سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  نه‌خشه‌ی پێشوازی و به‌ڕێکردنی مانگی ڕه‌مه‌زانی پیرۆز به‌ چاکترین شێوە
گۆڕینی فۆنت

دانراوه له‌لایه‌ن: عه‌لی هه‌ولێری فێرگه‌

نه‌خشه‌ی پێشوازی و به‌ڕێکردنی مانگی ڕه‌مه‌زانی پیرۆز به‌ چاکترین شێوە

الحمد لله وحدة، و الصلاة والسلام على من لا نبي بعده وبعد: 

شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَىٰ وَالْفُرْقَانِ ۚ فَمَنْ شَهِدَ مِنْكُمُ الشَّهْرَ فَلْيَصُمْهُ ۖ وَمَنْ كَانَ مَرِيضًا أَوْ عَلَىٰ سَفَرٍ فَعِدَّةٌ مِنْ أَيَّامٍ أُخَرَ ۗ يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَىٰ مَا هَدَاكُمْ وَلَعَلَّكُمْ تَشْكُرُونَ. (البقرة: ١٨٥). واته: مانگی ڕه‌مه‌زان (ئه‌و مانگه‌یه‌) كه‌ قورئانی تێدا هاتۆته‌ خواره‌وه‌، له‌كاتێكدا ئه‌م قورئانه‌ ڕێنموویی به‌خشه‌ به‌ خه‌ڵكی و به‌ڵگه‌ی زۆری تیادایه‌، له‌ ڕێنموویی و جیاكردنه‌وه‌ی ڕاست و ناڕاست و حه‌ق و ناحه‌ق، جا كه‌سێك له‌ ئێوه‌ مانگی ڕه‌مه‌زانی بینی (یان هه‌واڵی بینینی پێدرا)، ده‌با ئه‌و مانگه‌ به‌ڕۆژوو بێت، ئه‌وه‌ش كه‌ نه‌خۆش بێت یان له‌ سه‌فه‌ردا بێت با له‌ڕۆژانی تردا به‌و ئه‌ندازه‌ بیگرێته‌وه‌، چونكه‌ خودا ئاسانكاری بۆ ئێوه‌ ده‌وێت و نایه‌وێت (په‌رستن و فه‌رزه‌كانتان) له‌سه‌ر قورس و گران بكات و بۆ ئه‌وه‌ی ئه‌و ماوه‌ دیاریكراوه‌ ته‌واو بكه‌ن و خودا به‌گه‌وره‌ بگرن و سوپاسگوزاریشی بكه‌ن له‌سه‌ر ئه‌وه‌ی كه‌ ڕێنموویی كردوون) موسوڵمانانى سه‌نگین و بەڕێز سوپاس و ستایش بۆخودای په‌روه‌ردگار واجارێکی تر ئەمساڵیش ته‌مه‌نمان وه‌فای کرد گه‌یشتینه‌وه‌‌ ره‌مه‌زانی پیرۆز بابزانین چۆن پێشوازی له‌م میوانه‌ به‌رێزه‌ بکه‌ین!! هەرهەموومان كە میوانێكمان دێت چەند ڕۆژێك پێشوەخت خۆمان ئاماده‌ ئه‌که‌ین بۆ ئەوەى به‌شێوه‌یه‌کی جوان بێشوازى لەو میوانە بكەین، جارى واش هەیە نازانین ئەو میوانە شایستەى ئەو ڕێز و ماندو بوونەیە ؟ باش بێت یان خراپ لە ئەنجامدا بۆ مرۆڤێكى ئەكەین، ڕاستە مرۆڤ جێگاى ڕێزگرتنە بەڵام كاممان بە چه‌ند رۆژێک بیرمان كردۆتەوە و لە خۆمان پرسیوە ئایا چۆن پێشوازى لەو میوانە بەڕێزە بكەین كە ساڵى یەك جار سەردانمان ئەكات ؟ كە ئەویش مانگى ڕەمەزانى پیرۆزە ؟ پرسیارێكە و زۆربەمان پشت گوێی ئه‌خه‌ین لـــــەكــاتێكدا (معلى) ى كوڕى (فضل) ئەڵێت:سه‌له‌فی صالح مانگێ بەر لەهاتنى ڕەمەزان لەخودا ئەپاڕانەوە كە خوداى گەورە بیانگەیەنێتە مانگى ڕەمەزان)که‌ میوانداری له‌ ڕەمەزانى پیرۆز بکه‌ین ،هه‌روه‌ک شاعیر دەڵێت: 

