دومەڵان و ئیعجازی فەرموودەی پێغەمبەری خودا ﷺ لەو بارەوە. دومەڵان سەوزەیەكی خۆڕسکی وەرزییە لە دەشتی لماویدا پاش بارانی بەهار لە ژێر زەویدا گەشە دەکات و نەگەڵاو نە قەدی هەیەو لە کاتی هەورە بروسکە زۆرتر دەبێت، لە فەرموودەی صەحیحی بوخاری و موسلیمدا هاتووە كە پێغەمبەری خودا ﷺ دەفەرموێ: (الكَمْأةُ مِنَ المَنِّ، وماؤُها شِفاءٌ للعين) واتە: دوومەڵان لە منەتی الله تعالی یەو ئاوەکەی شیفای تێدایە بۆ چاو. دومەڵان بە بێ تۆو چاندن و ڕواندن و ئاودان بەرهەم دێت و لێکۆڵینەوەکان سەلماندویانە هەموو هەوڵەکان بۆ چاندنی شكستیان هێناوە، تا وەکو منەتێک بەسەرمانەوە بمێنێتەوە و فەرموودەكەی پێغەمبەریش ﷺ تا دونیا دونیایە وەك موعجیزە بمێنێتەوە. توێژینەوەکان سەلماندویانە ئاوی دەرهێنراو لە دومەڵان بۆ چارەسەری نەخۆشیەکانی چاو، وەک: (تەراخوما و هەستیاری چاو و لەناو بردنی بەکتریا زیانبەخشەکانی چاو) بەکار دێت. ئەم ڕاستییە زانستیانە کە پێغەمبەر ﷺ بەبێ پشکنینی تاقیگەیی هەواڵی داوە، بێگومان نیگای خودای گەورەن و گەورەیی و دانایی و كۆتا نێردراوی الله تعالی بۆ مرۆڤایەتی دووپات دەكاتەوە. پڕۆژە بانگەوازییەکانی شێخ احمد کاکە محمود رحمه الله.