به ‌ناوی خوای به‌خشنده‌ی میهره‌بان. 

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

حیجاب و باڵاپۆشی واجبه‌ له‌سه‌ر ئافره‌تانی موسوڵمانی باڵه‌خی پێگه‌یشتوو، هه‌ر ئافره‌تێک نه‌یپۆشی گوناهباره‌ و فه‌رمانێکی خوایی شکاندووه‌، له‌ گوناهه‌ گه‌وره‌کانه‌ و ئه‌گه‌ری سزای سه‌ختی دۆزه‌خی له‌سه‌ره‌. ڕووتی و نیوه‌ڕووتی ئافره‌تانیش به‌ربه‌سته‌ له‌ نه‌چوونه‌ به‌هه‌شت و بگره‌ هه‌ست نه‌کردنی به‌ بۆنی به‌هه‌شت له‌ کاتێک بۆنی ساڵه‌هایه‌ک ده‌ڕوات!! جگه‌ له‌وه‌ش گوناهی هه‌موو ئه‌وانه‌ هه‌ڵده‌گری و به‌شداره‌ که‌ تووشی نه‌زه‌ر و سه‌یرکردنی ده‌بن له‌ پیاوان. خۆ ئه‌گه‌ر ئافره‌تێک له‌چک و حیجابی دابنێ له‌به‌رئه‌وه‌ی بڕوای وابێ واجب نییه‌ و له‌ ئیسلام نییه‌، ده‌بێ بۆی ڕوون بکرێته‌وه‌ ڕاستی ئه‌و باسه‌، ئه‌گه‌ر له‌ دوای زانین هه‌ر له‌سه‌ر بۆچوونی خۆی سوور بوو، کافر ده‌بێ و هیچی به‌ ئیسلامه‌وه‌ نامێنێ. ئه‌مه‌ش بخوێنه‌وه‌ ٣٠٩ .

خوای گه‌وره‌ش زاناتره ‌(جل وعلا).‌ 

وصلى الله على نبینا محمد وعلى آله وصحبه وسلم. 

- - - - - - - - - - - - - - - - - - - - - - - - - - - - - - - - - 

لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.