إذا رمضان أتى مقبلاً....فأقبل فبالخير يستقبل 
لعلك تخطئه قابلاً .....وتأتى بعذر فلا يقبل 

واتە: مانگی ڕەمەزان بەرەو ڕووت هات، دەی تۆش بەرەو ڕووی بڕۆ. 

چەندین كەس هەبوو بە هیوای ئەوە بوو كە بەڕۆژو بێت لەم مانگەدا بەڵام هیواو و ئاواتەكەی خیانەتی لەگەڵ كردو پێش هاتنی ڕەمەزان چووە ناو تاریكایی قەبرەوە. وە چەندین كەس هەبووە ڕۆژێك پێشوازی لێ كرد و ئەم ڕۆژەی تەواو نەكرد، وە زۆر كەس هەبوو بەهیوای ئەوە بووە بەیانی بەڕۆژوو بێت بەڵام نەگەیشت پێی. ئێوە ئەگەر بتان زانیبا كاتی مردنتان چ كاتێكە، ئەوە ڕقتان لە هیواو ئاوات خواستن دەبووەوە، هەلبه‌ته‌ هه‌مومان ئەزانین دەرگاى خراپە هەردەم واڵایە هەروەك چۆن دەرگاى چاكە بەردەوام واڵایە، ئەمەى وه‌ك بیر هێنانه‌وه‌ بۆخۆم و بۆئێوه‌ی به‌رێز ئه‌ی خه‌مه‌ روو ، بریتیە لە نه‌خشه‌یه‌ک بۆ بەچاکی پێشوازی و بەڕێ كردنى مانگى ڕەمەزانى پیرۆز بۆ ئەوەى پاداشتێكى زۆرمان دەست بكەوێت ،بە ویستى خوداى پەروەردگار ، جا هەركەسێك بەگوێرەى توانا ئەم نه‌خشه‌یه‌ جێبه‌چی بکات ، بۆ ئەوەى بە ویستى خوداى پەروەردگار بەهەشتى بەرین بەدەست بهێنێت: پێشوازى كردنیشتان به‌ چاکی پوخته‌یی به‌م مه‌رجانه‌ ئه‌بێت ؟ ئایا بڕیارى تەوبەكردنتان داوە؟ بڕیارت داوە واز لە تاوانەكانت بهێنیت ؟ هەوڵى ئەوەت داوە پەڕێکی تازه‌ هەڵبدەیتەوە ؟هه‌ولی ئه‌وت داوه‌ زمانت بپارێزیت له‌ غه‌یبه‌ت و قسه‌ی پرووپوچ و نابه‌چێ ؟ هیچ نه‌خشه‌یه‌کی داڕێژراوت هەیە بۆ ئەم مانگە ؟ وازت له‌ نیقاش و یه‌کتر شکاندن هیناوه‌ ؟وازت له‌نیزاع و سیراع و باسی ئه‌م و ئه‌و هێناوه‌ ؟زۆر پرسیاری تریش. 

