گۆڕینی فۆنت درۆید کوفی یونیکورد وێب درۆید نه‌سخ تاهۆما UniQAIDAR_DWANGE XM Yekan UniQAIDAR_A7MED

 كاتێك كچەكانتان سەردانتان دەكات، ئەمانەی فێربكەن!

- نهێنییەكانی ماڵەكەی تەنها لەنێوان ئەو و هاوسەرەكەی بمێنێتەوە.
- لەگەڵ هاوسەرەكەی كێشە وملەجەڕێ نەكات، چونكە سەرەتا خۆی باجی كەلەڕەقییەكەی كەی دەدات.
- پێكەنینی بەرز و دەنگی بەرز مێیەتی و شكۆیی ژن تێكدەدات.
- درۆكردن لەگەڵ هاوسەر، تەنانەت بۆجارێكیش، دەكرێت متمانەی هاوسەرەكەی بۆ هەتاهەتایی لەدەستبدات.
- پاكی و خاوێنی، جا پاكی جەستە یان پاكی ماڵەكە، وادەكات هاوسەرەكەی ئەرێنی بێت و خۆشی بوێت.
- دووزمانی نەكات و خۆی لەقسەهێنان و قسەبردن بپارێزێت.
- هەردوو ڕۆڵی ژن و پیاو پێكەوە نەبینێت، ئەو ژنە و وەك خاتوونێكی بەویقار هەڵسووكەوت بكات بەشانازییەوە رۆڵی خۆی ببینێت. 
- لەگەڵ ئەو پیاوانەی خزمی هاوسەرەكەین پێكەنین نەكات، تەنها لە دۆخی دیاریكراو و ئەوكاتەی لەگەڵ هاوسەرەكەیدایە.
- بزانێت غیرەی هاوسەرەكەی خۆشەویستییە نەك گومان و دڵپیسی.
- ماڵی باوكی بۆ خۆشەویستی و سەردان و میواندارییە، بەڵام ماڵەكەی ماڵی هاوسەرەكەیەتی.
- بزانێت هیچ كەسێك جگە لە هاوسەرەكەی بەرگەی كاردانەوەكانی ناگرێت.
- هاوارو بۆڵەبۆڵ نەكات وهەمیشە بەنەرمی بدوێت. 
- فێری بكە بەرپرسیارێتی هی هاوسەرەكەیەتی بە فەرمانی خودا، ڕا و قسەی خۆی بەزۆر نەسەپێنێت. 
- وشەی (تەڵاقم بدە) لەگەڵ هەر ناكۆكییەكی لەگەڵ هاوسەرەكەیدا بەكارنەهێنێت.
- نوستنگەی هاوسەرەكەی جێنەهێڵێت، هەرچەندە  ناكۆكی لەنێوانیانداهەبێت.
-  رووخۆش و دەم بەخەندە بێت لە گەڵ مێردەكەی و نیگەران و خەمباری نەكات.
- هەركات هاوسەرەكەی لەكارگەڕایەوە بەرووخۆشی و دەم بەخەندەوە پێشوازی لێ بكات و پەرداخێك ئاوی بۆ بهێنێت.  
- لەكاتی نەخۆشی و سەختییەكاندا هاوسەرەكەی جێنەهێڵێت.
- فێری بكە خانەوادەكەی پشتیوانی لێدەكەن، بەڵام بۆهەر ناكۆكییەك ناكرێت ماڵی هاوسەرەكەی جێبهێڵێت.
- فێری بكە بەمێیەتی و خاتوونی خۆی دەتوانێت هاوسەرەكەی ڕازیبكات ئەگەر شێرێكی درندەش بێت، بەڵام بە كەلەڕەقی تەنها خۆی تێكدەدات.
- فێری بكە بەناو ئازادی لە كارەكانی شەیتانە، خۆجوانكردن بۆناوبازاڕو شەقامەكان بەرەو ئاگری دۆزەخی دەبات. 
- فێری بكەن خاتوونێك بێت، شاژنی ماڵەكەی بێت، خێزانەكەی بەڕێوەببات، خۆشەویستی و میهرەبانی و بەزەیی تیایاند بچێنێت.

ئا: یاسین ئەحمەد زەنگەنە.

پڕۆژە بانگەوازییەکانی شێخ احمد کاکە محمود  رحمه الله.