سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  چه‌ژن ئه‌وڕۆژه‌یه‌ که‌ سه‌رپێچی په‌روه‌ردگاری تێدا نه‌کرێت.!
گۆڕینی فۆنت



دانراوه له‌لایه‌ن: عه‌لی هه‌ولێری فێرگه‌


چه‌ژن ئه‌وڕۆژه‌یه‌ که‌ سه‌رپێچی په‌روه‌ردگاری تێدا نه‌کرێت.!


الحمد لله وحدة، و الصلاة والسلام على من لا نبي بعده...و بعد: 

موسوڵمانانى سه‌نگین ؛ وه‌ک ڕوون و ئاشکرایه‌ ئێمه‌ی موسڵمان خاوه‌نی دوو جه‌ژنین پێویستە شانازى بەم دوو جەژنەوە بكەین،ئه‌ویش (جەژنى ڕەمەزان و جەژنى قوربان)ە كە دوو چه‌ژنی خێرو خۆشین لەپەرستن و شوكرانە كردنى نیعمەتەكانى پەروەردگار و ماڵى ڕازاوەى گەردن ئازایى و لێبوردن و سەردان و ئاشت بوونەوە، وه‌ک له‌- صحیح الالبانی في سنن ابی داود ژماره‌ 1134- دا هاتوه‌ ‌ (ئه‌نه‌سی کوڕی مالیك ) ره‌زای خودای لێبێت دەیگێڕێتەوە و دەڵێت: كە پێغەمبەری خودا (صلى الله عليه وسلم) هات بۆ مەدینە خەڵكی مەدینە دوو ڕۆژیان هەبوو تێیدا ئاهەنگیان دەگێڕا و یاریان دەكرد، پێغەمبەری خودا لێی پرسین ئەم دوو ڕۆژە چین ؟ وتیان: لە سەردەمی نەفامیدا لەم دوو ڕۆژەدا ئاهەنگمان دەگێڕاو یاریمان دەكرد. پێغەمبەری خودایش ئەم دوو جەژنە تایبەتەی ئەوانی قەدەغەكردوو فەرمووی: خودای پەروەردگار ئەم دوو ڕۆژەی بۆتان گۆڕی بە دوو ڕۆژی لەوان باشتر كە هەردوو ڕۆژی جەژنی قوربان و ڕەمەزانە،وه‌ک لاتان ئاشکرایه‌ له‌چه‌ند رۆژێکی تر به‌یه‌کێک له‌م چه‌ژنانه‌ ئه‌گه‌ین ئه‌ویش چه‌ژنی ڕه‌مه‌زانی پیرۆزه‌ که‌له‌کۆتای ئه‌م مانگه‌ دێت به‌ڵام ئه‌بێ زۆر چاك بزانین ئه‌م جه‌ژنه‌ بریتى نیە لە ماڵئاوایى كردن لە مانگى ڕەمەزانى پیرۆز یان واز هێنان له‌ عیباده‌ت و تەواو بونى خودا پەرستى؟! یان گه‌ڕانه‌وه‌ بۆ سه‌ر گوناهو هه‌ڵه‌و تاوان و حه‌رام و تێکه‌ڵ بوونی پیاو ئافره‌ت و ته‌وقه‌کردن و ره‌شبه‌ڵه‌ك هه‌ڵپه‌رین، وەك هەندێ بێ ئاگاو ناحاڵی و خواروخێچ له‌م سەردەمە وائه‌زانن که‌ چه‌ژن هات حه‌رام حه‌لاڵ ئه‌بێت هه‌رچی بیکه‌ن ڕه‌وایه‌ یه‌کسه‌ر باوەشیان بۆ تاوان كردن ئەكەنەوە لەوان وابێ جەژنی دەستپێكردنى هه‌ڵه‌و تاوانە ،یان هه‌ندێک له‌خوشکان زۆر به‌داخه‌وه‌ هه‌ر له‌گه‌ڵ خۆر هه‌ڵ هاتنی یه‌که‌م ڕۆژی چه‌ژن له‌جکه‌کانیان فڕێ ئه‌ده‌ن و هه‌رچی جلی بێشه‌رعیه‌ ئه‌ی پۆشن و ئه‌گه‌رێنه‌وه‌ سه‌ر سه‌رپێچی و رێچکه‌ی شه‌یتان، به‌ڕاستی ئەوە وائەكات خه‌مێکی زۆر هه‌گرین و دڵەكانمان خوێنى لێ داچۆڕێ و فرمێسك لەچاوەكانمان دابارێ له‌دوای ئه‌م هه‌موو ڕۆژوو گرتن و عیباده‌تانه‌ لەگەڵ یەكەم ڕۆژى جەژندابه‌که‌ویته‌وه‌ سه‌رپێچی خودای په‌روه‌ردگار و ئاسەوارى پەرەستن وعیباده‌ت لە زۆربەى ماڵى موسوڵمانان بەدى نه‌کرێته‌وه‌؟! بگره‌ هه‌ندێک واز له‌نوێژه‌کانیشیان دێنن خودا بمان پارێزێت هەندێك لەزانایان سەبارەت بە هەڵە و سه‌رپێچیانه‌ ی خه‌ڵکی له‌ جەژن فەرموویانە (ئەگەر ئەو خەڵكە پێشوەخت خوددای پەروەردگار پێی ڕاگەیاندوون كە ڕۆژوو و تەراویحی لێ‌ وەرگرتوون ئەوا دەبوایە لەڕۆژانی جەژن دا سەرقاڵی شوكرانە بژێری