سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ئایە جیهادی شیعه‌ دروستە.؟، حوکمی خۆته‌قاندنه‌وه‌ چیە.؟
ئایە جیهادی شیعه‌ دروستە.؟، حوکمی خۆته‌قاندنه‌وه‌ چیە.؟ ئایە جیهادی شیعه‌ دروستە؟، حوکمی خۆته‌قاندنه‌وه‌ چیە.؟ سلاو جهاد به‌رانبه‌ر به شیعه له ئێراندا که کاریان ته‌هینکردن به سه‌حابه‌ و ئه‌هلی ته‌سه‌نونن جائیزه؟ (وه‌ک گرتنی مامۆستا ئه‌یوب گه‌نجی). خۆته‌قینه‌وه له ئیسلامدا باس کراوه؟ حوکمی چییه؟
گۆڕینی فۆنت
وەڵام - ژمارەی پرسیار 833



به ‌ناوی خوای به‌خشنده‌ی میهره‌بان. 
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان:

شیعه‌ له‌لای جومهوری زانایانی ئه‌هلی سوننه‌ وه‌کو گشت به‌ کافر نه‌ناسراون، مه‌گه‌ر یه‌که‌ یه‌که‌یان حوججه‌یان له‌سه‌ر بگیرێت، حه‌قیقه‌تی ئیسلام و مێژوویان بۆ ڕوون بکرێته‌وه، بۆیان ئاشکرا بکرێ به‌ به‌ڵگه‌ی شه‌رعی، ئه‌وجا ئیتر ئه‌گه‌ر هه‌ر نکۆڵییان کرد، ده‌توانین حوکمی کوفریان له‌سه‌ر بده‌ین، ده‌ڵیین هه‌ر که‌سێک بڵێ قورئان نووقسانی هه‌یه‌، خه‌ڵکی تر هه‌یه‌ جگه‌ له‌ پێغه‌مبه‌ران(سه‌لامی خوایان لێ بێت) مه‌عسوومن(بێ هه‌ڵه‌ن!)، جوێن و تانه‌وته‌شه‌ر بدات له‌ دایکانی موسوڵمانان و هاوه‌ڵانی پێغه‌مبه‌ر(صلى الله عليه وسلم)...تاد، ئه‌وا کافره‌ و له‌ ئیسلام ده‌رچووه‌، به‌ڵام ناتوانین ئه‌و حوکمه‌ له‌سه‌ر دانه‌دانه‌یان بسه‌پێنین مه‌گه‌ر دوای حوججه‌ و به‌یان. 
چونکه‌ ئه‌و که‌سه‌ی کوفر ده‌کات ده‌بێت ڕێگرییه‌کانی به‌کافربوونیشی له‌سه‌ر نه‌مێنێت، وه‌ک ئه‌وه‌ی له‌ نه‌فامی و نه‌زانینی(الجهل) کوفر ده‌کات، نازانێت کوفر ده‌کات.. 
