دەنگی ئیسلام‌

سه‌ربڕوای گیانداران له‌ ئه‌وروپا ئه‌گه‌ر پێشتر مردار نه‌بووبێته‌وه‌، حه‌ڵاڵه‌.؟

پيشه کی به نا وی خوای گهوره‌ من که‌ ناوم جاسمه‌ له‌ ئه‌ لمانيا. لێره‌ وه‌ک لای خۆمان نيیه‌.له‌ دوکانه‌کان ئه‌گه‌ر بمانه‌وێت گۆشت بکڕين سه‌ير ئه‌که‌ين به‌ شه‌ريعه‌تی ئیسلام سه‌رنه‌بڕاون. ئايا تا چ حاڵه‌تێ بۆمان هه‌يه‌ بيکڕين ؟ خوا جه‌زاتان بداته‌وه‌

گۆڕینی فۆنت

وەڵام - ژمارەی پرسیار 304

به ‌ناوی خوای به‌خشنده‌ی میهره‌بان.

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی.

بۆ‌ وه‌ڵامی پرسیاره‌که‌ی به‌ڕێزتان:

گۆشت له‌ ئه‌سڵدا حه‌رامه‌ مه‌گه‌ر به‌ به‌ڵگه‌یه‌ک حه‌ڵاڵ بێ، ئه‌وه‌ی بۆمان هه‌یه‌ بیخۆین گۆشتێکه‌ که‌ به‌پێی شه‌ریعه‌تی ئیسلام سه‌ربڕابێ، یخوود کوژراوه‌ی ده‌ستی خاوه‌ن کتێبه‌کان بێ(جووله‌که‌ و گاوران)، ڕاسته‌ که‌ خه‌ڵکی ئه‌وروپا به‌ گاور ناسراون، به‌ڵام کێشه‌که‌ له‌وه‌یه‌ ئه‌مان گیانداره‌کان ده‌مرێنن له‌پێشی سه‌ربڕین، له‌و حاڵه‌ته‌ش ده‌که‌وێته‌ حوکمی مرداره‌وه‌بوو، ئه‌وه‌ش ئه‌گه‌ر له‌ ده‌ستی موسوڵمانیش قه‌وما هه‌ر حه‌رامه‌.

له‌مه‌وه‌ ئه‌گه‌ر دڵنیابووین له‌ قه‌سابخانیه‌کی ئه‌وروپی گیانه‌وه‌ره‌کان له‌ پێش سه‌ربڕین نامرن، ئه‌وا حه‌ڵاڵه‌ ئه‌گه‌ر مرداربنه‌وه‌ یان گومانمان هه‌بێ، ئه‌وا نابێت لێیان بخۆین.

باشتر وایه‌ له‌و شاره‌ی خۆتان پرسیاری حه‌ڵاڵ بکه‌ی له‌ مزگه‌وتێکی ئه‌هلی سوننه‌، بێگومان ئه‌وان ڕێگه‌ی حه‌ڵاڵت نیشان ده‌ده‌ن.

خوای گه‌وره‌ش زاناتره ‌(جل وعلا).‌

وصلى الله على نبینا محمد وعلى آله وصحبه وسلم.

- - - - - - - - - - - - - - - - - - - - - - - - - - - - - - - - -

لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

ژمارەی بینین 826