دەنگی ئیسلام‌

حوکمی ئەنجامنەدانی نوێژی ویتر لەگەڵ ئیمام.؟

بابەتێکی_گرنگ || حوکمی_ئەنجامنەدانی_نوێژی_ویتر_لەگەڵ ئیمام.؟؟

گۆڕینی فۆنت

وەڵام - ژمارەی پرسیار 1454

#حوکمی_ئەنجامنەدانی_نوێژی_ویتر_لەگەڵ ئیمام

بسم اللە الحمد للە والصلاة و السلام علی رسول الله وعلی آله وصحبه اجمعين

ئەم دیاردەیە زۆرباوە لە ناو مزگەوتەکان سەیر ئەکەی زۆر لەخەڵکی نوێژی ویتر بە جەماعەت ناکەن و هەڵئەسن و ئەڕۆن

لە کاتێکدا پێغەمبەری خوا (صلی الله عليه وسلم) فەرموویەتی :

" هەر کەسێك لەگەڵ ئیمام نوێژ بکات هەتا ئیمام تەواو ئەبێت ئەوە بە شەونوێژی ئەو شەوە بۆی نووسراوە " ①

بەڵام کە تۆ ویترەکان لەگەڵ ئیمام ناکەی ئا لەو خێرە بێبەش ئەبیت !

هۆکاری ئەوەی کە خەڵکی دێنە دەرەوە و لەگەڵ ئیمام ویترناکەن ئەوەیە کە

ئەوان دەیانەوێ ڕکاتی زیاتر بکەن لە ماڵەوە وە وا ئەزانن ئەگەر هاتوو ویتریان کرد لەگەڵ ئیمام ئەوە ئیتر نوێژ قوفڵ ئەبێت !

ئەمەش دیسان هەڵە تێگەیشتنێکی ترە

بەهیچ شێوەیەك نوێژ قوفڵ نابێت بە ویتر

کە پێغەمبەری خوا (صلی الله عليه وسلم) فەرموویەتی : با کۆتا نوێژتان لە شەودا ویتر بێت ②

ئەمە بۆ واجب نیە بەڵکو واباشتر و چاکترە کە کۆتا نوێژت ویتر بێت بەڵگەش ئەم فەرموودەیەیە

پێغەمبەری خوا (صلی الله عليه وسلم) دوای ئەنجامدانی ویتر دوو ڕکات نوێژی تری دەکرد .. ③

کەواتە بۆمان دەرئەکەوێت کە ویتر شەونوێژ قوفڵ ناکات بەڵام کە تۆ ویترت کرد و لە ویتر تەواو بویت لە کاتێکی تری ئەو شەو ویتر مەیکەرەوە

چونکە پێغەمبەری خوا (صلی الله علیه و سلم) فەرموویەتی " دووجار ویتر ناکرێت لە شەوێکدا " ④

کەواتە بە تێکرای فەرموودەکان ئەمانەمان بۆ ڕوون دەبێتەوە

1- ئەگەر تۆ کەسێکیت لەگەڵ ئیمام لە مزگەوت تراویح دەکەیت ئەوە هەموو نوێژەکان لەگەڵ ئیمام بکە و ویترەکەشت بە هەر جەماعەت بکە تا لەوخێرە بێبەش نەبیت

وە کە هاتیتە ماڵەوە و ئارەزووت لێ بوو نوێژی تر بکەیت ئەوە بیکە و ئاساییە و درووستە بەڵام جارێکی تر ویتر مەکەرەوە چونکە تۆ لەگەڵ ئیمام پێشتر کردووتە

2- ئەگەر کەسێکیت لە ماڵەوە تراویح دەکەیت و ئەوە هەموو رکاتەکانت بکە و تەواویان بکە و دواتر ویترەکە بکە بە کۆتا نوێژ با کۆتا نوێژت ویتر بێت.

#واللە_تعالی_اعلم_وباللە_التوفیق

_ _ _ _ _ _ _ _ _ _ _ _

① : (📗 سنن الترمذي - 806) (📗 سنن ابی داود - 1375) (📗 سنن ابن ماجە - 1605) (📗صحيح الجامع - 2417)

② : (📗صحيح البخاري - 998) (📗صحيح مسلم - 738) (📗 صحيح الجامع - 151)

③ : (📗صحيح مسلم - 738)

④ : (📗 صحيح ابن حبان - 2449)

ژمارەی بینین 2208