سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  دوای ســێ مـانـگ لـە مـارەبـڕیـنم.!
گۆڕینی فۆنت


♦دوای ســێ مـانـگ لـە مـارەبـڕیـنم.!

دەزگیرانەکەم بەبێ هیچ هۆکارێکی وا، لێم جیا بووەوە.

دوای ساڵێک، گەنجێک هاتە داوام ، دواتر دایکی هات ئەوەی قسە و جنێو و سووکایەتی بێت پێی کردم و وتی: " تۆ تەڵاقدراویت ، چۆن ئەهێڵم کۆڕەکەم داوات بکات!"

پێتان سەیر نەبێت، کچەکەی خۆیشی دوای دوو ساڵ لە هاوسەرگیری جیا بوبووەوە، بەڵام دایکی هەمیشە دوعای دەکرد کە گەنجێکی باش و خواناس بڕواتە داوای.

⚫ کاتێک تاقیکردنەوەی پۆلی دوانزەم کرد، نمرەیەکی بەرزم نەهێنا.
دراوسێیەکمان هەموو دراوسێکانی ترمانی تێگەیاند کە من هەموو شتێک بووم بەس خوێندکار نەبووم و تەنها بۆ دەمەتەقێی کوڕان و جەوی خۆش ڕۆشتووم بۆ خوێندنگا و هەر شایانی ئەو نمرەیە بووم.

ساڵی دواتر، کچەکەی خۆی نمرەکەی لەوەی من نزمتر بوو، چەند جار گوێم لێ بوو و دەیوت: "حەسوودی نەیهێشت کچەکەم نمرەی باش بەدەست بێنێت."

🔴 دوای ئەوەی خانووەکەم سووتا و هیچمان بۆ دەرنەچوو، دەموچاوی دایکیشم تا ڕادەیەکی زۆر سووتا.

ڕاستە جوانیی دایکمی تێکدا، بەڵام دایکم بەو حاڵەشەوە خۆشەویستتر بوو لام و سۆزم بۆی زیاتر بوو.

جارێک گوێم لە مامم بوو لەناو مەجلیسێکدا وتی: "دیارە خوا ویستوویەتی تۆڵەیەکی لێ بکاتەوە بۆ ئەوەی پێش مردن پاکی بکاتەوە."

دوای ماوەیەک کە خۆیان تووشی ڕووداوی سەیارە بوون و مامۆژنم تووشی لەبیرچوونەوە بوو، گوێم لێ بوو مامەم دەیوت: "خوای گەورە بەپێی ڕادەی ئیمانەکەت تاقیکردنەوەت بەسەردا دێنێت و قورسترین تاقیکردنەوەکان هیی پەیامبەرەکان بووە، پاشان ئەوانەی لەوان دەچن و خوارتر."

🔵 کاتێک براکەم لە کۆمپانیەکی بەناوبانگ کاری دەسکەوت و وەریانگرت، دراوسێکەمان وتبووی:

"واستەی کردوو ە ئەگینا وەرنەدەگیرا، کە کوڕەکەی خۆشیان لە کۆمپانیای تر وەرگیرا، وتیان: "شەهادەکەی بەرز بووە لەبەر ئەوە وەرگیراوە."

ویژدان خۆشە مرۆڤ هەیبێت، گەر نەتبوو، مردنت باشترە.

وەرگێڕانی :خاليد قـوبادی


پڕۆژە بانگەوازییەکانی شێخ احمد کاکە محمود  رحمه الله.
www.ahmadkaka.org - www.dangiislam.org



 60

  • زۆرترین بینراو
  • نوێترین بابەت
Top
Facebook YouTube Twitter Instagram