بن كە خودای پەروەردگار پەرستشەكانی لێ‌ وەرگرتوون. وە ئەگەر لەوە دەترسن كە پەرستشەكانیان لێ‌ وەرنەگیرا بێ‌ ئەوا دەبێت زیاتر و زیاترسەرقاڵی پاڕانەوە بن بۆ وەرگیرانی پەرەستشەكانیان)بۆیه‌ پیاو چاكانى پێشین (سلف) داوایان لەخودای گەورە كردووە بۆ ئەوەی بیان گەێنێت بەمانگی ڕەمەزان، شەش مانگیش لە دوای ڕەمەزان داوایان لەخودای گەورە كردووە ڕۆژوو عیبادەتی مانگی ڕەمەزانیان لێ قبوڵ بكات،سه‌یر که‌ن که‌چاکترین بارو دۆخیان هه‌بوو له‌رووی ئیمانه‌وه‌ ئه‌مچا خه‌می ئه‌وه‌یان بوو که‌ عیباده‌ته‌کانیان قبوڵ نه‌بووبێت ،ئێمه‌ش هه‌ندێکمان ئه‌لێی قومبه‌له‌ی ته‌وقیته‌ هه‌ر خودا خودا یه‌تی ره‌مه‌زان ته‌واو بێت و بته‌قێته‌وه‌ بۆتاوان و گوناح یان وائه‌زانێ کۆڵێکی زۆر قورسه‌ به‌سه‌ریه‌وه ‌بێ ئه‌وه‌ی بیر بکاته‌وه‌ پێی ئه‌گاته‌ ساڵێکی تر ؟؟ ،بۆیه‌ موسڵمانانی سه‌نگین خوشک وبرا عه‌زیزه‌کانم توخودا ئه‌م کاره‌ له‌ مرۆڤی عاقڵ و ژیر ئه‌وه‌ شێته‌وه‌ له‌دوای ئه‌وه‌ی ڕێگای هیدایه‌ت و ڕووناکیت گرتووه‌ بگه‌رێیته‌وه‌ سه‌ر جه‌هل و نه‌زانی و. تاریکی هه‌لبژێریه‌وه‌ هه‌ر خۆت له‌خۆت بپرسه‌ بزانه‌ چه‌ند کردوه‌یه‌کی خراپ و نابه‌جێیه‌ ، یەكێك لە پیاو چاكان لە ڕۆژی جەژندا بەلای كۆمەڵە خەڵكێكدا تێپەڕی بینی سەرقاڵی خۆشی و به‌زموو هه‌راو چەنەبازین ئەویش پێی وتن ئەگەر ئێوە لە ڕەمەزاندا چاكەتان كردبێت ئەوا بەم شێوەیە شوكرانە بژێری و سوپاسی ئەو چاكەیە ناكرێت كە پەروەردگار لەگەڵتانا كردویەتی، وەئەگەر لەڕەمەزاندا خراپەتان كردبێت ئەوا ئەم شێوە كردەوانە ڕەفتاری كەسێك نیە كە خراپەی بەرامبەر بە پەروەردگار كردبێت، بۆ هه‌روه‌ک هه‌ندێک خه‌ڵکی دڵ نه‌خۆش ئه‌بینین له‌جیاتی دڵخۆش بن له‌جه‌ژن به‌وه‌ی که‌ خودای په‌ روه‌ردگار یارمه‌تی داون بۆ گرتنی ڕۆژووی ئه‌م مانگه‌ و وائه‌نجامی بده‌ن که‌خودا پێی خۆشه‌ گه‌رچی ئه‌وه‌ ئه‌نجام ئه‌ده‌ن که‌ خودا پێی ناخۆشه‌ خوداپه‌نامان بدات ، له‌وانه‌یه‌ هه‌ندێک بڵێن ده‌هێنده‌ له‌سه‌رمان قورس مه‌که‌ن جه‌ژن ڕۆژی خۆشی ده‌ربڕینه‌ !! موسڵمانانی خۆشه‌ویست و سه‌نگین لاری نیه‌ به‌ڵێ جەژن خۆشی و شادى و سەردان و خۆشى كردن و فەرامۆش كردنى خەم و پەژارەكانە ئێمه‌ ناڵێین که‌یف خۆش مه‌به‌ ناڵێین بیکه‌ به‌ ته‌عزیه‌ وجل وبه‌رگی جوان له‌به‌ر مه‌که و شادی مه‌که‌؟!‌ بەڵام لەگەڵ ئەمەشدا نابێت بکه‌وینه‌ سه‌رپێچی وهه‌ڵه‌و‌ تاوانه‌وه‌ بێگومان تۆى باوك یان دایك یان برا یان خوشك خۆت ئامادەكردووە بۆ جەژن بەجل وبەرگى جوان یان بە ئامادەكردنى خوانى ڕازاوە لەگەڵ ئەمەشدا خۆت ئامادە بكە بۆ ڕەزامەندى خوداى پەروەردگار دڵسۆزانە سەردانى دراوسێ و خزم و هاوڕێكانت بكە، دڵسۆزانە ئەو كەسانەى لێت زویر بوون ئاشتیان بكەرەوە باشنەباى سۆزى جەژن دڵەكانتان ڕاماڵێت لە ژەنگى ڕق و كینە و زویر بوون بالێوەكانتان خەندەى لێ ببارێ بەسەر هەژاران و هەتیوان دا مەرج نى یە چاكە تەنها پارە بەخشین بێت بەڵكو ووتەیەكى شرین چاكە (صدقة‌) یە،چونکه‌ ئه‌م ئاینه‌ پیرۆزە ی ئێمه‌ ئاینی ره‌حم و شه‌فه‌قه‌ت و خۆشه‌ویستیه‌ ته‌نها ئەگەر نیەتمان بۆ خودا بێت ئەوە كردەوەكانى دونیاشمان بە چاكە بۆ دەژمێردرێت، وەكو پێغەمبەرى خودا (صلى الله علیه وسلم) دەفەرموێت: (حتى اللقمة تضعها فيّ امرأتك) واتە: تەنانەت ئەو پاروەى كە دەیكەیتە دەمى هاوسەرەكەتەوە بە چاكە دەنوسرێ،بۆیه‌ به‌رده‌وام ته‌نها نیه‌تمان بۆخودا بێت باله‌م رۆژه‌ له‌ناخت دوعاو نزات بۆ سەرفرازى موسڵمانانى جیهان بێت . ئەوانەى كەوا بەدەست هەژارى یەوە دەناڵێنن ئه‌وانه‌ی که‌وا به‌ده‌ست زوڵم و ستەم ده‌ناڵێنن و ئه‌کوژرێن و سه‌رئه‌بڕێن له‌به‌ر چاوی جیهانه‌وه وه‌ك بورماو سوریا وهتد ..‌ ته‌نها له‌به‌ر ئه‌وه‌ی موسلمانن ،ئه‌مجا موسڵمانانی سه‌نگین عه‌زیزانم دایکان باوکانی سه‌نگین، برایان و خوشکانم به‌نده‌ وه‌ک کورێکی بچوک و برایه‌کی بچوکتان وه‌ک بیرهێنانه‌وه‌و ئامۆژگاریه‌ك، (حه‌سه‌نی به‌صری ) فه‌رموویه‌تی (هه‌ر رۆژێک که‌ سه‌رپێچی په‌روه‌ردگاری تێدا نه‌کرێت ئه‌وه‌یه‌ جه‌ژن ،وه‌هه‌ر رۆژێك که‌ باوه‌ڕدار به‌سه‌ری ببات له‌گوێڕایه‌ڵی و یاد وشه‌کرانه‌ بژێری په‌روه‌ردگار ئه‌وه‌ جه‌ژنه‌ ، ئه‌لێم دایک و باوکان ئامۆژگاری مناڵه‌کانتان بکه‌ن نوێژ بکه‌ن و نوێژه‌کانیان نه‌فه‌وتێنن به‌هۆی سه‌ر‌قالیتانه‌وه‌ رۆژانه‌ واتان لێبێت ئاگاتان له‌ منداڵه‌کانتان نه‌مێنێ به‌رده‌وام ئامۆژگاریان بکه‌ن بۆشتی چاك مه‌هێلن بکه‌ونه‌ هه‌ڵه‌و تاوانه‌وه‌ چونکه‌ ئه‌وه‌بزانن که‌ گوناهی ئه‌وانیش ئه‌که‌وێته‌ ئه‌ستۆی ئێوه‌ جا مرۆڤ خۆی زۆر که‌م تاوان نیه‌ ئه‌مچا ئیتریشی بێته‌ سه‌ر سه‌یر که‌ دایك و باوکی به‌رێز پێغه‌مبه‌ری خودا( صلی الله‌ علیه‌ وسلم) ئه‌فه‌رمووێ (کل مولود یولد علی الفطره‌ فابواه‌ یهودانه‌ او ینصرانه‌ او یمجسانه‌)رواه‌ مسلم ،واته‌؛ هه‌موومناڵێك له‌دایک ئه‌بێت ،له‌سه‌ر پاکی و خواناسیه‌ ،به‌لام دایك وباوك ئه‌یکه‌ن به‌ گاور یان خاج په‌رست یان به‌ئاگر په‌رست .بۆیه‌ پێویسته‌ و له‌سه‌ر ئێوه‌ ئه‌رکی سه‌رشانتانه‌ که‌ ڕایان بێنن له‌سه‌ر ئیمان و ئاداب و خوڕه‌و‌شتی جوانی ئیسلام بیان نێرن بۆ مزگه‌وت وه‌ك چۆن بۆیان ئه‌بن به‌خاك و خۆڵ هه‌موو شتێک ئه‌که‌ن له‌پێناویان تا پێ ئه‌گه‌م ده‌ ئاوا بۆشیان ببن به‌ هۆکاریك بۆ به‌هه‌شت ، پیاوێکی مه‌سیحی خه‌ڵکی سووریا کورێکی هه‌بوو ته‌مه‌ن 15سالان ڕۆژانه‌ ئه‌ڕۆشت بۆ مزگه‌وت که‌ منالانی موسڵمانی ئه‌بینی له‌حه‌له‌قه‌ی ده‌رسه‌وه‌ له‌گه‌ڵیان دائه‌نیشت گوێی بۆ ئه‌گرتن ڕۆژیکیان باوکه‌که‌ی پێی زانی و لێی توره‌ بوو ووتی ئێره‌ بۆئیمه‌ ناشێت که‌نیسه شوێنی دین داری ئێمه‌یه‌ ‌ دیاره‌ ئه‌م مناڵه‌ زۆر له‌ژێر ووته‌ی دایك و باوکی نه‌بوو سه‌ره‌ ڕۆبوو ئه‌ڵێ جنێو ئه‌دا به‌ باوکی و ئه‌ڵێ من ئه‌رۆم بۆ مزگه‌وت دیاره‌ ماوه‌یه‌ك له‌حه‌له‌قه‌ی ده‌رس به‌ژدار ئه‌بێت هه‌ڵوێستی زۆر چاك و جوان ئه‌بێت له‌گه‌ڵ دایك و باوکی ڕۆژێك ئه‌بینن باوکه‌که‌شی دێته‌ مزگه‌وت بۆ ئه‌وه‌ی بزانی چۆن ئاوا ڕۆله‌که‌ی په‌روه‌رده‌ بووه‌وخور‌ه‌و‌شتی جوان بووه‌ که‌ ئه‌چێته‌ حه‌له‌قه‌ی ده‌رس و مناڵه‌که‌ی ئه‌لێ بابه‌ گیان چی ئه‌که‌ی لێره‌ زۆر سه‌رسام ئه‌بێت به‌ ووشه‌ی بابه‌ گیان که‌ له‌کوڕه‌که‌ی نه‌یبیستووه‌ ده‌ست ئه‌کات به‌گریان ئه‌لێ من مناڵی خۆم بوو نه‌م توانی وا په‌روره‌رده‌ی بکه‌م ته‌نانه‌ت به‌باو‌که‌ش بانگم بکات ؟؟ ئێوه‌ چۆن توانیتان ئاوا بیگۆڕن له‌م ماوه‌کورته‌دا به‌ڕاستی ئه‌لێ ئه‌م ئیسلامه‌ ڕوونکای و سه‌رفرازیه‌ بۆمرۆڤه‌کان هه‌رله‌وێ راسته‌وخۆ موسلمانێتی خۆی رائه‌گه‌ینی ،به‌لێ مناڵه‌کانتان ڕابێنن ئه‌هلی مزگه‌وت بن ته‌نها به‌ڕاهێنانیان له‌سه‌ر ئیسلام فێری خوره‌وشتی جوان و ڕه‌سه‌ن ئه‌بن ، هه‌روه‌ها له‌ ڕۆژانی جه‌ژن ئه‌ونده زیاده‌ ڕه‌وی مه‌که‌ن له‌ کڕینی پۆشاك و پێلاو بۆمنالان یان خواردن ‌ ئه‌وه‌بزانن که‌خودای گه‌وره‌ ئه‌فه‌رمووێ ( وَلَا تُسْرِفُوا ۚ إِنَّهُ لَا يُحِبُّ الْمُسْرِفِينَ) (الانعام:141) واته‌؛ و زیاده‌ڕه‌وی مه‌که‌ن، چونکه‌ خودا له‌ سنوور ده‌رچوان و زیاده‌ڕه‌وانی خۆش ناوێت.‌ پاره‌و پولیان پێمه‌ده‌ن بێ لێپرسینه‌وه‌،ئه‌ونده‌یان پاره‌ پێبده‌ن سنووری خۆی هه‌بێت له‌گه‌ڵ ته‌مه‌ن و هاورێکانی بگونجێ، ئه‌وه‌ بزانه‌ که‌ چه‌ندین هه‌ژارو لێقه‌وماو هه‌ن ته‌نانه‌ت نانی چه‌ژنیان نیه‌ بیخۆن نه‌ک جلو به‌رگ بکڕن بۆخۆیان و مناڵیان ،من ئه‌وه‌ به‌سه‌ر خۆم هاتوه‌ که‌ له‌خێزانێکی هه‌ژار په‌روه‌رده‌ بوومه‌ بیرم دێت مناڵ بووین سوێند به‌خودا به‌سێ چه‌ژن جارێک نه‌مان بوو قه‌ده‌جلێک بکڕین، ئه‌مچا که‌‌ پاره‌ی زۆر که‌ ئه‌درێته‌ مناڵان به‌ناوی چه‌ژنانه‌وه‌ واچاکه‌ لێیان بپرسرێته‌وه‌ له‌چی خه‌رجیان کردوه‌ چونکه‌ زۆر منالان هه‌ن ئه‌چن خه‌رجی ئه‌که‌ن له‌ شتی خراپ وه‌ک قومارو کاری ناره‌واو حه‌رام وه‌ك یانه‌سیب و بلیاردو سینه‌ماو . دور نیه‌ به‌هۆی براده‌ری خراپه‌وه‌ فێری جگه‌روه‌ مه‌شروب وموخه‌ده‌رات خورادن ببێت،بۆیه‌ ئه‌بیته‌ هۆی به‌هیلاك چونت وله‌ده‌ستت ده‌ر ئه‌چێ و بۆت پۆڵێن ناکرێته‌وه‌ ،وه‌ك کورده‌واری ئه‌لێت پێش سه‌رمات بێت پاڵتۆ بده‌به‌خۆتا بۆیه‌ پێویسته‌ زۆر ووریابن هه‌روه‌ك ووتمان مناڵی هه‌ژاران له‌م ڕۆژه‌ تێر به‌ گیانیان نان ناخۆن تۆش بچی ئه‌م هه‌موو پاره‌ بده‌یته‌ ده‌ست مناڵه‌کانت ، وه‌هه‌روه‌ها ئێوه‌ش خوشك و برایانی سه‌نگینم ئێوه‌ش که‌له‌م مانگه‌ پیرۆزه‌ ته‌وبه‌تان کردوه‌ ڕووله‌خودا بوونه‌ به‌عیباده‌ت و ڕۆژووگرتن له‌یه‌که‌م رۆژی جه‌ژن مه‌گه‌رێنه‌وه‌ سه‌ر سه‌رپێچی و گوناهو تاوان خودای گەورە و کاربه‌جێ ووریای كردووینەتەوە و دەفەرموێت: (يَا أَيُّهَا الَّذِينَ آمَنُوا لا تَتَّبِعُوا خُطُوَاتِ الشَّيْطَانِ وَمَنْ يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنْكَرِ). (النور: ٢١). واتە: ئەی ئەوانە وا باوەڕتان هێناوە، بەدوای نەخشە‌ و هەنگاوەكانی شەیتاندا مەڕۆن، چونكە شەیتان هەمیشە فەرمان دەكات بە كاری زۆر خراپ ، خوشك و برای شیرینم که‌ نوێژت ئه‌کرد له‌م مانگه‌ چۆن ئێستا وازی لێدێنی ئه‌زانی ئه‌چیته‌ رێزی کێ به‌نوێژ نه‌کردنت