سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  کڕینی ئۆتۆمۆبیل به‌ قیستی ڕیباوه‌.؟
السلام عليكم ورحمتالله... به‌ڕێزان من پرسياره‌كه‌م سه‌باره‌ت به ڕیبايه. من كه‌سێكم ئوتومبيلێكم له‌م كۆمپانيايانه كڕيوه به‌ڵام به‌قيست... قيسته‌كه‌ش زياده‌ى خراوه‌ته‌سه‌ر به پێى درێژكردنه‌وه‌ی ماوه‌ى قيسته‌كه... جا به‌ڕاستى ئێستا نازانم گوناهبارم يان نا؟ به هيواى وه‌ڵام. خواى گه‌وره پاداشتى خێرتان بداته‌وه
گۆڕینی فۆنت
وەڵام - ژمارەی پرسیار 748


به ‌ناوی خوای به‌خشنده‌ی میهره‌بان. 
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان: 
ئه‌گه‌ر زیاده‌که‌ له‌ هه‌مان کۆمپانیایه‌ ئه‌وه‌ جائیزه‌، واته‌ تۆ ته‌نها له‌گه‌ڵ کۆمپانیاکه‌ عه‌قدێك ئیمزا ده‌که‌یت که‌وا پاره‌که‌ به‌ چه‌ند قیستێك بده‌یت. عائشة-ڕه‌زای خوای لێ بێت- ه‌گێرێته‌وه‌  "أن بريرة رضي الله عنها باعها أهلها بتسع أواق تسعة أقساط في كل عام أوقية ، فأقر ذلك النبي صلى الله عليه وسلم" . ئه‌مه‌ش به‌ڵگه‌یه‌ له‌وه‌ی به‌ قیست جائیزه‌. به‌ڵام ئه‌گه‌ر تۆ گرێبه‌ندێک(عقد) ده‌که‌یت(له‌گه‌ڵ خاوه‌ن موڵکه‌که‌) و گرێبه‌ندیش له‌گه‌ڵ بانکێك ده‌که‌یت، ئه‌وا جائیز نییه‌ له‌به‌رئه‌وه‌ی عه‌قدی بانکه‌که‌ به‌ ڕیبایه‌، خوای گه‌وره‌ش ده‌فه‌رموێ  وأحل الله البيع وحرم الربا[البقرة:٢٧٥] ، واته/ خوای گه‌وره‌ کڕین و فرۆشتنی حه‌ڵاڵ کردووه‌ و ریبای حه‌ڕام کردووه‌.‌ 

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام. 

  ژمارەی بینین 342

  • زۆرترین بینراو
  • نوێترین بابەت
Top
Facebook YouTube Twitter Instagram Google Plus