براى بەرێز و خوشكى سه‌نگین ؛ وەك برایەكى بچوک و دڵسۆز پێتان ئەڵێم با بەرنامەى مانگى ڕەمەزانمان بە تەوبەكردن و گەڕانەوە دەست پێبكەین، هەوڵبدەین بە تەوبەكردن پێشوازى لەم مانگە بكەین، چونكە خوداى پەروەردگار ئەفەرموێت: ( يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَّصُوحاً عَسَى رَبُّكُمْ أَن يُكَفِّرَ عَنكُمْ سَيِّئَاتِكُمْ ) (التحريم: ٨)واتە: ئەى ئەوانەى باوەڕتان هێناوە بگەڕێنەوە بۆ لاى خوا بە تەوبە و گەڕانەوەیەكى یەكجارى تا پەروەردگارتان لە گوناهو تاوانەكانتان خۆش ببێ. هه‌روه‌ها ئه‌فه‌رموێ ( وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ ) (النور: ٣١). 

واتە: ئەى ئیمان دارەكان هەمووتان تەوبە بكەن و بگەڕێنەوە بۆ لاى پەروەردگارتان تا ڕزگار و سەركەوتوو بن. هەموومان تاوانمان هه‌یه‌ که‌سمان هه‌وری بێ په‌ڵه‌ نینه‌ و پێویستمان بە تەوبەكردن هەیە، ده‌سا با پێغەمبەرى خودا( صلى الله عليه وسلم )بكەینە پێشەوامان ئەو زاتە خۆشه‌ویست و عه‌زیزه‌ سەرەڕاى هەڵگرتنى تاوان لە سەرى ڕۆژانە تەوبەى ئەكرد وەك فەرموویەتى ( توبوا إلى الله تعالى، فإني أتوب إليه كل يوم مائة مرة ) (صحيح الجامع الصغير ).‌ 

واتە: بگەڕینەوە بۆ لاى خوا بە تەوبەكردن چونكە من لە ڕۆژێكدا سەد جار تەوبە ئەكەم و داواى لێخۆش بوون ئەكەم.له‌کاتێکدا،به‌خۆمان و به‌دایک و باوکمان به‌قوربانت بین ئه‌ی پێغه‌مبه‌ری خودا تۆی پێشه‌وای مرۆڤایه‌تی له‌رؤژێکا سه‌د جار ته‌وبه‌ت کردبێ له‌کاتێکدا تاوانت له‌سه‌ر هه‌لگیرابێت، .ئێمه‌ ی تاوان بار ئه‌بێ رۆژانه‌ جه‌ند( ملیۆن ) چار ته‌وبه‌ بکه‌ین تا خودا لێمان خۆش بێت خاکمان به‌سه‌ر ؟! دەی خوشك و برایانی سه‌نگینم با ئەم دیاریە جوانە لە دەست خۆمان نەدەین و بە تۆبە كردن و گەڕانەوە بۆ لاى پەروەردگار پێشوازى لە مانگى ڕەمەزان بكەین با پێشوازیەكەمان وەكو پێشوازى پێغەمبەرى خودا( صلى الله عليه وسلم) و هاوەڵانى بێت كە دەیفەرموو: ( أتاكم شهر رمضان شهر مبارك فرض الله عليكم صيامه تفتح فيه أبواب الجنة وتغلق فيه أبواب الجحيم وتغل فيه مردة الشياطين وفيه ليلة هي خير من ألف شهر من حرم خيرها فقد حرم ) (صحيح الجامع الصغير ).واتە: ئەوا مانگى ڕەمەزانتان بەسەردا داهات، كە مانگێكى پیرۆز و بە بەرەكەتە، خواى پەروەردگار ڕۆژووى ئەو مانگەى لە سەر فەرزكردوون، تیایدا دەرگاكانى بەهەشت دەكرێنەوە و دەگاكانى دۆزەخى تێدا دادەخرێن، شەیتانە سەركەشەكانى جنۆكەى تێدا كۆت دەكرێت، وە شەوێكى تێدایە خێر و چاكەى لە هەزار مانگ چاكترە، ئەو كەسەى لە خێر و چاكەكەى بێبەش بێت ئەوا بێبەش بووە.باخۆمان ئاماده‌ بکه‌ین به‌دلێکی پر له‌ئیمانه‌وه‌ به‌ ئیخلاصه‌وه‌ بۆ خودای په‌روه‌ردگار ده‌ی خوشک و برایانی خۆم با به‌یه‌که‌وه‌ ئه‌م هه‌له‌ له‌ ده‌ست خۆمان نه‌ده‌ین له‌م مانگه‌ پیرۆزه‌ خۆمان به‌ته‌واوی فۆرمات بکه‌یه‌نه‌وه‌ ئه‌وه‌ش بزانن پەروەردگارمان دەرگایی تەوبەكردن لە مەغریبان ئەكاتەوە تا وەكو خۆر هەڵهاتن دایناخات شەوانیش بە گەورەیى و جەلالى خۆى دائەبەزێ بۆ ئاسمانى دوونیا هەروەك پێغەمبەرى خوا (صلى الله عليه وسلم) فەرموویەتى: (ينزل الله في كل ليلة إلى سماء الدنيا، فيقول: هل من سائل فأعطيه ؟ هل من مستغفر فأغفر له ؟ هل من تائب فأتوب عليه ؟ حتى يطلع الفجر) (رواه مسلم). 