ئه‌وانه‌ی به‌ره‌و دۆزه‌خ راپێچ ئه‌کرێن هه‌روه‌ك خودای پەروەردگار ئەفەرموێت: ( مَا سَلَكَكُمْ فِي سَقَرَ * قَالُوا لَمْ نَكُ مِنَ الْمُصَلِّينَ) (المدثر 42 ـ 43)واتە: وە پێیان ئەڵێن ئەوە چی بوو ئێوەی بەرەو دۆزەخ ڕاپێچ كرد وا ئێستا ئەو سزا سەختە ئەچێژن، ئەوانیش لەوەڵامدا ئەڵێن: ئێمە لەنوێژگەران نەبوین بۆ پەروەرگامان) یان وازهێنان لە نوێژ كردن و نه‌کردنی له‌کاتی خۆی به‌هۆی سه‌رقاڵی جەژن و میوان و سەردان كردنی خزم و كەس و كار بەتایبەتی وازهێنان لە نوێژی جەماعەت بزانه‌ که‌خودای په‌روه‌ردگاردەفەموێت: (فَوَيْلٌ لِّلْمُصَلِّينَ* الَّذِينَ هُمْ عَن صَلَاتِهِمْ سَاهُونَ ) (الماعون4-5) 
واتە: ئینجا سزای سەخت بۆ نوێژ خوێنەكان ئەوانەی لە نوێژەكانیان غافڵ و بێ‌ ئاگان و لەكاتی خۆیدا نایكەن، براکه‌م شیرینه‌که‌م بۆ له‌شت سووك بوو بۆ نوێژوو ڕۆژوه‌کانت له‌م مانگه‌ بۆ ئێستا ئه‌گه‌رێیته‌وه‌ سه‌ر گومڕای له‌قیامه‌تی خۆت بترسه‌ به‌ره‌دوام به له‌سه‌ر نوێژه‌کانت عه‌زیزم ، ده‌چاوه‌که‌م له‌یه‌که‌م ڕۆژی چه‌ژنیش ئاماده‌ی نوێژی چه‌ژن و چه‌ژنه‌ پیرۆزانه‌ ببه‌ لەكاتێكدا واجبە، هەروەك ئیمامی (الشوكانی) (ڕەحمەتی خوای لێ‌ بێت) دەفەرمووێت: نوێژی جەژن واجبە چونكە پێغەمبەری خودا (صلى الله عليه وسلم) بەردەوام ئەم نوێژەی كردووە لەجەژنەكاندا، وە وازی لێ‌ نەهێناوە لە هیچ جه‌ژنێك ، وەفەرمانی بەخەڵكی كردووە بەگشتی كەدەرچن بۆ نوێژ كردن تەنانەت ئافرەتانیش. وه‌هه‌روه‌ها براشیرینه‌که‌م له‌م ڕۆژه‌ مه‌چۆ ریشی لێبتاشی به‌ بیانۆی جه‌ژنه‌ و سه‌ری لێ حه‌فر بکه‌ی که‌ ئه‌مه‌ لاسایی جوله‌که‌و خاچ په‌رستانه‌ لەكاتێكدا زانایان فەرمویانە ڕیش تاشین لە تاوانە گەورەكانەو لاسایی كردنەوەیە بۆ بێباوەڕان، كارێكیش گەورە تاوان بێت ئیتر چ جوانیەكی هەیە ؟! پێغەمبەری خودایش( صلى الله عليه وسلم) فەرموویەتی(خالفوا المشرکین احفوا الشوارب واوفو اللحی )متفق علیه‌ واته‌؛ پێچەوانەی هاوەڵ بڕیاردەران ببنەوە و شواربتان سوك بكەنەوە و ڕیشیشتان بهێڵنەوە.وه‌هه‌وره‌ها براکه‌م خۆت بپارێزه‌ له‌م رۆژانه‌ له‌ئاست ئافره‌تی نامه‌حره‌م خودای په‌وره‌ردگار ئەفەرموێ‌: (قُل لِّلْمُؤْمِنِينَ يَغُضُّوا مِنْ أَبْصَارِهِمْ ) واتە: بە پیاوانی باوەڕدار بڵێ‌: چاو دابخەن لە ئاست تەماشاكردنی ژنانی نامەحرەم. نه‌زه‌ر كردن پێغەمبەری خودا( صلی الله‌ علیه‌ وسلم ) ئه‌فه‌رموێ : (الْعَيْنَانِ تَزْنِيَانِ)واتە: هەردوو چاو زینادەكەن، زینا كردنی چاوەكانیش بریتیە لە تەماشاكردنی نامەحرەم.(ابن القیم) ئه‌فه‌رموێ 
كل الحوادث مبداهـا من النظر و معظم النار من مستصغر الشرر 
كم نظرة فتكت في قلب صاحبها فتك السهـام بلا قـوس ولا وتر 
واتە: هەموو تاوانەكان سەرچاوەیان لە سەیركردن و ڕوانینى حەرامەوەیە، ئاگرە گەورە و بڵێسە دارەكانیش بە هەمان شێوە لە ترووسكە بچووكەكانەوە درووست دەبن، چەندەها بینین هەبوو كاریگەریان لە سەر دڵى خاوەنەكانیان وەك كاریگەرى تیر وابوو، كەچى كەوانیشى تێدا بەكار نەهێنراوە. 