پاشان جیهادکردن به‌رامبه‌ر فیرقه‌یه‌ک له‌ فیرقه‌ گومڕاکان، ئیمامی ده‌وێ و فه‌توای کۆمه‌ڵێک له‌ زانایانی به‌توانا و لێزان.. ئێمه‌ی ئه‌هلی سوننه‌ که‌ هێشتا بێ ئیمام و خه‌لیفه‌ین، پاشان بۆ سه‌رتاپای هه‌موو ئه‌هلی ئیسلام کۆڕێکی یه‌کگرتووی فه‌توا و بڕیاردانمان نییه‌، ئیتر چؤن ده‌توانین کارێکی وه‌ها گه‌وره‌ و خوێناویی فه‌توای له‌سه‌ر بده‌ین!؟ کێ بیدات؟ یان کێ بیکات له‌ کاتێکدا هه‌موو په‌رته‌وازه‌ و کۆمه‌ڵکۆمه‌ڵین، بۆیه‌ له‌ ڕاستیدا ئێمه‌ ده‌ڵێین که‌ کارێکی وا زۆری ماوه‌ و ئه‌رک و خه‌می تری له‌ پێشتر هه‌یه‌ که‌ ئوممه‌تی ئه‌هلی سوننه‌ خه‌می بۆ بخۆن و کاری بۆ بکه‌ن.. 
له‌ سیاسه‌تی شه‌رعیشدا، ئه‌گه‌ر موسوڵمانانی جێگه‌یه‌ک بۆ خۆیان بتوانن به‌ هه‌ر ڕێگه‌یه‌کی شه‌رعی(بانگه‌واز بێت یان جیهاد و تێکۆشان) ئه‌نجام بده‌ن بۆ سه‌ربه‌رزی ئیسلام و پاراستنی موقه‌ده‌ساتی ئیسلامه‌که‌یان، نابێت نکۆڵی و ده‌سه‌وسانی بکه‌ن، ئێستاش زۆر به‌ داخه‌وه‌ ئه‌هلی سوننه‌ی ئێران به‌ هۆی زوڵم و سته‌می شیعه‌ی خاوه‌ن ده‌وڵه‌ت و بێ ده‌نگی برایانیان له‌ ده‌وڵه‌تانی دیکه‌، حاڵیان به‌ جۆرێکه‌ که‌ نه‌توانن وه‌کو پێویست بۆ دینی خوا له‌بار بن.. 
به‌ هه‌ر حاڵ، ئه‌هلی سوننه‌ی ئێران که‌ خۆیان پێویسته‌ و له‌ پێشتر له‌ خه‌می دین و ئیسلامه‌که‌یان بن، ئه‌وان ده‌بێت بۆ خۆیان بڕیار بده‌ن له‌وه‌ی کام شێواز و جۆری جیهاد هه‌ڵبژێرن له‌ پێناوی زووتر گه‌یشتن بۆ لوتکه‌ و سه‌روه‌ری ئیسلامه‌که‌یان.. 