واتە: خوداى پەروەردگار هەموو شەوێك دێتە ئاسمانى دونیا ـ دابەزینێك لایەق بێت بە گەورەیى و جەلالى خۆى ـ و دەفەرمووێت: ئایا داواكارێك هەیە پێی ببەخشم ؟ یان كەسێك هەیە داواى لێخۆشبوون بكات بۆ ئەوەى لێیخۆشبم ؟ یان كەسێك هەیە تۆبەبكات بۆ ئەوەى لێى ببورم ؟ ئەوەش تاكو فەجر (گزنگ) دەردەكەوێت.سبحان الله‌ پاکی و بێگه‌ردی بۆخودای په‌روه‌ردگار که‌ ئاوا به‌ره‌حم و به‌زه‌ییه‌ له‌گه‌ل به‌نده‌کانی ،ئه‌م جا ئێستا ته‌وبه‌مان کرد !!ده‌ی هەركەسێكمان بەگوێرەى توانا خۆی ئاماده‌ بکات ، 
ئه‌م-٢١-خاله‌ له‌خۆی به‌رچه‌سته‌ بکات ان شاالله‌ 

١-پارشێوكردن: پێغەمبەرى خودا (صلى الله عليه وسلم) فەرموویەتى ( فإن الله، وملائكته يصلون على المتسحرين) (السلسلة الصحيحة) واتە: پەروەردگار و فریشتەكانى صەلاوات ئدەن لەسەر ئەو كەسانەى پارشێو ئەكەن، بۆیە ئەگەر تەنها پەرداخێكى ئاویشت خواردوە هەڵسە بۆ پارشێو كردن با لەو سڵاواتە بەنرخانە بێبەش نەبیت. 

٢-ڕۆژووگرتن: پێغەمبەرى (خودا صلى الله عليه وسلم) فەرمویەتى ( كل عمل ابن آدم يضاعف، الحسنة بعشر أمثالها إلى سبعمائة ضعف) قال الله تعالى: إلا الصوم، فإنه لي وأنا أجزي به " (متفق عليه)، واتە: هەموو كردەوەیەكى ڕۆڵەكانى ئادەم پاداشتەكەى چەندە جارى خۆى زیاد ئەكرێت، چاكەیەك بە دەجار ئەوەندەى خۆى تاكو (٧٠٠) حەوت سەد ئەوەندەى خۆى، خواى پەروەردگار ئەفەرموێت: جگە لە ڕۆژوو، ڕۆژوو گرتن بۆ منە و تەنها منیش پاداشتی ئەدەمەوە 