هەروەها وە هەندێك لە هاوڕێكانی (سفیان الثوري) یش فەرمویانە: ڕۆژی جەژن لەگەڵ سوفیان دەرچووین پێی وتین: یەكەم شتێك لەم ڕۆژەماندا لەسەرمانە ئەنجامی بدەین چاو داگرتنە لەئاست نامەحرەمدا. جونکه‌ له‌م رۆژه‌دا خه‌ڵك کۆ ئه‌بێته‌وه‌ و میوانداری و سه‌ردانی یه‌کتر کردن به‌راستی ئه‌بێ خۆتان بپارێزن به‌تایبه‌تی له‌ته‌وقه‌کردن له‌گه‌ل ئافره‌تی نامه‌حره‌مدا تەوقە كردن بەمەبەستی جەژنە پیرۆزە و بەبیانوی هه‌ندێ قسه‌ی بێ ما ناو پڕوپوچ وه‌ك دڵپاكی و خزمایەتی و دڵیان له‌یه‌ك پیس نیه‌ ، پێغەمبەری خودا( صلى الله عليه وسلم) فەرموویەتی:پێغەمبەر (صلى الله عليه وسلم) دەفەرموێت: (إِنِّي لَا أُصَافِحُ النِّسَاءَ). رواه الإمام أحمد. وهو في صحيح الجامع. واتە: من تەوقە لەگەڵ ئافرەتدا ناكەم ،یان دەفەرموێت:( إني لا أمس أيدي النساء) رواه الطبراني في الكبير وهو في صحيح الجامع. واتە: من دەست لە دەستی ئافرەت نادەم، ‌هه‌روه‌ها پێغەمبەر (صلى الله عليه وسلم) دەفەرموێت:( لأَنْ يُطْعَنَ في رَأْسِ أَحَدِكُمْ بِمِخْيَطٍ من حَدِيدٍ خَيْرٌ له من أَنْ يَمَسَّ امْرَأَةً لا تَحِلُّ له) رواه الطبراني. وهو في صحيح الجامع. واتە: هەریەك لە ئێوە ئەگەر نەقیزەیەكی ئاسن دابكوترێت‌ بەسەریدا، زۆر باشترە بۆی لەوەی دەستی بەر ئافرەتێك بكەوێت كە بۆی حەڵاڵ نەبێت. گومانیشی تێدا نییە تەوقەكردن لەگەڵ ئافرەتی نامەحرەمدا زینای دەستە، هەروەكوو پێغەمبەر (صلى الله عليه وسلم) دەفەرموێت: ( الْعَيْنَانِ تَزْنِيَانِ، وَالْيَدَانِ تَزْنِيَانِ، وَالرِّجْلاَنِ تَزْنِيَانِ، وَالْفَرْجُ يَزْنِي) رواه الإمام أحمد وهو في) صحيح الجامع. واتە: هەردوو چاو زینادەكەن كە تێڕوانینی حەرامە، دەستەكانیش زینا دەكەن كە دەستبردن ‌و تەوقەكردنە، قاچەكانیش زینا دەكەن كە هەنگاونانە بۆی و عەورەتیش زینا دەكات. عه‌زیزم، هیچ دڵێك هەیە و هه‌بووه ‌لە دڵی پێغەمبەر (صلى الله عليه وسلم) پاكتر و پیرۆزتر؟! بێ گومان نه‌خێر. که‌وابوو به‌هیچ بیانۆیه‌ک نه‌ دڵپاکی و نه به‌‌خزمایه‌تی، ته‌وقه‌ کردن له‌گه‌ڵ ئافره‌تی نامه‌حره‌مدا ناشەرعییە ‌و حەرام ‌و سەرپێچییە، باپێشت بلێن دڵپیس که‌سانی دڵ نه‌خۆش و لۆمه‌کار. تۆ ئیمانه‌که‌ت سه‌لامه‌ت بێت چاکتره‌ براکه‌م، وه‌هه‌روه‌ها تۆش خوشکی به‌رێزو به‌حه‌شمه‌ت وسه‌نگینم تۆ پێویسته‌ زیاتر ووریا بیت له‌م ڕۆژه‌ نه‌که‌ی بڵێی باله‌جك و باره‌فته‌که‌م فرێده‌م ڕه‌مه‌زان ته‌واو یان ده‌ی بۆ چه‌ند ڕۆژی چه‌ژن ئه‌مه‌ به‌ڕاستی بێشه‌رعی و سه‌رپێچیه‌ چونکه‌ به‌هۆی ئه‌وه‌ که‌سانی تریش ڕائه‌کێشیه‌ گوناهو تاوانه‌وه‌ و به‌هۆی تۆوه‌ ئیساره‌ ئه‌بن یان که‌سانی دڵ و ده‌رون پیس و نه‌خۆش حه‌زوو ئاره‌زوو گڵاوه‌کانیان تێر بکه‌ن به‌ سه‌یر کردنت به‌ پۆشینی پۆشاکی ناشه‌رعی و نیوه‌ ڕووت و بۆن و عترو گوڵاو له‌خۆدانت، ئه‌وه‌ش بزانه‌ گوناهی ئه‌وانیش ئه‌که‌وێته‌ ئه‌ستۆی تۆ که‌سه‌یرت ئه‌که‌ن وه‌ک تاوانی داوێن پیسی وایه‌ پێغه‌مبه‌ری خودا (صلى الله عليه وسلم) ئه‌فه‌رموێ( اذااستعطرت المرآة فمرت علی القوم لیجدوا ریحها فهي زانیه‌) صحیح الجامع الصغیر واته‌؛ ئه‌گه‌ر ئافره‌ت خۆی بۆن خۆش بکات و به‌لای کۆمه‌ڵه‌ خه‌ڵکێکدا تێپه‌ر ببێت وه‌ك تاوانی