جیهادی چه‌ک و خه‌باتی خوێناویش ئه‌گه‌ر بزانرێت بێ به‌ر ده‌بێ و مه‌حاڵه‌ یان زیانی زۆرتر ده‌بێت له‌ سوود، نه‌کردنی باشتره‌ له‌ کردنی، ئه‌وه‌ ده‌بێت زانایانی ئه‌و جێگه‌یه‌ و لێزانان بڕیاری له‌سه‌ر بده‌ن.. خه‌باتیش قۆناغ و هه‌نگاوه‌، په‌له‌کردن و په‌ڕاندنی هه‌نگاوه‌کان، مایه‌ی تیاچوون و گه‌ڕانه‌وه‌یه‌ بۆ هه‌نگاوه‌کانی ئه‌وه‌ڵ.. 

ده‌رباره‌ی حوکمی خۆته‌قینه‌وه‌.. ؟؟!!

زانایان دوو بۆچوونیان هه‌یه‌، هه‌ندێکیان پێیان وایه‌ که‌ جائیز نییه‌، کۆمه‌ڵێکی تریش پێیان وایه‌ که‌ جائیزه‌ و دروسته‌. 
ئه‌وانه‌ی ده‌ڵێن که‌ جائیزه‌، مه‌رجیان بۆ داناوه‌، له‌وانه‌؛ ئه‌میر و زانایان بۆی ڕوخسه‌ت بده‌ن، له‌ به‌رامبه‌ری دوژمن بێت، واته‌ بێتاوان و خه‌ڵکی ناشه‌ڕکه‌ری پێوه‌ نه‌بێت، گومانی زیاتر بێت که‌ گورز ئه‌دات له‌ دوژمن و نیشان ده‌پێکێ...تاد. 
ئه‌مه‌و به‌ تایبه‌تی له‌ شوێنێک که‌ ڕێگای تر ئه‌سته‌م بێ و ته‌نها گورزێک بێت بۆ وه‌شان له‌ دوژمن. 
زانایانی پێشینان، زۆریان له‌و باره‌یه‌وه‌ وته‌یان هه‌یه‌، وه‌کو: 
١/ ئیمام شافیعی-ڕه‌حمه‌تی خوای لێ بێت- ده‌فه‌رموێ"لا أرى ضيقاً على الرجل أن يحمل على الجماعة حاسراً ، أو يبادر الرجل و إن كان الأغلب أنه مقتول " واته‌/ نابینم بارگرانی و ناڕه‌حه‌تی له‌سه‌ر که‌سێک که‌ خۆی هه‌ڵده‌کوتێته‌ سه‌ر کۆمه‌ڵێک به‌ ته‌نیا و به‌ ئاشکرا، یاخوود خۆی پێش ده‌خات ئه‌گه‌ر گومانی زیاتریش هه‌بێت که‌ ده‌کوژرێ. 
‌‌ 
٢/ قورتوبی-ڕه‌حمه‌تی خوای لی بێت- ده‌فه‌رموێ"و الصحيح عندي جواز الاقتحام على العساكر لمن لا طاقة له بهم , لأنّ فيه أربعة وجوه : 
الأول: طلب الشهادة . 
الثاني: وجود النكاية . 
الثالث : تجرئة المسلمين عليهم . 
الرابع : ضعف نفوسهم ليروا أنّ هذا صنع واحد فما ظنك بالجمع.". 

واته‌/ دروست له‌لای من ئه‌وه‌یه‌ که‌ جائیزه‌ هه‌ڵکوتانه‌ سه‌ر سه‌ربازگه‌ و ڕیزه‌کانی دوژمن بۆ ئه‌وه‌ی که‌ توانای نییه‌ به‌سه‌ریاندا. ئه‌ویش له‌به‌ر چوار ڕوو: 
١- داوای شه‌هیدیی. ٢- زه‌بر و گورز وه‌شان لێیان. ٣- نیشاندانی بوێری موسوڵمان له‌سه‌ریان. ٤- لاوازی ئه‌وان، هه‌تا ببینن که‌ ئه‌وه‌ گورزی یه‌کێک بوو، ئه‌ی چۆن ده‌بێت ئه‌گه‌ر ده‌سته‌یه‌ک بێت. 