٣ ـ قورئان خوێندن: پێغەمبەر( صلى الله عليه وسلم) دەفەرمووێت: ( الصيام والقرآن يشفعان للعبد يوم القيامة، يقول الصيام: أي رب إني منعته الطعام والشهوات بالنهار، فشفعني فيه، يقول القرآن: رب منعته النوم بالليل، فشفعني فيه، فيشفعان )(صححه الألباني في صحيح الجامع)، واتە: بۆ بەندەكانى خودا لە ڕۆژى قیامەتدا، ڕۆژوو دەڵێت: ئەى خودایە ! من ڕێگربووم لە خواردن و شەهوەتى داوات لێدەكەم تكام قەبووڵ بكە، و قورئانیش دەڵێت: خوایە من ڕێگربووم لە خەوتنى لە شەودا تكام قەبووڵ بكە، فەرمووى: خواى گەورەش تكایان قەبووڵ دەكات و لێى خۆش دەبێت. وه‌هه‌وره‌ها پێغەمبەرى خودا( صلى الله عليه وسلم) فەرمویەتى: ( اقرءوا القرآن فإنه يأتي يوم القيامة شفيعا لأصحابه " (‌ صحيح الجامع الصغير: ١١٦٥).واتە: قورئان بخوێنن، چونكە لەڕۆژى دوایى دا شەفاعەت بۆ خاوەنەكانیان ـ واتە: ئەوانەى لەدونیادا خوێندویانە ،وه‌هه‌روه‌ها له‌فه‌رموده‌یه‌کی تردا هاتووە كە دەفەرمووێ (الماهر بالقرآن مع السفرة الكرام البررة والذي يقرأ القرآن ويتتعتع فيه وهو عليه شاق له أجران ) (متفق علية)، واتە: ئەوەى قورئان بە دروستى و جوانى دەخوێنێتەوە. ئەوە لەگەڵ فریشتە بەڕێزەكانى خوادایە ـ ئەو فریشتانەن كە سەفیرن لە نێوان خواى گەورە و بەندەكانى، و ئەوەى كە قورئان دەخوێنێت و دەوەستێت تیایدا و قورسە لەسەر زمانى ئەو كەسە دوو پاداشتى هەیە. وە هەتاكو موسڵمان زیاتر قورئان بخوێنێت، و زیاتر قورئانى لەبەر بێت پلەو پایەى بەرزترە لە ڕۆژى قیامەتدا، 

٤ ـ نوێژى جەماعەت؛ پێغەمبەرى خودا (صلى الله عليه وسلم فەرمویەتى) (صلاة الجماعة تفضل صلاة الفذ بسبع وعشرين درجة )(متفق عليه)، واتە: نوێژى جەماعەت خێرى زیاترە لە نوێژى بەتەنها به(٢٧)‌ پلە... واتە نوێژێكى جەماعەت خێرى (٢٧) نوێژى بەتەنهاى هەیە. 

٥_بەربانگدان بە ڕۆژووان: پێغەمبەرى خودا (صلى الله عليه وسلم) فەرمویەتى:( من فطر صائما كان له مثل أجره غير أنه لا ينقص من أجر الصائم شيء ) (صحيح الترغيب و الترهيب). 

واتە: هەركەسێك بەربانگ بە ڕۆژوەوانێك بكاتەوە ئەوە پاداشتى ڕۆژووانەكەى دەست ئەكەوێت بەبێ ئەوەى لە پاداشتى ئەو كەسە كەم بكات، واتە ئەگەر بەربانگ بە كەسێكى ڕۆژوەوان بدەیت پاداشتى دوو ڕۆژ ڕۆژووت بۆ ئەنوسرێ و لەپاداشتى بەرامبەریش هیچ كەم ناكات. 

٦-پاڕانەوە لە كاتى بەڕۆژوو بوونت: پێغەمبەرى خوا صلى الله عليه وسلم فەرمویەتى: ( ثلاث دعوات مستجابات دعوة الصائم ودعوة المظلوم ودعوة المسافر )(صحيح الجامع الصغير ). واتە: سێ پاڕانەوە هەن وەڵام ئەدرێنەوە: پاڕانەوەى ڕۆژووان و پاڕانەوەى ستەم لێكراو و پاڕانەوەى ڕێبوار 

٧ ـ نوێژى تەراویح: پێغەمبەرى خودا( صلى الله عليه وسلم) فەرمویەتى: (ومن قام رمضان إيمانا واحتسابا غفر له ما تقدم من ذنبه) (متفق عليه)، واتە: هەركەسێك شەوانى ڕەمەزان بە تەراویح زیندو بكاتەوە و باوەڕى پێى هەبێ و چاوەڕوانى پاداشتى خوا بێت، ئەوا خوا لەتاوانەكانى پێشووى خۆش ئەبێت. 

