سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  گۆڕینه‌وه‌ دراو به‌ دروای دیکه‌، ده‌بێت ده‌ستاوده‌ست بێت.؟
به ریزان سلاوی خواتان لیبیت من له شاری بانه‌ی روژهه‌لاتی کوردستانه‌وه په‌یوه‌ندیتان پێوه ئه‌که‌م تکایه جوابی ئه‌م پرسیاره‌م بۆ بنێرنه‌وه بۆ ئیمیله‌که‌م: ماوه‌یه‌که له سه‌رافیه‌کانی(شوینی ئه‌رز گورینه‌وه)ی شاری بانه مامه‌ڵه‌یه‌ک هه‌یه به ناوی ئه‌رزی وه‌عده‌یی ئه‌وه‌ش به‌م جوره‌یه که بو میسال منی بازرگان ئه‌مه‌ویت بچم بو وه‌ڵاتی چین بۆ ته‌جاره‌ت وه ده‌بێت لێره‌وه پوول حه‌واڵه بکه‌م بۆ ئه‌و کۆمپانیایه‌ی له ته‌ریقیه‌وه شت ئه‌کڕم. کاتێک بۆ ئه‌و مه‌به‌سته ئه‌چیت بۆ سه‌رافێ پێت ئه‌ڵێن بۆ میسال ئه‌مڕۆ یوانی چین به 200 تمه‌نه به‌ڵام ئه‌گه‌ر پووله‌که‌ت دانێیت و بۆ 10ڕۆژی تر یوانه‌که‌ت بۆ حه‌واڵه که‌ین به 190 تمه‌ن ئه‌تده‌ینی. پرسیار ئه‌وه‌یه ئایا ئه‌و مامه‌ڵه حه‌رام ئه‌بێت یان نا؟ ئه‌گه‌ر حه‌رامه بۆ ؟ خۆ زه‌ره‌ری بۆ که‌س نییه؟ کاتێکیش له سه‌راف ئه‌پرسیت ده‌لیلی چیه ئه‌ڵێن: چونکه ئێران ته‌حریم کراوه و پروسه‌ی پوول گۆڕینه‌وه گۆڕاوه ئه‌م شته‌ پێشهاتووه. .
گۆڕینی فۆنت
وەڵام - ژمارەی پرسیار 683


به ‌ناوی خوای به‌خشنده‌ی میهره‌بان. 
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان:
ئه‌و جۆره‌ مامه‌ڵه‌یه‌ حه‌رامه‌ و دروست نییه‌، چونکه‌ جۆرێکه‌ له‌ سوو(الربا النسیئـة)، پاڕه‌ گۆڕنه‌وه‌ واته‌ فرۆشتنی دراوێک به‌ درواێکی تر دروسته‌ به‌ڵام به‌ مه‌رجێ له‌و کاته‌دا ببڕێته‌وه‌، نه‌وه‌ک ئێستاکه‌ بدرێ و به‌رامبه‌ره‌که‌ی دواتر بدرێت ئه‌گه‌ر کاتژمێرێکیش بێت. پێغه‌مبه‌ری خوا(صلى الله عليه وسلم) فه‌رموویه‌تی " إذا اختلفت الأصناف فبيعوا كيف شئتم إذا كان يدا بيد." رواه مسلم واته‌: ئه‌گه‌ر کاڵاکان جۆراوجۆر بوون چۆنتان ده‌وێ یان چۆن ڕێککه‌وتن ئاوا بیفرۆشن به‌ڵام ده‌ستاوده‌ست. 

سه‌باره‌ت به‌وه‌ش که‌ ده‌فه‌رمووی خۆ زه‌ره‌ری بۆ که‌س نییه‌! ئه‌وه‌ بزانه‌ که‌ شه‌ریعه‌ت و فه‌رمان و ڕێگرییه‌کان له‌ پێشی ئه‌وه‌ی حیکمه‌ت و خێر یان زیانه‌کانی کارپێنه‌کردنی ڕوون بکرێته‌وه‌، ده‌بێت بڕوامان وا بێت ئه‌وه‌ له‌ مافی خوایه‌تی خوایه‌ و ئه‌و هه‌قی فه‌رمان و ڕێگریکردنی هه‌یه‌ له‌ سه‌رمان، هه‌ر بۆیه‌ ئه‌گه‌ر زیانیشی بۆ که‌س نه‌بێ به‌ڵام ئه‌گه‌ر ده‌بینین خوای گه‌وره‌ یان پێغه‌مبه‌ره‌که‌ی حه‌رامایان کردووه‌، واباشه‌ ده‌سته‌بجێ بڵێین به‌ڵی ئه‌ی په‌روه‌ردگار ئه‌وا گوێمان لێ بوو و گوێڕایه‌ڵییش ده‌که‌ین. له‌ زیانه‌کانی ئه‌و مامه‌ڵه‌یه‌ش ئه‌وه‌یه‌ ئێوه‌ ئه‌و زیاده‌یه‌تان به‌ ناهه‌ق و نادروست دێته‌ گیرفانه‌وه‌، ئه‌وانیش له‌و ماوه‌یه‌(١٠ ڕۆژه‌) سوود له‌و پاره‌یه‌ ده‌بینن و مامه‌ڵه‌ی بۆ خۆیان پێوه‌ ده‌که‌ن، که‌واته‌ هاوکاریکردنی ئه‌وانه‌ له‌ باتڵ و حه‌رامدا.

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

  ژمارەی بینین 2433

  • زۆرترین بینراو
  • نوێترین بابەت
Top
Facebook YouTube Twitter Instagram