سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ئایە خانوو کڕین بە قیست دروستە.؟
السلام علیکم بـه‌ڕێزان من پرسیارێکم هه‌یه‌ ده‌رباره‌ی خانوو کڕین به‌ قیست واته (mortgage ).. ئایه‌ دروسته بیکڕیت به قیست ئه‌گه‌ر هیچ ڕیگا چاره‌یه‌کی ترت نه‌بێت له ئه‌ورووپا له کاتێکدا که پاره‌ی کاشت نه‌بێت؟ خوا جزاتاب باته‌وه
گۆڕینی فۆنت
وەڵام - ژمارەی پرسیار 662


به ‌ناوی خوای به‌خشنده‌ی میهره‌بان. 
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان:
ئه‌گه‌ر مه‌به‌ست له‌ پرسیاره‌كه‌ ئه‌وه‌ بێت كه‌ تۆ خانوویه‌ك بكڕِیت به‌ قیست و پاره‌كه‌ی به‌ قیست بده‌یت ئه‌مه‌ هیچ كێشه‌یه‌كی شه‌رعی نییه‌. 
یان ئه‌گه‌ر بانكێك یان كۆمپانیایه‌ك ڕاسپێریت خانووه‌كه‌ت بۆ بكرِێت و پاشان تۆ به‌ پاره‌یكی زیاتر له‌ بانكی بكڕِیته‌وه‌ و به‌قیست پاره‌كه‌ی بده‌یته‌وه‌ ئه‌مه‌شیان كێشه‌ی نییه‌، به‌ مه‌رجێك خانووه‌كه‌ به ‌ته‌واوی بچێته‌ سه‌ر ئه‌ستۆی بانكه‌كه‌ و تۆ له‌ بانكه‌كه‌ی بكڕِیته‌وه‌. 
به‌ڵام ئه‌گه‌ر تۆ بۆ كڕینی خانووه‌كه‌ پاره‌ له‌ بانك یان كۆمپانیایه‌ك وه‌ربگریت به‌ قه‌رز و پاشان به‌ قیستی زیاتر پاره‌كه‌ بۆ بانك بگێرِیته‌وه‌ ئه‌وه‌ عه‌ینی رِیبا و سوو خواردنه‌ و به‌هیچ شێوه‌یه‌ك و بۆ هیچ پاساوێك درووست نییه‌. 

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

  ژمارەی بینین 425

  • زۆرترین بینراو
  • نوێترین بابەت
Top
Facebook YouTube Twitter Instagram Google Plus