سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ئایا دروسته‌ له‌ یه‌ک کات دوو ئیش بکرێت.؟
ئایا دوو ئیش له‌یه‌ک کاتدا بکه‌یت دروسته‌؟
گۆڕینی فۆنت
وەڵام - ژمارەی پرسیار 816


به ‌ناوی خوای به‌خشنده‌ی میهره‌بان. 
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان:
ئه‌نجامدانی دوو ئیش له‌ یه‌ک کاتدا قسه‌ زۆر هه‌ڵده‌گرێت؛ ئه‌گه‌ر ئیشه‌که‌ هی خۆت بێ و خۆت خاوه‌نی بیت جیاوازی هه‌یه‌ له‌وه‌ی ئه‌گه‌ر کرێگرته‌یه‌ک بیت بۆ خه‌ڵکی تر کار بکه‌یت، ئه‌گه‌ر بۆ خۆی ئیش بکه‌یت و بتوانی له‌ ماوه‌ی یه‌ک ئیشدا دووان ئه‌نجام بده‌یت، دروسته‌ به‌ڵام به‌ مه‌رجی ئه‌وه‌ی مافی خه‌ڵكی تێدا نه‌فه‌وتێت، وه‌ک ئه‌وه‌ی له‌به‌ر ماندوو بوون و که‌می کات نه‌توانیت وه‌ک پێویست کار بۆ خه‌ڵكی بکه‌یت و له‌ به‌رامبه‌ری ئه‌و پاره‌یه‌ی وه‌ری بگریت هه‌قیان پێ نه‌ده‌یت. 
خۆ ئه‌گه‌ر کار بۆ خه‌ڵکی تر بکه‌یت یان بۆ ده‌وڵه‌ت، لێره‌شدا پێویستی به‌ پرس و ڕوخسه‌تی خاوه‌نکار یان به‌ڕیوه‌به‌ره‌که‌ته‌، ئه‌مه‌ش له‌ کاتێکدا دیسان مافی خه‌ڵكی له‌ ئیشی یه‌که‌مدا تێدا نه‌فه‌وتێ. بۆ زیاتر به‌رچاوڕوونی له‌م باسه‌، واچاکه‌ به‌ ڕوونی و درێژی باسی جۆری کاره‌کان باس بکه‌یت بۆمان یاخود له‌لای مامۆستایه‌کی شاره‌زا هه‌تاوه‌کو وه‌ڵامی پێویستت بداتێ.. 
شایه‌نی باسه‌ ئه‌گه‌ر ئه‌وانه‌شی لێ ده‌ربچێت، مافی خێزان و ماڵومنداڵیش مه‌رجه‌ هه‌روه‌ها مافه‌کانی خوای گه‌وره‌ له‌ جێبه‌جێکردنی فه‌رزه‌کان و فه‌رمانه‌کانی.. واته‌ ئه‌گه‌ر کارکردنی زۆر به‌ تایبه‌تی بۆ ماوه‌یه‌کی درێژ بووه‌ هۆی سته‌م له‌ مافی خێزان و منداڵ هه‌روه‌ها که‌مته‌رخه‌می له‌ ئه‌نجامدانی فه‌رزه‌کان، ئه‌وا جائیز نابێت بگره‌ مافی خۆشت له‌ وه‌رگرتنی پشوو و خه‌و و پاراستنی ته‌ندروستی، چونکه‌ زیانگه‌یاندن به‌ جه‌سته‌ی خۆشت بێ پاساوێکی شه‌رعی گوناهه‌یه‌ و لادانه‌ له‌ فه‌رمانی خوای گه‌وره‌، چونکه‌ جه‌سته‌مان ئه‌مانه‌ته‌ و بۆمان دروست نییه‌ له‌ خۆڕا و بۆ زیاده‌ڕه‌وی زیانی پێ بگه‌یه‌نین. بێگومان ناچاری یان پێویستیی به‌تایبه‌تیش بۆ ماوه‌یه‌ک ڕێگا ده‌دات بۆ که‌سێک زیاتر له‌ ئاسایی کار بکات، فه‌تواش به‌پێ که‌س و حاڵه‌ت و شوێن و کات گۆرانی به‌سه‌ردا دێت.

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

  ژمارەی بینین 308

  • زۆرترین بینراو
  • نوێترین بابەت
Top
Facebook YouTube Twitter Instagram