شێوەیەک ناتەوێ و ئامادەنیت بگەرێیتەوە ژیانی دنیا بۆلای مناڵ و هاوسەرو دایک و باوکیشت ؟

🔸ئایا نازانی کە کاتێک رۆحەکەت دەهێنرێتەوە سەر زەوی لە ئاسمانی حەوتەمەوە تۆ بەدیار جەنازەکەی خۆتەوەیت و هاوارو پەلەپەل لەو خەڵکە دەکەیت (بەڵام ئەوان گوێیان لێت نیە) کە زوو بتبەن بۆ ناو گۆرەکەت و بەهیچ شێوەیەک گریان و ناڵەی خزم و کەسەکانت بەخەیاڵدا نایەت گوێی پێ نادەیت ؟

🔸ئایا نازانن کە ئەگەر بەهەشتی بن ئەوا ئێوە دەرۆن بەرەو جیهانێکی نوێ و سەرنج راکێش و پێشکەوتوو ؟

🔸ئایا نازانن کە دەرۆن بەرەو خۆشیەکی بێ وێنە پڕ لە ئیسراحەت و ئارامی ؟

🔸ئایا نازانن کە دەرۆن بەرەو لای خزم و کەسەکانتان لە وآنەی کە بەهەشتین و عاقیبەت خێربوون و پێش ئێوە نەقڵ بوون و مردوون ؟

🔸ئایا نازانن کە عاقیبەت بەهەشتیەکان رزگاریان بووە لە نارەحەتی و سەرما و گەرما و هیلاکی و راکەراکی دنیا ؟

🔸ئایا نازانن کە کاتێک مرۆڤەکان دنیا جێ دەهێڵن ئەگەر بەهەشتی و موتەقی و ئیماندار بووبێتن ئیتر لەوێ دەگەن بە ئیسراحەت و نوستنی پڕ لە خۆشی و چێژ ؟

🔸 ئایا نازانی کە لەو جیهانەدا تۆ رۆژانە بەردەوام لەگەڵ کەس و کارو هاورێکانت (ئەگەر بەهەشتی بووبن) دائەنیشیت و باسی دنیایان بۆ دەکەیت باسی حاڵ و وەزعی کەسەکانیان بۆ دەکەیت ؟

🔸 ئەی ئایا نازانی کە تۆش لەو جیهانەدا بە تامەزرۆییەوە چاوەرێی کەسێکی تری خۆت دەکەیت لە زیندووەکان تا بەعاقیبەت خێریەوە بێت و نەقڵ بێت بۆلات تا پرسیاری کەس و کارت و دنیای لێ بکەیت ؟

🔸 ئایا تۆ بێکەسیت لەناو گۆرەکەت دا ؟

لەکاتێکدا گۆرەکەت بووە بە مەملەکەتێکی کاتی زۆر خۆش و ئارامی جیهانی بەرزەخ !
نا بەڵکو تۆ لەگەڵ ملیارەها مرۆڤی تریدات کە ئەوانیش بەهەشتین و هەر لە ئادەمەوە هەتا ئەم سات و کاتەی ژیان کە خەڵکان نەقڵ دەبن بۆی.....
بگرە ئەو جیهانە قەرەباڵغترە لە ئەمڕۆی خۆمان کە ئەمڕۆی دنیا بەنزیکەیی ٨ ملیار مرۆڤە.

🔸 ئایا نازانن کە بەهەشتیەکان لەناو مەملەکەتەکانیان لە جیهانی بەرزەخدا نوێژەکانیان ئەنجام دەدەن بەتایبەتی نوێژی بەیانیان و ئێواران ؟

زۆر زۆری تر هەیە دەربارەی خۆشیەکانی جیهانی بەرزەخ..

تێبینی / سزاو عەزابی ناو گۆرەکانی و چاڵە ئاگرینەکانی ناو قەبر بۆ کافرو بێ دین و مونافیقەکانە هەروەها بۆ مسوڵمانە زۆر تاوانبارەکانە کە بەردەوام لەناو فەسادو تاوانی جۆراوجۆردا بوون …...هتد.

‏ نووسینی: د.شکار عزیز


‏‎پڕۆژە بانگەوازییەکانی شێخ احمد کاکە محمود رحمه الله.
‏www.ahmadkaka.org - www.dangiislam.org



 911

  • زۆرترین بینراو
  • نوێترین بابەت
Top
Facebook YouTube Twitter Instagram