سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ئایە مامه‌ڵه‌کردن له‌ بۆرسه‌ و به‌ڕێی تۆڕی ئینته‌رنێت دروستە.؟
سه‌لامو علیكم من برسیاریكم هه‌یه‌ من خه‌ریكی‌ ئیشی‌ بورسه‌ی‌ عاله‌میم واتا كرین و فروشتنی‌ (نه‌وت-غاز-ئالتون-زیو-دولار).... هه‌تا دوای‌ به‌ ئنترنیت جا نازانم حه‌رامه‌ یان نه‌‌و . زورسوباستان ئه‌كه‌م ئه‌كه‌ر جوابم بده‌نه‌وه‌. هیوادارم زوو جوابم بده‌نه‌وه‌
گۆڕینی فۆنت
وەڵام - ژمارەی پرسیار 676


به ‌ناوی خوای به‌خشنده‌ی میهره‌بان. 
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان: 
مامه‌ڵکردن له‌ بۆرسه‌کان جائیزه‌ به‌مه‌رجێ ئه‌وه‌ی مامه‌ڵه‌ی پێوه‌ ده‌کرێت حه‌ڵاڵ بێ و په‌یوه‌ندی نه‌بێت به‌ بانکێک یان لایه‌نێک مامه‌ڵه‌ بکات به‌ ڕیباوه‌. 

کڕین و فرۆشتنیش له‌ ڕێی تۆڕی ئینته‌رنێته‌وه‌ جائیزه‌ به‌ مه‌رجێ دوور بێت له‌ فرت و فێڵ و نه‌زانین و غه‌ش و خیانه‌ت و سته‌م، چونکه‌ ئه‌وه‌ له‌ مه‌رجه‌ گشتییه‌کانی کڕین و فرۆشتنه‌. 
هه‌روه‌ها ده‌بێت هه‌ردوولا ده‌ستاوده‌ست که‌لوپه‌له‌که‌ و نرخه‌که‌ی بگۆرنه‌وه‌، ئه‌ویش به‌وه‌ی به‌بێ دواکه‌وتن له‌ڕێی خۆیه‌وه‌ بیگه‌یه‌نن به‌یه‌ک و مسۆگه‌ریش هه‌بێت له‌و گه‌یاندنه‌، به‌ڵگه‌ ئه‌لکترۆنییه‌کانیش ئه‌گه‌ر ساخته‌ نه‌بن و ڕه‌سمییاتێکیان هه‌بێت ئه‌وا له‌باتی که‌لوپه‌له‌که‌ ده‌بێته‌ ده‌ستاوده‌ست. 

ئه‌گه‌ر پاره‌ش بوو ئه‌وا جائیزه‌ به‌مه‌رجی ئه‌وه‌ی ئه‌گه‌ر یه‌ک سککه‌(العملة)‌ بوو ئه‌وا یه‌ک به‌ یه‌ک بگۆڕێته‌وه‌، ئه‌گه‌ر جیاوازیش بوو له‌کاتی ده‌ستاوده‌ستی له‌گه‌ڵ بێت. بۆ هه‌ردووکیشیان حه‌قی گه‌یاندن(عمولة) حه‌ڵاڵه‌. 

ئه‌و پاره‌یه‌ش مامه‌ڵه‌ی پێوه‌ ده‌کات ده‌بێت موڵکی خۆی بێت، یان ئه‌گه‌ر قه‌رزی کرد گه‌یشتبێته‌ ناو باخه‌ڵی(یان کۆنتۆکه‌ی؛ رقم حسابي) ئه‌و کاته‌ مامه‌ڵه‌ی پێوه‌ بکات. 

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام

  ژمارەی بینین 286

  • زۆرترین بینراو
  • نوێترین بابەت
Top
Facebook YouTube Twitter Instagram Google Plus