پرسیار: ئایا دروستە نینۆك درێژ بكرێتەوە ؟!! كە لەم سەردەمەدا لەلایەن ژنان بەتایبەت و هەندێك لە پیاوان نینۆك درێژ دەكرێتەوە.؟ وەڵام: كورتكردنەوەی نینۆك سوننەتە و یەكێكە لە پاكیەكان كە پێغەمبەر (صلی الله علیه وسلم) دەفەرموێت: " خمس من الفطرة: الختان، والاستحداد، وقص الشارب، وقلم الظفر، ونتف الآباط" (رواه البخاری و مسلم) واتە: " پێنج شت لە پاكیەتین: خەتەنەكردن، لابردنی مووی خوارەوە، سمێڵ كورت كردنەوە، نینۆك كورت كردنەوە، لابردنی مووی بن باڵ". وە لە فەرموودەیەكی تردا كە ئیمامی احمد ڕیوایەتی دەكالت لە أنس ەوە (ڕەزای خوای لێبێت) دەفەرموێت: " پێغەمبەر (صلی الله علیه وسلم) كاتی بۆ داناین لە سمێڵ كورت كردنەوە و نینۆك كردن و لابردنی مووی بن باڵ و لابردنی مووی خوارەوە كە لە 40 ڕۆژ تێپەڕ نەكات". بۆیە سوننەت وایە نەهێڵرێت درێژبوونەوەی سمێڵ و نینۆك و مووی بن باڵ و مووی خوارەوەی مرۆڤ لە چل ڕۆژ تێپەڕ ببێت، وە درێژكردنەوەی نینۆك پێچەوانەی سوننەتی پێغەمبەرە (صلی الله علیه وسلم) وە خۆشوبهاندنە بە كافر و بێباوەڕان و لاسایكردنەوەیانە لە هەڵسوكەوت و ئاكاریاندا. سەرچاوە : فتاوی اللجنة الدائمة (5/173) ------------------------------------------------------------------------ وەڵامدانەوە ليژنەى فەتواى ماڵپەرى دەنگى ئيسلام مامۆستا سەعد عبدالكريم