دواێن پیسی وایه‌ ،خوشکی به‌رێزم تۆ که‌له‌م مانگه‌ ته‌وبه‌ت کردووه‌ وامه‌که‌ له‌گه‌ڵ به‌ربوونی شه‌یتانه‌کان راتکێشنه‌وه‌ به‌ره‌و بێشه‌رعی وگوناهو تاوان ئاخیر تۆ له‌خۆت پرسیوه‌ به‌فرێدانی له‌جکه‌که‌ت سه‌رپێچی خودای گه‌وره‌ ئه‌که‌ی ؟! خودای گه‌وره‌ ئه‌فه‌رموێ( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ) (النور :31) واته‌ ئه‌ی پێغه‌مبه‌ر (صلى الله عليه وسلم) به‌ ئافره‌تانی ئیمانداریش بڵێ: چاویان بپارێزن (له‌ ته‌ماشای نامه‌حره‌م) داوێنی خۆیان بپارێزن له‌ گوناهو جوانی خۆیان ده‌رنه‌خه‌ن جگه‌ له‌وه‌ی که‌ دیاره‌ (وه‌ك ده‌م و چاوو ده‌ست) با سه‌رپۆشه‌کانیان بده‌ن به‌سه‌ر سینه‌و ملیانداو جوانی و زینه‌تی خۆیان ده‌رنه‌خه‌ن به‌ ته‌واوی بۆ هاوسه‌ره‌کانیان نه‌بێت، یان باوکی خۆیان، یان باوکی مێرده‌کانیان، یان کوڕی خۆیان، یان کوڕی مێرده‌کانیان، یان بۆ براکانی خۆیان، یان برازاکانیان، یان خوشکه‌زاکانیان، یان ئافره‌تێك که‌ په‌یوه‌ندیان هه‌یه‌ پێکه‌وه‌، یان ئه‌وانه‌ش که‌ که‌نیزه‌کانیان (که‌ له‌ بارودۆخی تایبه‌تدا هه‌بوون) یان ئه‌وانه‌ی که‌ له‌ ماڵه‌کانتاندا ده‌ژین و پێویستیان به‌ ئافره‌ت نی یه‌ (له‌ به‌ر پیری، یان نه‌خۆشی...هتد) یاخود ئه‌و منداڵانه‌ی که‌ هێشتا شاره‌زاییان له‌ ئافره‌تان نیه‌و (ئاره‌زووی جنسیان بۆ دروست نه‌بووه‌و نازانن باسی عه‌ورات بکه‌ن) نابێت ئافره‌تانی ئیماندار قاچیان ده‌ربخه‌ن و پێیان بده‌ن به‌ زه‌ویدا (تا ده‌نگی خشڵ و پاوانه‌کانیان بێت) و بزانرێت که‌ زینه‌تدارو خشڵدارن، که‌واته‌ هه‌مووتان ئه‌ی ئیمانداران به‌ره‌و لای خوداو به‌ده‌ستهێنانی ڕه‌زامه‌ندی ئه‌و بگه‌ڕێنه‌وه‌ بۆ ئه‌وه‌ی ڕزگارو سه‌رفراز بن، (ئیمامی تیرمذیی) ئه‌یگێڕێته‌وه‌له‌ (ئوم سه‌له‌مه‌) وه‌كه‌ ئه‌وو (خاتوو مه‌یمونه‌) لای پێغه‌مبه‌ر (صلی الله علیه و سلم) بوون، جا له‌وكاته‌دا (ابن ام مكتوم) نابینا هات، پێغه‌مبه‌ر (صلی الله علیه و سلم) فه‌رمووی : چاوی خۆتان بگرن له‌ نه‌زه‌رو،خۆداپۆشن ! ئوم سه‌له‌مه‌ ئه‌ڵێ: وتم: باشه‌! ئه‌ی ئه‌و نابینا نییه‌؟ فه‌رمووی ئه‌ی بۆ ئێوه‌ش ئه‌و نابینن؟ ئه‌مچا خوشکی به‌رێزو سه‌نگینی خۆم ئه‌م ئایه‌ت و فه‌رمودانه‌ له‌خۆت به‌ر چه‌سته‌ بکه‌ مه‌که‌وه‌ داوی شه‌یتانه‌وه‌ خۆت به‌هیلاك مه‌ده‌ بچیته‌ ڕیزی ئه‌وئافره‌تانه‌ی که‌ پێغه‌مبه‌ر (صلی الله علیه و سلم) ده‌رباره‌یان ئه‌فه‌رموێ (صنفان من اهل النار لم....ونساء کاسیات عاریات ماءلات ،رئوسهن کاسنمه‌ البخث المائله‌،لایدخل الجنه‌،ولایجدن ریحها ،وان ریحها لتوجد من مسیرة کذا وکذا) واته‌ دوو تاقم هه‌ن که‌ ئه‌هلی دۆزه‌خن من نه‌یانم بینیوه‌ ....(ئه‌مه‌ باسی ئه‌م رۆژگاره‌یه‌ بزانن که‌پێغه‌مبه‌ر ئازیزمان باسی کردوه‌ ) ‌ئه‌فه‌رموێ ئافره‌تانێکی پۆشته‌ ڕووت که‌به‌لارو له‌نجه‌ به‌رێگادا ده‌ڕۆن وسه‌رنجی پیاوان به‌لای خۆیاندا راده‌کێشن ،پرچیان وه‌کو بان پشتی حوشتر له‌سه‌ر سه‌ریان کۆده‌که‌نه‌وه‌ ئه‌مانه‌ ناچنه‌ به‌هه‌شته‌وه‌ وبۆنی به‌هه‌ستیش ناکه‌ن هه‌رچه‌نده‌ بۆنی به‌هه‌شت له‌دووری ئه‌وه‌نده‌ و ئه‌وه‌نده‌ هه‌ست پێ ئه‌کرێت ،توخودا خوشکی خۆم بۆدوورۆژی ئه‌م دونیایه‌ خۆت ئه‌خه‌یته‌ ڕیزی ئه‌مانه‌ به‌ده‌ستی خۆت