سوترەی نوێژ چییە و حوکمی چییە.؟ وە چۆن جێبەجێ دەبێت ؟؟ بسم الله الحمد للە و الصلاة و السلام علی رسول الله و علی آله و صحبه ٲجمعین. ناساندنی سوترە / ئەو شتەیە کە نوێژخوێن دەیخاتە بەردەمی خۆی کاتێك نوێژ دەکات بۆ ئەوەی هیچ شتێك بەبەردەم نوێژەکەیدا تێپەڕ نەبێت .. وە بۆ ئەوەی چاویشی لەوە زیاتر تێپەر نەبێت و بیر و خەیاڵی بەلای شتی تردا بڕوات حوکمی سوترە / ڕای یەکەم // بەشێك لە زانایان پێیان وایە کە سوترە واجبە نابێت بێ ئەوە نوێژ بکرێ ئەمەش ڕای ئیمامی (شوکانی)① و ئیمام (ئەلبانی)②یە -رحمهما اللە- بەڵگەشیان ئەم فەرموودەیەیە کە پێغەمبەری خوا (صلی الله علیه وسلم) فەرموویەتی : "بەبێ سوترە نوێژ مەکەن " ③ ڕای دووەم // کە ڕای پەسەند و ڕای جمهوری زانایانە وەك ئیمامی (نەوەوی)④ و (ابن عثيمين)⑤ و (ابن باز) ⑥... هتد کە پێیان وایە سوترە سوننەتێکی مؤکەدەیە و واجب نییە و دەفەرموون : ئەو فەرمانەی پێغەمبەری خوا (صلی الله علیه وسلم) بۆ سوننەتە نەك واجب بەڵگەشیان ئەمەیە " جارێکیان ابن عباس بە سواری گوێدرێژێکەوە هات بۆ (مینا) و بینی کەوا پێغەمبەری خوا (صلی اللە علیە وسلم) پێش نوێژی بۆ خەڵکەکە دەکات و هیچی لەبەردەما نەبوو " ⑦ جا کاتێك پێغەمبەری خوا (صلی الله علیه وسلم) فەرمانی بە شتێك دەکات و هەندێ جار خۆی نایکات مانای وایە کە سوننەتە و واجب نییە سوترە بەچی جێبەجێ دەبێ وە دەبێ چەند بەرز بێت؟ / دار یان دیوار و پایەی مزگەوت دەبنە سوترە یان هەر شتێکی تر بەرزتر بوو لە بستێك کە (بە ئەندازەی بەرزاییەکەی پشتی وشتر) دەکات " پرسیار کرا لە پێغەمبەری خوا (صلی الله علیه وسلم) کە ئەندازەی بەرزایی سوترە چەندێک بێت باشە ئەویش فەرمووی بەئەندازەیی بەشە بەرزاییەکەی پشتی وشتر) " ⑧ لە نوێژی جەماعەت تەنها پێش نوێژ سوترەی دەوێ و خۆی دەبێتە سوترە بۆ هەموو ئەوانەی لە دوایی خۆیەوە نوێژ دەکەن / " پێغەمبەری خوا (صلی الله علیه وسلم) کە پێشنوێژی نوێژی جەژنی دەکرد لە دەشت تەنها خۆی ڕمێکی دادەچەقاند وەك و سوترە " ⑨ ئایا پەت و سەهم دەبنە سوترە / نەخێر پەت و سەهم هەرگیز نابنە سوترەو ئەو فەرموودانەی لەوبارەیەوە هاتوون هەمویان لاوازن و کاریان پێ ناکرێت ⑩ #واللە_تعالی_اعلم_وباللە_التوفیق __ _ _ _ _ _ _ _ _ _ _ _ _ _ ① : (📗 نیل الٲوطار - 4/204) ② : (📗 صفة الصلاة النبي للٲلباني - ص 82) (📗 تمام المنة - ص 300) ③ : (📗صحيح ابن خزيمة - 771) (📗 صحيح ابن حبان - 2400) (📗 المستدرك للحاكم - 862) ④ : (📗روضة الطالبين - 1/398) ⑤ : (📗فتاوی الٲرکان الٳسلام - ص 343 - سؤال - 267) ⑥ : (📗 مجموع فتاوی و مقلات متنوعة - 11/96) ⑦ : متفق علیە (📗 صحيح البخاري - 493) ( 📗 صحيح مسلم - 1124) ⑧ : (📗صحيح مسلم - 1113) ⑨ : (📗 صحيح البخاري - 494) ⑩ : (📗 ضعيف جامع الصغير - 801) (📗 مشكاة المصابيح - 1/781)