دەنگی ئیسلام‌

بۆم دروستە لە چێشتخانەیەک کار بکەم گۆشتی بەرازی تێدا چاک بکەم.؟

سلام وعليكم ، بێزەحمەت من له ئەمريكا دەژيم دوای هەوڵدانێكى زۆر ئيشێكم دەستكەوت له مەطعم، ئيشی من گۆشتبڕينه، ئايه ئەگەر گۆشتى بەرازی لەگەڵ بێ حەڵاڵه يان حەرام؟ زۆر سوپاس .

گۆڕینی فۆنت

وەڵام - ژمارەی پرسیار 316

به ‌ناوی خوای به‌خشنده‌ی میهره‌بان.

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی.

بۆ‌ وه‌ڵامی پرسیاره‌که‌ی به‌ڕێزتان:

ئاشکرایە گۆشتی بەراز حەرامە خواردنی و پیسە، هەرشتێکیش حەرام بوو کارکردن و کەسابەتکردن پێیەوە حەرامە ئەگەر لە بواری سوودوەرگرتن بوو لێیەوە لە گۆشت و پێست و ...تاد کە بۆ خواردنی و پێداویستیی مرۆیی بەکاربهێنرێت، مادام گۆشتی بەراز حەرامە خۆت بیخۆیت دیسان حەرامیشە بیدەیتە کەسانی تر ئەگەرچی لەسەر ئایینی ئێمەش نەبن.

لە حاڵەتی ئەوەدا کاری تۆ تەنها گۆشتبڕینی مانگا و مەڕ و پەلەوەڕ بووایە و پەیوەندیت لەگەڵ بەرازدا نەبووایە دەکرا بڵێین بۆت دروستە لەگەڵ ناپەسەندی، واتە حەرام نەدەبوو بە تایبەتیش بۆ کاتیی و هەتا کارێکی ترت دەدۆزییەوە.. هەروەها لە حاڵەتێکی تریش ڕێپێدراو دەبێت ئەگەر پێویستیت بەو کارە هەبوو و لە تەنگانە و ناچاریی بوویت، واتە بە وازهێنانت لەو کارە بکەویتە مەترسی و ناڕەحەتی لە ژیان، وەکو ئەوەی نانت نەبێت بیخۆت یان کرێخانووت پێنەدرێت.. ناچارییش دەپێورێت بە پێوەری خۆی و هەموو ناجارییەک نابێتە پاساو..

بەڵام پێویستە لەو حاڵەتەش گەڕان بکەیت بە شوێن کاری تر و ڕۆزیی تردا، دڵنیاش بە ئەوەی پارێزیی بکات لەبەر خوا، خوای گەورە ڕۆزیی دەدات و لە حەرام دەیپاریزێت.

خوای گه‌وره‌ش زاناتره ‌(جل وعلا).‌

وصلى الله على نبینا محمد وعلى آله وصحبه وسلم.

- - - - - - - - - - - - - - - - - - - - - - - - - - - - - - - - -

لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

ژمارەی بینین 1366