سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ڕونكردنەوەیەك لەسەر گۆڕەكانی پێغەمبەر!
گۆڕینی فۆنت



ڕونكردنەوەیەك لەسەر گۆڕەكانی پێغەمبەر!


جهاد خاوەری


..............................................
ئەوەی لێرەو لەوێ‌ دەیبینین كۆمەڵێ خەڵك وەكو چۆن لوقمەقازی دەبەخشێتەوە، وەها گۆرێك بڵاو دەكاتەوە و دەنوسێ: ئەمە گۆڕی پێغەمبەری ئیسلامە و ئەوەی موسڵمانە و بە كوێرایی چاوی دوژمنان سەڵاواتێك بنێرە، یان چەند لایك بۆ گۆڕی پێغەمبەر، یان لایكبارانی گۆری پێغەمبەر بكەن، ئەمانە و سەدان ناونیشان كە لێرە و لەوێ‌ بینیومانە و هەر دوبارەش دەبێتەوە.. منیش چەند ساڵێ لەمەوبەر سێرچێكم كرد بۆ ئەو گۆڕانە چونكە ڕاستی من لەگەڵ كۆمەڵێ برادەردا ئەتڵەسێكی ژیانی پێغەمبەرمان كرد بەڵام هیچ گۆرێكی پێغەمبەرمان دەست نەكەوت و پێشیان وتین كەس تا ئێستا وێنەی نەگرتووە هەربۆیە ئەمە ببویە ئەوەی كە بگەرێم كە سەرچاوەی ئەم گۆڕانە چیە؟! 
پاش سەروژێركردنی چەند سایت و بابەتێك لە كۆتایدا گەیشتمە ئەوەی كە ئەو گۆڕانە خۆیان لە گۆڕی سێ كەسدا دەبیننەوە كە بە هیچ جۆرێ ناكەونە شاری مەككەشەوە و گۆڕی پێغەمبەر محمد صلی الله علیه واله وسلم نین 
بەڵام دڵنیاتان دەكەمەوە وێنەكان زۆر جار دەستكاری كراون و رەشوسپی و تۆخ و كاڵ كراونەتەوە كە لە ئەساسدا هەر ئەو سیانەن كە ئێستا لێرەدا رونیان دەكەمەوە:

گۆڕی یەكەم: 
گۆڕی پێغەمبەر ئەیوبە لە شانشینی عوممان
كە ئەمە وێنەكەیەتی: 




گۆڕی دووەم: 
گۆڕی مەولانا جەلالەدینی رۆمیە كە خاوەنی مەسنەوی و فیهی مافیهیە و گۆڕەكەی لە ناوچەی قونیەی توركیایە. 
ئەمەش وێنەی گۆرەكەیەتی



گۆڕی سێهەم: 
گۆڕی عوسمان ئورتغرولی دامەزرێنەری دەوڵەتی عوسمانیە كەلەساڵی 1299ز توانی دەوڵەتی عوسمانی دابمەزرێنێ و ئێستاش گۆڕەكەی لە شاری ئیستەنبوڵی توركیایە
ئەمەش وێنەی گۆرەكەیەتی 



لە كۆتایدا هیوام وایە گەڕانەكەم بێ هودە نەبوبێت و باشتر وایە لەمەولا بە سوننەت زیندوكردنەوەى پێغەمبەر سەلاوات كۆ بكەینەوە نەك بە وێنە و شتی چەواشەكارانە، چونكە لەم ماوە چومە تەوێڵە و سەردانێكی مەرقەدی خانەقای تەوێڵەم كرد بینیم لە دوو شوێن وێنەی قەبری سوڵتان عوسمانی كوری ئورتغرولیان داناوە و نوسیویانە قبری پێغەمبەر 





بەو هیوایەم پێداچونەوەیەك بەخۆماندا بكەین و بە شێوازێكی زانستی  و به بەدواداچون بگەینە ئەنجامی بیركردنەوەكانمان نەك بە قسەی ئەم و ئەو .
اللهم صل علی محمد وعلی اله وسلم   

 

  • زۆرترین بینراو
  • نوێترین بابەت
Top
Facebook YouTube Twitter Instagram Google Plus