سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  چەند پلانێكى گرنگ بۆ بەڕێكردنى مانگى ڕەمەزان.!
گۆڕینی فۆنت

چەند پلانێكى گرنگ بۆ بەڕێكردنى مانگى ڕەمەزان.!

1 ـ گەر دەتەوێ كارێك بكەى پاداشتەكەى جیاواز بێ لە هەموو كردەوەكانى ترو پاداشتەكەى حەوت سەد پلە لەسەرو كردەوەكانى ديكەوە بێت، ئەوا ڕۆژوو بگرن..

2 ـ گەر دەتەوێ خواى پەروەردگار و فریشتەكان صەلاواتت لەسەر بدەن، پارشێو بكە..

3 ـ گەر دەتەوێ لە قیامەتدا شەفاعەت كارێكت هەبێ شەفاعەتت بۆ بكات، ئەوا قورئان بخوێنە..

4 ـ گەر دەتەوێ هەر نوێژێكت لە نوێژە فەرزەكان به (27)‌ نوێژ بۆ بنوسرێ، نوێژەكانت بە جەماعەت ئەنجام بدە..

5 ـ گەر دەتەوێ دڵنیابى لەوەى خواى پەروەردگار وەڵامى پاڕانەوەكانت دەداتەوە، ئەوا لە كاتى بەڕۆژوو بوونت بپاڕێرەوە..

6 ـ دەتەوێ بە یەك مانگى ڕەمەزان پاداشتى دوو مانگى ڕەمەزان بەدەست بهێنى، بەربانگ بكەرەوە بۆ ڕۆژووەوانان..

7 ـ گەر دەتەوێ بەماوەیەكى كەم خواى پەروەردگار لە هەموو تاوانەكانى ڕابوردووت خۆش ببێ، ئەوا نوێژى تەراویح ئەنجام بدە..

8 ـ گەر دەتەوێ لەو كەسانە بیت كە سوننەت لەنێو خەڵكيدا زیندو دەكەنەوە، سیواك بكە..

9 ـ گەر دەتەوێ "وەك چۆن ئاو ئاگر دەكوژێنێتەوە" ئاگرى تاوانەكانت بكوژێتەوە، صەدەقە بكە بە ئاشکراو بە نهێنى..

10ـ گەر دەتەوێ خۆت و ڕۆژووەكەت پاك بكەیتەوە لە قسەى پڕوپوچ و خراپەكارى، زەكاتى سەرفيترە دەر بكە..

11ـ گەر دەتەوێ لەیەك شەودا خێرى هەزار مانگ خوداپەرەستیت دەست بكەوێت و لەگەڵیدا تاوانەكانى ڕابوردووت بسڕێتەوە، شەوانى قەدر زيندوو بكەرەوە، بەتایبەت دە شەوی کۆتایی.

12ـ گەر دەتەوێ بەبێ ئەوەى بچیت بۆ جەنگ و جیهادو تێكۆشان لەپێناو خوداو پاداشتى موجاهیدو تێكۆشەرانت دەست بكەوێت، یارمەتى هەتیوو بێوەژنان بدە..

13- گەر دەتەوێ بە پارەیەكى كەم و لەماوەیەكى كەمدا پاداشتى حەجێكت دەست بكەوێت، ئەوا عومرەيەك بكە لە مانگى ڕەمەزاندا.

پەیجی شێخ ئەحمەد کاکە مەحموود لە خەمی دواڕۆژێکی پرشنگدارو پڕ لە خێردايە بۆ ئێوەی خۆشەویست.

ئاماده‌كردنی‌: عیرفان ئه‌حمه‌د كاكه‌ مه‌حموود

پڕۆژە بانگەوازییەکانی شێخ ئه‌حمه‌د كاكه‌ مه‌حموود ڕەحمەتی خوای لێبێت.

 161

  • زۆرترین بینراو
  • نوێترین بابەت
Top
Facebook YouTube Twitter Instagram