٨- ـ سیواك كردن: پێغەمبەرى خودا( صلى الله عليه وسلم) فەرمویەتى: ( لولا أن اشق على أمتي لأمرتهم بالسواك عند كل صلاة ) (متفق عليه)، واتە: ئەگەر بهاتبایە و لەسەر ئومەتەكەم ناڕەحەت و قورس نەبوایە، ئەوا فەرمانم پێ دەكردن لە كاتى هەموو نوێژێكدا سیواك بكەن 

٩- خوێندنەوەى كتێبى ئاینى بەسود و گوێگرتن له‌ووتار: خوداى پەروەردگار ئەفەرموێت: (قُلْ هَلْ يَسْتَوِي الَّذِينَ يَعْلَمُونَ وَالَّذِينَ لا يَعْلَمُونَ إِنَّمَا يَتَذَكَّرُ أُوْلُوا الأَلْبَابِ ) (الزمر: ٩)، واتە: بڵێ: ئایە ئەو كەسانەى كە شارەزا و زانان لەگەڵ ئەو كەسانەدا یەكسانن كە ناشارەزا و نەزانن ؟ بۆ سەلملندنى ئەو ڕاستیە تەنها مرۆڤە ژیرەكان بیر ئەكەنەوە و ئامۆژگارى وەرئەگرن 

١٠-صەدەقە كرد: پێغەمبەرى خودا (صلى الله عليه وسلم) فەرمویەتى: (الصدقة تطفيء الخطيئة كمـا يطفىء المـاء النار ) (صححه الألباني في مشكلة الفقر ) واتە: صەدەقە ئاگرى تاوان ئەكوژێنێتەوە هەروەك چۆن ئاو ئاگر ئەكوژێنێتەوە 

١١-مانەوە لە مزگەوت تا هەڵهاتنى خۆرى بەیانى: پێغەمبەرى خودا(صلى الله عليه وسلم) فەرمویەتى: ( من صلى الفجر في جماعة ثم قعد يذكر الله حتى تطلع الشمس ثم صلى ركعتين كانت له كأجر حجة وعمرة ". قال: قال رسول الله صلى الله عليه وسلم) تامة، تامة، تامة " (حسن، مشكاة المصابيح )، 
واتە؛ ئەوەى نوێژى بەیانى بە جەماعەت ئەنجام دا و پاشان لەمزگەوت مایەوە و زیكرى پەروەردگارى كرد تاكو خۆر هەڵدێت پاشان دوو ڕكات نوێژى كرد ئەوە پاداشتى حەج و عەمرەیەكى بۆ ئەنوسرێ، ڕاوى دەڵێت: پاشان پێغەمبەرى خوا فەرمووى: پاداشتى حەج و عەمرەیەكى تەواو، تەواو، تەواو 

١٢-زەكاتى سەرفترە: (ابن عباس) فەرموویەتى: (فرض رسول الله صلى الله عليه وسلم زكـاة الفطر طهرة للصائم مـن اللغو والـرفث وطعمة للمساكين) (صححه الألباني في مشكلة الفقر )، واتە: پێغەمبەرى خوا (صلى الله عليه وسلم) زەكاتى سەرفترەى فەرز كردوە بۆ پاككردنەوى ڕۆژووان لە قسەى پڕوپوچ و خراپەكارى، وە خواردنێكیش بێت بۆ هەژاران... بەڵام بۆ ئەوەى پاداشتى تەواوت بگات و لێتوەربگیردرێت و لەو كەسانە بیت لەو فەرموودەیە باس كراوە پێویستە بە خۆراك زەكاتى سەرفترە بدەیت نەك بە پارە. 

