به ‌ناوی خوای به‌خشنده‌ی میهره‌بان. 

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

ئه‌و ئافره‌تانه‌ی گه‌یشتوونه‌ته‌ ته‌مه‌نی بێهیوایی له‌ شووکردن و منداڵبوون و ڕاوه‌ستانی حه‌یز و هیوایان نییه‌ به‌ شووکردن و پیاوانیش ته‌ماعیان لێ ناکه‌ن ناویان له‌ قورئان هاتووه‌ به‌(القواعد من النساء) ، ئه‌مانه‌ ڕوخسه‌تیان بۆ دراوه‌ هه‌ندێ له‌ زیاده‌ باڵاپۆشییه‌کانیان لابه‌رن وه‌کو نیقاب و ده‌سته‌وانه‌ و عه‌با و ..تاد. به‌ڵام له‌چک و باڵاپۆشی ناگرێته‌وه‌، واته‌ بۆیان نییه‌ له‌لای نامه‌حره‌م سه‌رپۆش لابه‌رن یان سووکی بکه‌ن. وه‌ ده‌بێ نییه‌تیشیان ئه‌وه‌ نه‌بێ ڕازاوه‌یی خۆیان نیشان بده‌ن، وه‌ خوای گه‌وره‌ ده‌فه‌رموێ ئه‌گه‌ر ئه‌و ڕوخسه‌ته‌ش وه‌رنه‌گرن باشتره‌ بۆیان هه‌رچه‌نده‌ جائیزه‌.وَالْقَوَاعِدُ مِنْ النِّسَاءِ اللَّاتِي لَا يَرْجُونَ نِكَاحًا فَلَيْسَ عَلَيْهِنَّ جُنَاحٌ أَنْ يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ وَأَنْ يَسْتَعْفِفْنَ خَيْرٌ لَهُنَّ وَاللَّهُ سَمِيعٌ عَلِيمٌ[النور:٦٠].

خوای گه‌وره‌ش زاناتره ‌(جل وعلا).‌ 

وصلى الله على نبینا محمد وعلى آله وصحبه وسلم. 

- - - - - - - - - - - - - - - - - - - - - - - - - - - - - - - - - 

لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.