سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ئایە بیمه‌ی خۆویستی حه‌رامه‌.؟
سڵاو مامۆستا گیان. دوو پرسیارم هه‌یه‌. کۆمپیته‌رێکم کڕی به ویستی خۆم چه‌مانی ١ ساڵم کردووه ئه‌گه‌ر له‌ ماوه‌ی ئه‌و ساڵه‌ هه‌رشتێکی لێ بێت ئه‌وه‌ کۆمپیته‌رێکی تر وه‌رده‌گرمه‌وه‌. ئایه‌ ئه‌م مامه‌ڵه‌کردنه‌ تا چه‌ند حه‌رامه‌؟ ئه‌گه‌ر حه‌رامه‌ چی بکه‌م تا خوا لێم خۆش بێ؟
گۆڕینی فۆنت
وەڵام - ژمارەی پرسیار 725


به ‌ناوی خوای به‌خشنده‌ی میهره‌بان. 
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان:
گومانی تێدا نییه‌ بیمه‌ی(چمان) خۆویستی حه‌رامه‌ و مامه‌ڵه‌یه‌کی نادروسته‌، هۆکاره‌که‌یشی ئه‌وه‌یه‌ ماڵخواردنی خه‌ڵکی تێدایه‌ به‌ ناهه‌ق و سته‌م، جگه‌ له‌مه‌ش له‌لایه‌ن زۆرێکه‌وه‌ فێڵ و ساخته‌ی تێ ده‌که‌وێنێت، ئه‌و شه‌ریکانه‌ی پاره‌ی بیمه‌ وه‌رده‌گرن، سوودێکی خه‌یاڵی ده‌که‌ن له‌ به‌رامبه‌ریش زیانێکی که‌م، ئه‌وان له‌ هه‌زاران و بگره‌ ملیۆنه‌ها مامه‌ڵه‌ زیانێکی که‌م ده‌که‌ن، ئه‌وانه‌ش بیمه‌ بۆ شمه‌ک و خۆیان و ماڵاتیان ده‌که‌ن به‌ زۆریی پاره‌یه‌ک ده‌ده‌ن له‌ خۆڕا و هیچیان لێ به‌سه‌ر نایه‌ت، یاخود ڕه‌نگه‌ له‌ دوای یه‌ک دوو مانگ له‌ پێدانی مانگانه‌ قه‌ره‌بوویه‌کی زۆر وه‌ربگرن که‌ ده‌یان هێنده‌ی ئه‌وه‌ بووه‌ داویانه‌ له‌و دوو مانگه‌. بۆیه‌ زیاتر مامه‌ڵه‌که‌ شانسه‌ و قوماره‌ و سته‌م. ئیسلامیش ئه‌وانه‌ هه‌موو ڕه‌ت ده‌کاته‌وه‌.

سه‌باره‌ت به‌وه‌ش که‌ ئه‌گه‌ر حه‌رامه‌ ئێستا چی بکه‌یت؟! ته‌نها ئیستیغفار و تۆبه‌یه‌ له‌و مامه‌ڵه‌یه‌، چونکه‌ ناکرێت بتوانیت هه‌ڵیبوه‌شێنێته‌وه‌.

خوای گه‌وره‌ش زاناتره ‌(جل وعلا).‌ 
وصلی‌ الله علی‌ نبینا محمد وعلی‌ ێ‌له وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

 

  ژمارەی بینین 264

  • زۆرترین بینراو
  • نوێترین بابەت
Top
Facebook YouTube Twitter Instagram Google Plus