سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  یادی شەهید کردنی خەلیفەی دووەمە، عومەری کوڕی خەتاب.
گۆڕینی فۆنت


یادی شەهید کردنی خەلیفەی دووەمە، عومەری کوڕی خەتاب.

گەلی کورد منەتباری پێشەوا عومەری فاروقە، کە لەژێر دەستی ئاگرپەرستان رزگاری کردووە.

عومەری کوڕی خطاب (رضي الله عنه) کێ بوو.؟

- عومەر ئەو پیاوە بوو هاوڕێ ناوی لەگەڵ عەدل و حەق و هێز و ئازایەتی و زوهد و وەڕەع و تەقوا و موڕاقەبە و گریان و ترسان لە خوا و فیڕاسەت و زیرەکی و بەدیقەت و بەصیرەت و زەمیر و ویژدان بەئاگا و زیندوو و سەرکوتکاری نەفسدا هاتووە نەک لەگەڵ گەندەڵی و دزی و فزی و زوڵم و زۆر و قورخکاری و خیانەتدا .
- عومەر ابو الحفص سێیەم پیاوی ئیسلام بوو لە دوای رسول اللە صلی الله علیه وسلم و أبو بکر الصدیق .
- عومەر ئەو پیاوە بوو خوا ئیسلامی بەو عەزیز کرد ، ابن عمر ئەگێڕێتەوە کە پێغەمبەری خوا نزای ئەکرد و ئەیفەرموو : خوایە ئیسلام عەزیز بکە بەخۆشەویسترینی ئەم دوو پیاوە لە لای خۆت : بەابو جەهل ، یان بەعمری کوڕی خطاب . خوا نزاکەی گیرا کرد ، عمر موسڵمان بوو ، بەموسڵمان بوونی عمریش ئیسلام عەزیز بوو.
- عومەر ئەو پیاوە بووە کە پێغەمبەر صلی الله علیه وسلم تێیدا ئەیفەرموو : " لو کان بعدي نبي لكان عمر " الصحیحة (۱۰۱۷) . ئەگەر لە دوای من پێغەمبەرێک ببوایە عمری کوڕی خطاب ئەبوو .
- عومەر پیاوێکی خاکی بوو ، ژیانی زبر بوو ، خورادنی سادە بوو ، پۆشاکی سادە بوو ، بەخۆی کونەئاوی بەشانی هەڵ ئەگرت بۆ ماڵ لەگەڵ ئەو هەیبەتەی هەیبوو ، سواری گوێدرێژ و حوشتر ئەبوو ، کەم پێدەکەنی ، گاڵتە و گەپی نەئەکرد لەگەڵ کەس ، لەسەر نەخشی ئەنگوستیلەکەی نوسیبووی : (کفی بالموت واعظا یا عمر .. ) . ئەگێڕنەوە لە روومەتیدا دوو هێڵی رەش هەبوو لە ئەسەری گریانی لە ترسی خوا .
- عومەر ئەو خەلیفە عادلە بوو کە دادپەروەری لەناو خەڵک و رەعییەتەکەیدا چەسپاند بوو ، ماف و حوڕمەت و کەڕامەتی خەڵک پارێزراو بوو لەسەردەمی حوکمڕانی و خیلافەتەکەیدا .
عومەر ئاوا بوو ، ئاوا ئەژیا ، ژیانی باشتر نەبوو لە ژیانی یەکێک لە موسڵمانان لە ماوەی حوکمڕانی و خیلافەتیدا ، بگرە ژیانی لە خوار ژیانی موسڵمانانەوە بوو ، بەپێچەوانەی سەرۆک و ئەندامانی ئەنجومەنی حیزبەکان و ئەندامانی پەڕلەمان.


پڕۆژە بانگەوازییەکانی شێخ احمد کاکە محمود رحمه الله.
www.ahmadkaka.org - www.dangiislam.org



 67

  • زۆرترین بینراو
  • نوێترین بابەت
Top
Facebook YouTube Twitter Instagram