ماڵی خۆت وێران ئه‌که‌ی ؟! وه‌هه‌روه‌ها خۆتان بپارێزن له‌ کۆبوونه‌وه‌و تایبەت كردنی ڕۆژی جەژن بێ‌ ئاگایانه‌. بەسەردان كردنی گۆڕستان و تازەكردنەوەی تەعزیە و یادكردنەوەی مردوو به ‌بیدعه‌و بە گریان و بەشێوەیەكی ناشەرعی؟! ئه‌مچا موسڵمانانی به‌ڕێز عه‌زیزانم با سوپاس شوکرانه‌ی خودای گه‌وره‌ بکه‌ین که‌ ته‌مه‌نی پێبه‌ خشین وسه‌رکه‌وتوی کردین ئه‌م مانگه‌ پیرۆزه‌ به‌ ڕۆژووبین بادوعابکه‌ین خودای گه‌وره‌ لێمانی وه‌رگرتبێت نه‌وه‌ك هه‌ر برسێتی و تێنویمان بۆمابێته‌وه‌ با له‌دوای ئه‌م مانگه‌ش زیاتر هه‌وڵ بده‌ین چاکتر بین مرۆڤی عاقڵ و ژیر ئه‌وه‌یه‌ رۆژ به‌رۆژ سه‌رکه‌وتوتر بێت، نه‌وه‌ك ڕۆژ به‌ڕۆژ دۆڕاوتربێت (شیخ ابن عثیمین) ڕه‌حمه‌تی خودای لێبێت ئه‌فه‌رموێ (خه‌ڵکانێکی زۆر له‌رۆژی جه‌ژن دا کاتێکی زۆر ئه‌فه‌وتێنن به‌ هۆی مانه‌وه‌یان تاده‌رنگانێك به‌ سه‌ماکردن وگاڵته‌ کردن ویاری ،وه‌ڕه‌نگه‌ وازیان هێنابێ له‌ ئه‌نجامدانی نوێژه‌کانیان له‌کاتی دیاری کراوی خۆی یان فه‌وتاندنی نوێژی جه‌ماعه‌ت ،وه‌ک بڵێی بیانه‌وێ به‌م کاره‌یان ئاسه‌وارو کاریگه‌ری مانگی ڕه‌مه‌زان له‌دڵ و ده‌روونیان بسڕنه‌وه‌ ئه‌گه‌ر هه‌بوبێ ،وه‌ ئه‌و په‌یمانه‌ نوێ بکه‌نه‌وه‌ له‌گه‌ڵ ئه‌و شه‌یتانه‌ی له‌ره‌مه‌زاندا مامه‌ڵه‌ کردنیان له‌گه‌ڵیا که‌م بوووه‌وه‌) له‌کۆتایدا ئه‌ڵێم لە یادتان نەچێت ئەو که‌سانه‌ی که‌ لە پێشوازى جەژندا فرمێسك دەبێتە میوانیان وە دڵەكانیان دەبێتە كانیاوێك لە ئاگر.لەگەڵ هەڵهاتنى گزنگى خۆرى یەكەم بەرە بەیانى جەژندا كاتێك كە دەستى دایك و باوكت ماچ دەكەیت وە چاوەكانت گەشە بەڕووى هاوسەرەكەت وە دەست لە ملى برا و خوشك و كەس و خزمەكانت ئەكەیت وە پاشان كۆدەبنەوە لەسەر خوانی ڕازاوەى جەژن ، هەتیوان لەبیر نەكەیت... ئەو كەسانەى كە بێ بەشن لە سۆز و بەزەیى باوكیان. ئه‌م که‌سه‌ عه‌زیزانه‌ له‌بیر نه‌که‌ی که‌ له‌ زیندانی طاغوطه‌کانن بێبه‌ش و دابڕاون له‌ له‌سووکاریان، ئەو بێوەژنانەى كە بێ بەشن لە خەندەى هاوسەرەكانیان. که زۆربه‌یان ‌پیاوه‌کانیان له‌سه‌ر ئه‌م ئیسلامه‌ شه‌هید بوونه‌ ئەو منداڵانەى كە بێ بەشن لە باوەشى گەرمى باوك و دایكیان. 
وە ئەو دایك و باوكانەى كە بێ بەشن لە چاوى گەشى منداڵەكانیان... له‌خودای گه‌وره‌ داواکارم عیباده‌ت و ڕۆژووه‌کانمانی قبو‌ڵ کردبێت و بۆمان بکات به‌زه‌خیره‌ی قیامه‌تمان هیوادارم ئه‌م چه‌ژنه‌ ببێته‌ چه‌ژنی خۆشی و شادی بۆ هه‌مووماڵێکی موسڵمان ببێته‌ چه‌ژنی سه‌رکه‌وتنی ئه‌هلی ئیسلام و خوشك وبرایانمان له‌ بورماو سوریاو ئازادبوونی زانایانی ئیسلام و برایانمان له‌زیندانه‌کانی کوفرو ئیلحاد،یاخودا ببێته‌ ڕۆژی ڕه‌ش و له‌ناوچونی کوفر یا الله‌ یا الله‌ یا الله‌، ان شاالله‌ ئه‌بێته‌ یه‌ك ڕیزی موسڵمانان و ته‌بایه‌تی و برایه‌تی ،(تقبل الله منا ومنكم). خودا لە ئێمەو ئێوەیشی قەبوڵا بكات. 
چه‌ژنی هه‌موو لایه‌کتان پیرۆزو هه‌ر له‌خۆشی دابژین 

وَآخِرُ دَعْوَانا أَنِ الْحَمْدُ لِلّهِ رَبِّ الْعَالَمِينَ 

نوسینی به‌نده‌؛عه‌لی هه‌ولێری فێرگه 
1433کۆچی به‌رامبه‌ر 14/8/2012 زاینی

 

 

  • زۆرترین بینراو
  • نوێترین بابەت
Top
Facebook YouTube Twitter Instagram Google Plus