سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  مەرجە ناوی منداڵ، ئـیسلامی بێت.؟!
به‌ناوی خودای گه‌وره‌. ئایا ئه‌گه‌ر منداڵ ناوه‌که‌ی ئیسلامی نه‌بێ باوک و دایکی به‌رپرسیارن؟ ئه‌ی ڕای ئیسلام چییه‌ سه‌باره‌ت به‌ ناوی کوردی؟
گۆڕینی فۆنت
وەڵام - ژمارەی پرسیار 1147

به ‌ناوی خوای به‌خشنده‌ی میهره‌بان. 

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان:

ناولێنانی منداڵ مه‌رج نییه‌ ئیسلامی بێ یان ناوی پێغه‌مبه‌ران و پیاوچاکان بێ، یان عه‌ربی بێ و کوردی نه‌بێ، ئه‌وه‌ی گرنگه‌ و داواکراوه‌ له‌ ئیسلام ئه‌وه‌یه‌ ناوێکی خۆش و به‌ مانای جوان له‌ منداڵه‌که‌ بنرێ، ئه‌گه‌ر ناوی پێغه‌مبه‌ران(سه‌لامی خوایان لێ بێت) یان پیاوچاکانیان لێ بنرێ وه‌ک نیشانه‌یه‌ک بۆ ده‌ربڕینی خۆشه‌ویستی بۆیان یاخوود به‌و هیوایه‌ی وه‌کو ئه‌وان په‌روه‌رده‌بن و پێبگه‌ن یاخوود هه‌تاوه‌کو ڕێگای ئه‌وان بگرنه‌وه‌، ئه‌وه‌ کارێکی باشه‌ و په‌سه‌نده‌، به‌ڵام ئه‌گه‌ر که‌سێک ناوێکی کوردی له‌ منداڵه‌که‌ی خۆی بنێ گوناهه‌ نییه‌ و هیچی تێدا نییه‌.. 

ئه‌وه‌ی گرنگ و جێی سه‌رنجه‌ ئه‌وه‌یه‌ ناوه‌که‌ خۆش بێ و مانایه‌کی جوان بدات، بێ مانا یان مانای ناشیرنی نه‌بێ، چونکه‌ وه‌کو ئیبنولقه‌ییم-ڕه‌حمه‌تی خوای لی بێت- ده‌فه‌رموێ: ناوه‌کان کاریگه‌ری هه‌یه‌ له‌سه‌ر هه‌ڵگری ناوه‌کان.. 
پێغه‌مبه‌ری خواش(صلى الله عليه وسلم) ناوی که‌سانێکی گۆڕیوه‌ ناخۆش بوون یان مانای ناباشی هه‌ڵگرتووه‌، بۆ نمونه‌ هه‌بووه‌ ناوی(زحم) بووه‌ واته‌ گران و ناڕه‌حه‌ت ئه‌ویس گۆڕیوێتی به‌(سهل) واته‌ ئاسان ساکار.. له‌مه‌وه‌ش؛ هه‌رکه‌سێ ناوی باشی لێ نه‌نرابێ بۆی هه‌یه‌ ناوی خۆی بگۆڕێ، چونکه‌ ئه‌و ناوه‌ له‌ دونیا و کاتی گیانکێشان و ناو گۆڕ و قیامه‌تیش هه‌ر پێی بانگ ده‌کرێ.

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

  ژمارەی بینین 863

  • زۆرترین بینراو
  • نوێترین بابەت
Top
Facebook YouTube Twitter Instagram