سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ئایا کارکردن به‌ڕه‌ش حه‌رامه‌ یان حه‌ڵاڵه‌.؟
سڵاوی خوای گه‌وره‌تان لێ بێت. برایانی به‌ڕێزم ئه‌م پرسیاره‌م هه‌یه ؟ ئایه ‌‌که‌سێکی کورد که ‌له‌ئه‌وروپا ده‌ژیت، ئیقامه‌ی هه‌یه کرێخانووی بۆ بده‌ن و پاره‌ی هه‌فتانه‌ی هه‌بێت، ئه‌مه ‌له‌کاتێکدا که‌ئیش نه‌کات ئه‌م شتانه‌ی هه‌بێت به‌ڵام به‌ڕێگایه‌کی تر ئیش بکات به‌کوردی خۆمان ئیشی ڕه‌ش بکات ، پرسیاره‌که‌م ئه‌بێت به‌دوو به‌ش: (‌ أ ) 1/ ئایه‌ ئه‌م پاره‌ی که‌ په‌یدای ئه‌کات حه‌رامه‌ یاخوت حه‌لال؟ خوای گه‌وره‌ پاداشی به‌خێرتان بداته‌وه. 2/ ئه‌گه‌ر حه‌رام بێت بۆخۆی نه‌یخوات له‌کارێکی خێردا به‌کاری بێنێت یاخوود بیدات به‌ فه‌قیران ئه‌مه‌ ئه‌گونجێت یاخوود هه‌ر حه‌رام ئه‌بیت؟ ( ب ) که‌سێك که‌ ئیقامه‌ی هه‌بێت ئه‌بێت ئیش بکات مه‌گه‌ر نه‌خۆش بێت یاخوود بخوێنێت . له‌ حاڵه‌تی ئه‌وه‌دا که‌ زانیمان ئیشی ڕه‌ش حه‌رامه‌ ئایه‌ که‌ بخوێنێت ئه‌و حه‌قی ئه‌وانت له‌سه‌ر نه‌مێنێت که‌ به‌و مه‌رجه‌ مه‌عاشت پێ بده‌ن بۆ نمونه‌ ڕۆژی 5 سه‌عات به‌ڵام به‌شه‌و ئیشی ڕه‌شی بۆ بکه‌یت ئه‌مه‌یان چۆن ئه‌بێت حه‌ڵاڵ ئه‌بێت ئه‌و پاره‌یه‌ی که‌په‌یدای بکه‌یت ؟
گۆڕینی فۆنت
وەڵام - ژمارەی پرسیار 808


به ‌ناوی خوای به‌خشنده‌ی میهره‌بان. 
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان: 
پاساوی یارمه‌تی هه‌ژارانیش نابێته‌ حه‌ڵاڵکردنی کارێکی حه‌رام، چونکه‌ چاکه‌کردن به‌ماڵی حه‌رام قه‌بووڵ نییه‌. 
ده‌رچوونیش له‌یارمه‌تی وه‌رگرتنی کۆمه‌کی مانگانه‌ یان هه‌فتانه‌ی ده‌وڵه‌تێک و خوێندن و خوێندکارێتی دیسان نابێته پاساو بۆ حه‌ڵاڵکردنی کاری ڕه‌ش.. 

هه‌وڵبده‌ ئه‌گه‌ر چه‌ند کاتژمێرێکیش بێت به‌سپی کار بکه‌ی و دڵنیاش به‌ ئه‌گه‌ر که‌سێک له‌به‌رخاتری خوا خۆی دوور بگرێت له‌ حه‌رام خوای گه‌وره‌ خێر دێنێته‌ ڕێی و زه‌بوونی ناکات.. 
‌ 
خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
---------------------------------------------------------------- 
لیژنه‌ی وه‌ڵامدانه‌وه‌ی پرسیاره‌ شه‌رعییه‌کان/‌ ده‌نگی ئیسلام. 



  ژمارەی بینین 381

  • زۆرترین بینراو
  • نوێترین بابەت
Top
Facebook YouTube Twitter Instagram