خەوێکم بینی دڵی هەژاندم !! لە خەومدا پێغەمبەری خودام ﷺ بینی، بەڵام بەوشێوەیە نەبوو کە هەموو جارێک دەیبینین موژدەدەر و ڕووبەخەندە، ڕووخساری موبارەکی زۆر خەماویبوو، سوورهەڵگەڕابوو، تووڕەییەکی زۆری پێوە دیاربوو، سواری ئەسپبووبوو بەبێ زین، موسڵمانانیش بەدوایدا دەڕۆیشتن و بانگیـان دەکرد، بەڵام پێغەمبەری خودا ﷺ وەڵامی کەسی نەدەدایەوە و ئاوڕی نەدەدایەوە.... منیش هەوڵم دەدا بگەمە خزمەتی، دڵم دەلەرزی، خەریکبوو ڕووحم دەردەچوو، نزیک بوومەوە، بە دەنگێکی خەماوییەوە کە دڵی ورد و خاش دەکرد، دەیفەرموو: لاچن، لاچن... دوور بکەونەوە، دووربکەونەوە، خودایە ئوممەتەکەم بێ ئومێدیان کردم و پشتیان بەردام... دەنگی گریانی موسڵمانان بەرزبوویەوە، دیمەنێکی سامناکبوو، دەتوت ڕۆژی قیامەتە.... هەمووان دەگریان و هاواریان دەکرد: خودایە خەشم و توڕەیی خۆتمان لەسەر هەڵبگرە، خودایە بەبۆنەی کردەوەی گەمژەکانمانەوە سزامان مەدە... بەڵام پێغەمبەری خودا ﷺ هەر پشتی لێ دەکردن، لەگەڵ کەسیان قسەی نەدەکرد و ئاوڕی نەدەدایەوە، هەتا گەیشتە ماڵەوە و لەسەر ئەسپەکەی دابەزی، تووڕەبوو، دڵم دەلەرزی، لەنەفسی خۆمدا وتم، تۆ بڵێی لە منیش تووڕەبێ، دەستم کردە گریان و چوومە خزمەتی، گریانەکەم نەدەوەستا و داوام لێ دەکرد وەڵامم بداتەوە: کە منی بینی دڵی بۆم نەرمبوو، فەرمووی: ڕۆڵەکەم بە خۆشی و سوپاسگوزاری دەژیت و بە شەهیدی دەمریت.... پاشان چووە ژوورەوە و منیش چاوەڕێم دەکرد جارێ تر بێتە دەرەوە، نوێژی دەکرد، کە گوێم بۆ ڕادێرا بە دەنگێکی خەماوییەوە ئەم ئایەتەی دەخوێند: ﴿وَإِن تَتَوَلَّوۡاْ يَسۡتَبۡدِلۡ قَوۡمًا غَيۡرَكُمۡ ثُمَّ لَا يَكُونُوٓاْ أَمۡثَٰلَكُم﴾ لە خەو ڕاچەنیم و چاوم پڕ فرمێسک بوو، دڵم خەریکبوو شەق شەق دەبوو... زانیم پێغەمبەری خودا ﷺ لێمان تووڕەیە، چۆن لێمان تووڕە نابێ کە منداڵی ئوممەتەکەی لەتاو برسیەتیدا دەمرێت و هیچ جوڵەیەک ناکەین، خودایە لەوانە نەبین کە پێغەمبەری خودایان ﷺ بێ ئومێد و تووڕە کردووە.... نووسینی: ئەیاد فەهمی پڕۆژە بانگەوازییەکانی شێخ احمد کاکە محمود رحمه الله.