دەنگی ئیسلام‌

گۆشتێک لێی دڵنیا نه‌بین، نابێت بیخۆین.؟

ئايا خواردنى ئه‌و مريشكانه‌ يان پارچه‌كانى(گۆشتى سنگ و ڕان و باڵ) ى به‌ستوو كه‌ له‌ رِێگه‌ى ده‌ره‌وه‌ دێت واته‌( استیراد) وه‌كو مريشكى به‌رازيلى و (گۆشتى سنگ و ڕان و باڵ) ه‌، نووسراوه‌ له‌سه‌ريان( حلال ) ، ( مذبوح على طريقة الاسلامية ) ئايا دڵنيا بين له‌ خواردنيان؟ وه‌ دروسته‌ واته‌ حه‌ڵاڵه‌‌ خواردنيان؟ سوپاس

گۆڕینی فۆنت

وەڵام - ژمارەی پرسیار 291

به ‌ناوی خوای به‌خشنده‌ی میهره‌بان.

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی.

بۆ‌ وه‌ڵامی پرسیاره‌که‌ی به‌ڕێزتان:

ئه‌سڵ له‌ گۆشتدا حه‌رامه‌ مه‌گه‌ر به‌ڵگه‌یه‌ک هه‌بێت حه‌ڵاڵی بکات، وه‌ک ئه‌وه‌ی پێش گیان ده‌رچوونی سه‌ری ببڕیت له‌ مله‌وه‌ و ناوی خوای لێ بهێنیت ئه‌گه‌ر ئه‌وه‌ی سه‌ری ده‌بڕێ موسوڵمان بێت، یاخوود ئه‌گه‌ر خاوه‌ن کتێبه‌کان(جووله‌که‌ و گاوران) سه‌ری ببڕن، ئه‌وانیش ده‌بێت سه‌ر ببڕن، به‌ڵام ئێستاکه‌ ئه‌وان ده‌یکوژن و له‌ دوای گیان ده‌رچوونی ئه‌وجا سه‌ری جیا ده‌که‌نه‌وه‌..

هه‌تاوه‌کو به‌ڵگه‌یه‌کیش(که‌سێکی باوه‌ڕپێکراوی موسوڵمانی له‌ خواترس) دڵنیامان نه‌کاته‌وه‌ که‌ ئه‌و جۆره‌ گۆشته‌ به‌ ڕێگه‌ی ئیسلامی سه‌ربڕاوه‌! بۆمان حه‌ڵاڵ نابێت به‌ ته‌نها نووسین!

ئێوه‌ش که‌ له‌ کوردستانن، هیج پاساوێکتان نییه‌، ده‌توانن به‌ ده‌ستی خۆتان سه‌رببڕن و خۆشتان له‌و گومان و دڵه‌ڕاوکێیه‌ بپارێزن..

ئه‌مه‌ش بخوێنه‌وه‌ ٧٤١ .

خوای گه‌وره‌ش زاناتره ‌(جل وعلا).‌

وصلى الله على نبینا محمد وعلى آله وصحبه وسلم.

- - - - - - - - - - - - - - - - - - - - - - - - - - - - - - - - -

لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

ژمارەی بینین 851