١٣-دانیشتن لە مەجلسێكى خێر ؛ پێغەمبەرى خودا( صلى الله عليه وسلم) فەرموویەتى: ( مـا من قوم اجتمعوا يذكرون الله عز وجل لا يريدون بذلك إلا وجهه إلا ناداهم منــاد من السماء أن قوموا مغفورا لكم قد بدلت سيئاتكم حسنات) (صحيح الترغيب و الترهيب) واتە: هیچ كۆمەڵە كەسێك نیە كۆ ببنەوە و زیكرى خوا بكەن و مەبەستیشیان بەوە هیچ نەبێت ئیللا پاداشتى خوا نەبێت ئیللا بانگ كەرێك لە ئاسمانەوە بانگیان ئەكات و ئەڵێت هەستن خوا لێتان خۆش بووە و تاوانەكانتانى بۆ گۆڕیونەتەوە بە چاكە. 

١٤ ـ شەوى قەدر:خوداى پەروەردگار ئەفەرموێت: (لَيْلَةُ الْقَدْرِ خَيْرٌ مِنْ أَلْفِ شَهْرٍ )(القدر: ٣)، واتە: شەوى قەدر لە هەزار مانگ چاكترە كە شەوى قەدریان تیا نەبێ، وە پێغەمبەرى خوداش (صلى الله عليه وسلم) ئەفەرموێ: ( ومن قام ليلة القدر إيمانا واحتسابا غفر له ما تقدم من ذنبه ) (متفق عليه)، واتە: هەركەسێك شەوى قەدر زیندوبكاتەوە و باوەڕى پێى هەبێ و چاوەڕوانى پاداشتى خوا بێت، ئەوا خوا لەتاوانەكانى پێشووى خۆش ئەبێت 

١٥-یارمەتى دانى هەتیو و بێوەژن: پێغەمبەرى خودا( صلى الله عليه وسلم) فەرمویەتى:( الساعي على الأرملة والمسكين كالمجاهد في سبيل الله عز وجل ) (صحيح سنن النسائي: )، واتە: چاودێر و بەخێوكارى بێوەژن و هەتیو لە پاداشتدا وەكو تێكۆشەرە لە پێناوى خواى پەروەردگار 

١٦-عومرەكردن لە مانگى ڕەمەزان: پێغەمبەرى خود(ا صلى الله عليه وسلم) فەرمویەتى: (عمرة في رمضان تعدل حجة ) وفي رواية " تعدل حجة معي " (صحيح البخاري)، واتە: عومرەیەك لەڕەمەزاندا پاداشتەكەى بەرامبەر بە حەجێك وایە، لە ڕیوایەتێكدا هاتووە: وەك حەجێك وایە لەگەڵ پێغەمبەردا 

١٧-ئه‌گه‌ر ئه‌ته‌وێ له‌چه‌ند رێگایه‌که‌ بانگ بکرێیت بۆ به‌هه‌شت ؛ پێغەمبەرى خودا( صلى الله عليه وسلم فەرمویەتى:( واللجنة أبواب فمن كان من أهل الصلاة دعي من باب الصلاة ومن كان من أهل الجهاد دعي من باب الجهاد ومن كان من أهل الصدقة دعي من باب الصدقة ومن كان من أهل الصيام دعي من باب الريان) (متفق عليه). 
واتە: بەهەشتیش دەرگاى هەیە، نوێژگە لە دەرگاى نوێژەوە، و تێكۆشەریش لە دەرگار تێكۆشانەوە، و 
بەخشەریش لە دەرگاى بەخشینەوە، ڕۆژووانیش لە دەرگاى ڕەییانەوە لە ڕۆژى دواییدا بانگ دەكرێن 