له‌ زانایانی نوێش؛ ئه‌لبانی-ڕه‌حمه‌تی خوای لێ بێت- کاتێک پرسیاریان لێ کرا له‌ باره‌ی ئه‌وه‌ی که‌ له‌ هه‌ندێ شوێن ‌هێزه‌کانی کوماندۆز هه‌ن، دوژمنن و موسوڵمانان لاواز ده‌که‌ن، موسوڵمانانیش پۆلێک له‌ گیانبه‌خشییان هه‌یه‌، بۆمب له‌ خۆیان ده‌به‌ستن و خۆیان ده‌خزێننه‌ نێو تانکه‌کانی دوژمن، کوشتاریان لێ ده‌بێت، ئایا ئه‌مه‌ ده‌بێته‌ خۆکۆژی؟ 
فه‌رمووی"لا يعد هذا انتحاراً ؛ لأنّ الانتحار هو: أن يقتل المسلم نفسه خلاصاً من هذه الحياة التعيسة ... أما هذه الصورة التي أنت تسأل عنها ... بل هذا جهاد في سبيل اللّه... إلا أن هناك ملاحظة يجب الانتباه لها ، وهي أن هذا العمل لا ينبغي أن يكون فردياً شخصياً ، إنما هذا يكون بأمر قائد الجيش، فإذا كان قائد الجيش يستغني عن هذا الفدائي ، ويرى أن في خسارته ربح كبير من جهة أخرى ، وهو إفناء عدد كبير من المشركين و الكفار، فالرأي رأيه ويجب طاعته، حتى ولو لم يرض هذا الإنسان فعليه الطاعة" 
واته‌/ نه‌خێر ئه‌وه‌ نابێته‌ خۆکوژی، چونکه‌ خۆکوژی ئه‌وه‌یه‌، موسوڵمانێک خۆی بکوژێ هه‌تا خۆیده‌رباز بکات له‌م ژیانه‌ تاڵه‌، به‌ڵام ئه‌م شێوه‌یه‌ی که‌ تۆ پرسیاری لێ ده‌که‌ی، ئه‌وه‌ جیهاده‌ له‌ پێناوی خوا، به‌ڵام لێره‌دا سه‌رنجێک هه‌یه‌؛ نابێت ئه‌و کاره‌ به‌ کارێکی تاکڕه‌وی بکرێ، به‌ڵکوو به‌ فرمانی پێشه‌وای سوپای موسوڵمانان. ئه‌وجا ئه‌گه‌ر پێشه‌وای سوپای موسوڵمانان بزانێت که‌ به‌ له‌ده‌ستدانی ئه‌و فیدائییه‌ ده‌ستکه‌وتێکی گه‌وره‌ له‌لایه‌کی تره‌وه‌ به‌ ئه‌نجام دێت، ئه‌ویش له‌ناوبردنی ژماره‌یه‌کی زۆره‌ له‌ موشریکین و بێباوه‌ڕان، فرمانیش له‌ ده‌ستی پێشه‌واکه‌یه‌ و ئه‌ویش ده‌بێت به‌گوێی بکات ته‌نانه‌ت ئه‌گه‌ر ڕازیش نه‌بێت ئه‌و که‌سه‌، به‌ڵکوو له‌سه‌رییه‌تی گوێڕایه‌ڵی. 
پاشان دواتر ده‌فه‌رموێت: خۆکوژی له‌ هه‌ره‌ حه‌رامه‌ گه‌وره‌کانه‌ له‌ ئیسلامدا، چونکه‌ ئه‌وه‌ی ئه‌وه‌ ده‌کات، له‌ خوای تووڕه‌یه‌ و ڕازی نییه‌ به‌ قه‌زای خوا، به‌ڵام خۆبه‌خشی و گیان فیدایی خۆکۆژیی نییه‌، هه‌روه‌کو چۆن هه‌ندێ له‌ هاوه‌ڵانیش ده‌یانکرد و یه‌کێکیان به‌ ته‌نیا هه‌ڵی ده‌کوتایه‌ سه‌ر کۆمه‌ڵێک له‌ بێباوه‌ڕان به‌ شمشێره‌که‌ی، به‌ شمشێره‌که‌ی لێی ده‌وه‌شاندن هه‌تاوه‌کو مردنی ده‌گه‌یشتێ و ئه‌ویش به‌ئارم بوو، چونکه‌ ئه‌و ده‌یزانی چاره‌نووس و مه‌نزڵی به‌ره‌و به‌هه‌شته‌ ، بۆیه‌ زۆر جیاوازی هه‌یه‌ له‌ نێوان که‌سێک به‌و شێوه‌یه‌ جیهادییه‌ خۆی ده‌کوژێت له‌گه‌ڵ که‌سێک ده‌یه‌وێت له‌ ژیانی ڕزگاری بێت به‌ خۆکوشتن.. 

پرسیاره‌کانی ترت وه‌ڵام ناده‌ینه‌وه‌ چونکه‌ سه‌رنجمان داوون که‌ تکایه‌ له‌ یه‌ک باره‌وه‌ پرسیار بنێرن هه‌تاوه‌کو تێکه‌ڵ نه‌بێت بابه‌ته‌کان، تکایه‌ پرسیاره‌کانی ترت دووباره‌ بنێره‌وه‌ هه‌ریه‌که‌یان له‌ بواری خۆیانه‌وه‌. 

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

  ژمارەی بینین 822

Top
Facebook YouTube Twitter Instagram