به ناوی خوای به‌خشنده‌ی میهره‌بان. سوپاس و ستایش بۆ په‌روه‌ردگار، دروود و ڕه‌حمه‌ت له پێغه‌مبه‌ری ئازیز (صلی الله‌علیه وسلم) و هه‌روه‌ها له ئال و یارانی. بۆ وه‌ڵامی پرسیاره‌که‌ی به‌ڕێزتان: موسڵمان ڕاستگۆیە هەمیشە درۆ ناكات بەڵكو هەر تاوانێك بكات نابێت درۆ بكات بەتایبەتى ئەگەر درۆ كردن لەبەر خودى خۆى بێت چونكە خواى گەورە فەرمان بە موسڵمانان دەكات بەڕاستگۆیەتى: [وَكُونُواْ مَعَ الصَّادِقِينَ] بەڵام ئەگەر درۆ كردن بۆ اصلاح بوو لە نێوان دووكەس دا بوو ڕێگەى پێ دراوە وەك پێغەمبەرى خوا صلى علیه وسلم دەفەرموێ: (ليس الكذّاب الذي يصلح بين الناس فينمي خيراً أو يقول خيراً) متفق عليه. مرۆڤ مەبەستى چاكسازى و اصلاح بێت لە نێوان خەڵكدا و بڵێت فڵانەكەس بە باشى تۆى باس كردووە و دوعاى خێرت بۆ دەكات ئەوە دروستە با واش نەبێت جا ئەم درۆیە پێى دەوترێت درۆى اصلاح نەك مه صلەحەت بە ماناى ئینسان بۆ مەصلەحەتى خۆى درۆ بكات وەكو خەڵكى نەزان تەفسیرى دەكەن. ئەگەر بابەتەکەت خوێندەوە ئەوا زیکرێک یان خاڵێک لە کۆمێنت بنوسە تا بەهۆی تۆوە هاوڕێکانیشت سودمەند بن و پاداشتەکەی بۆتۆش بێت. خوای گه‌وره‌ش زاناتره (جل وعلا). وصلى الله على نبینا محمد وعلى آله وصحبه وسلم. ---------------------------------------------------------------- لیژنه‌ی وه‌ڵامدانه‌وه‌ی پرسیاره شه‌رعییه‌کان/ ده‌نگی ئیسلام.