١٨_دوعا كردنى لە دواى پارشێو: خوداى پەروەردگار ئەفەرموێت: (وَبِالأَسْحَارِ هُمْ يَسْتَغْفِرُونَ ) (الذاريات: ١٨)، واتە: لە كاتى بەرەبەیاندا دەپاڕانەوە 

١٩- پاڕانەوە: ئەگەر ئەتەوێ خواى پەروەردگار وەڵامى پاڕانەوەكه‌ت بداته‌وه‌؛ خوداى پەروەردگار ئەفەرموێت: (وَقَالَ رَبُّكُمْ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ)(غافر: ٦٠)، واتە: پەروەردگارتان فەرموویەتى: لێم بپاڕێنەوە وەڵامى پاڕانەوەكانتان ئەدەمەوە بەڕاستى ئەوانەى خۆیان بە گەورە ئەزانن لە پەرەستنى من بەتەنها، بێگومان بەسەرشۆڕى ئەچنە دۆزەخەوە 

٢٠-فێربوون و فێرکردنی قورئان ؛ پێغەمبەرى خودا (صلى الله عليه وسلم) فەرموویەتى: ( خيركم من تعلم القرآن وعلمه ) (رواه البخاري) واتە: چاكترینتان ئەوانەن كە قورئان فێر دەبن و فێرى كەسانى تریش دەكەن.وه‌هه‌وره‌ها 

٢١-نوێژى عیشا: پێغەمبەرى خودا( صلى الله عليه وسلم) فەرمویەتى: ( إن الرجل إذا صلى مع الإمام حتى ينصرف كتب له قيام ليلة )(صحيح الجامع الصغير) واتە: ئەگەر كەسێك لەگەڵ ئیمام بە جەماعەت كرد تا تەواو ئەبێ، ئەوە ئەو شەوەى بە شەونوێژێكى تەواوى بۆ ئەنوسرێ. 

له‌ کۆتاییدا ده‌ڵێم خوشک و برایانی به‌ڕێزم، ئێستا زانیمان چۆن پێشوازی له‌م مانگه‌ پیرۆزو پر خێرو به‌رکه‌ته‌ بکه‌ین ده‌سا با هه‌ول بده‌ین له‌م مانگه‌ پیرۆزه‌دا په‌یمان ببه‌ستین له گه‌ل ‌خودای په‌روه‌ردگار و ته‌وبه‌کانمان ته‌وبه‌ی ته‌واو بێت دوای ئه‌م ما‌نگه‌ پیرۆزه‌ش به‌رده‌وام بین و دانه‌برێین له‌ عیباده‌ته‌کان رۆژوگرتنیشمان به‌رێکو پێکی و به‌ئیخلاصه‌وه‌ بێت نه‌ک هه‌ر برسێتی و تێنوێتیمان بۆبمێنیته‌وه‌ ،به‌رده‌وامیش دوعای خێر بکه‌ن له‌دوای هه‌موو نوێژێک ره‌حمه‌تی خوداتان لێبێت بۆیه‌ک ریزی و برایه‌تی نێوان موسلمانان دوعا كردن و پاڕانەوە لە كاتى بەربانگ كردنەوە.بۆ موجاهیدان و زانایانی ئیسلام و برایانمان كه‌ له‌زیندانه‌ تاریکه‌کانی کوفر و ئیلحادن ،خودای گه‌و‌ره‌ بمان خاته‌ ژێر ره‌حم وبه‌زه‌ی خۆی و ڕاگیروامان بکات ئه‌م مانگه‌ پڕخێر و به‌ره‌که‌ته‌ به‌ زیکرو عیباده‌ت و خۆپاك کردنه‌وه ‌ به‌رێ بکه‌ین. 

وَآخِرُ دَعْوَانا أَنِ الْحَمْدُ لِلّهِ رَبِّ الْعَالَمِينَ 

١٤٣٣ی کۆچی به‌رامبه‌ر ٢٦/٦/٢٠١٢

 1178

  • زۆرترین بینراو
  • نوێترین بابەت
Top
Facebook YouTube Twitter Instagram