سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ھاوسەرەكەم لە كاتی توڕەییدا وتی تەڵاقت كەوتبێت، ئێستا پەشیمانە ئایا تەڵاقی كەوتووە.؟
سه‌لامی خودای گه‌وره‌تان لێ بێت. برایان من هاوسه‌ره‌که‌م چه‌ند ڕۆژ له‌مه‌وبه‌ر تووڕه بوو لێم وتی سه‌دبه‌سه‌د و هه‌زاربه‌هه‌زار ته‌ڵاقت که‌وتبێت و به هیچ شتێک چاك نه‌کرێته‌وه. به‌ڵام من نه‌موت قبووڵمه. به‌لام دوای یه‌ك ڕۆژ په‌شیمان بووه‌وه. منیس دانیشتووم له ماڵی خۆمدا به‌ڵام زۆر بیر ده‌که‌مه‌وه له‌و ته‌ڵاقه. ئایا من چی بکه‌م له‌گه‌ل ئه‌و پیاوه‌دا، که سێ مناڵمان هه‌یه؟ تکایه زوو وه‌ڵامم بده‌نه‌وه. خودا جه‌زای خێرتان بداته‌وه.
گۆڕینی فۆنت
وەڵام - ژمارەی پرسیار 1372

به‌ ناوی خوای به‌شنده‌ی میهره‌بان. 

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان: 

ته‌ڵاق له‌ ئه‌نجامی توڕه‌بووندا به‌و شێوه‌ ئه‌بێت. سه‌ره‌تا تووڕه‌بوون، سێ جۆره‌ تووڕه‌بوون هه‌یه‌ وه‌ك ابن القيم الجوزي ده‌فه‌رموێت. 
یه‌که‌م تووڕه‌ ئه‌بێت مرۆڤ له‌ سه‌ره‌تاوه‌ به‌ڵام ‌‌عه‌قڵ له‌ده‌ست نادات؛ واتا ئه‌زانێت ئه‌ڵێت چی و له‌سه‌ر هۆش خۆیه‌تی. ئه‌مه‌یان هیچ شك و گومان نییه‌ له‌ که‌وتنی ته‌ڵاقی. 
دووه‌م تووڕه‌بوونه‌که‌ی گه‌یشتۆته‌ کۆتایی، نازانێت ئه‌ڵێت چی. هیچ شك و گومانێك نییه‌ له‌ نه‌که‌وتنی ته‌ڵاقی. واتا ته‌ڵاقی ناکه‌وێت. 
سێیه‌م تووڕه‌یه‌ زۆریش، به‌ڵام ئه‌زانێت ئه‌ڵێت چی، واتا له‌سه‌ر هۆش خۆیه‌تی به‌ڵام نییه‌ته‌که‌ی له‌گه‌ڵ درکاندنی وشه‌کانی ته‌ڵاقه‌كه‌ یه‌ك نین. واتا مه‌به‌ستی ته‌ڵاق نییه،‌ ئه‌مه‌یان خیلافی له‌سه‌ره‌. به‌ڵام ڕاستی ئه‌وه‌یه‌ که‌ ته‌‌ڵاقی ناکه‌وێت. 
که‌واته تووڕه‌ بوونی هاوسه‌ره‌که‌ت له‌م سێ خاڵه تێپه‌ڕ ناکات. ئه‌گه‌ر تووڕه‌بوونه‌که‌ی هاوشێوه‌ی خاڵی یه‌که‌م‌ بێت، ئه‌وه‌ ته‌ڵاقی که‌وتووه‌. 
ئه‌گینا نه‌خێر نه‌که‌وتووه‌. 
هه‌روه‌ها پێویست به‌ قه‌بووڵیی تۆ ناکات له‌ ته‌ڵاقدا به‌ پێچه‌وانه‌ی ماره‌یی. 

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
..................................................................... 
ئه‌م پرسیاره‌ له‌لایه‌ن (کوڕی پاك)ه‌وه‌ وه‌ڵام دراوه‌ته‌وه‌. 

  ژمارەی بینین 1245

  • زۆرترین بینراو
  • نوێترین بابەت
Top
Facebook YouTube Twitter Instagram