زنجیرەی عەقیدەو بیروباوەڕی ئیسلامیی بۆ منداڵان و نەوجەوانان. (٨). وانەی هەشتەم : زەکاتدان (ایتاء الزكاة) ا - گرنگییەتی زەکات چییە ؟ - زەکات روکنێکە لە ئەڕکانی ئیسلام ، و سێیەم کۆڵەکە و ستونە لە کۆڵەکەکان و ستونەکانی لە دوای دوو شەهادەتەکە و نوێژەوە . پێغەمبەمبەری خوا صلی الله علیه وسلم فەرمانی کردووە بەجەنگ لەگەڵ ئەوانەی جیاکاری دەکەن لە نێوان نوێژ و زەکاتدا و نوێژ دەکەن و زەکات نادەن . عن ابن عمر رضي الله عنهما ان رسول الله صلی الله علیه وسلم قال : امرت ان اقاتل الناس حتی یشهدوا ان لا اله الا الله وان محمدا رسول الله ، ویقیموا الصلاة ، ویؤتوا الزكاة ... " رواه البخاری ومسلم . وە ئەوەش مافی ئیمام و گەورەی موسڵمانانە ، وەک ئەوەی ئیمامی ابوبکر و هاوەڵان رضي الله عنهم جەنگیان لەگەڵ مانعینی زەکاتدا کرد . ب - مانای زەکاتدان چییە ؟ - تەعەبود و پەرستشە بۆ اللە بەدەرکردنی جوزئێکی دیاریکراو لە دارایی بۆ ئەوانەی شایستەن . جـ - بەڵگە لەسەر واجببونی زەکات چییە ؟ - بەڵگە لەسەر واجببونی زەکات زۆرە ، لەوانە : خودا فەرمویەتی : ( واقیموا الصلاة وآتوا الزكاة ) [ البقرة : ٤۳ ] . د - ئەوانەی شایستەی پێدانی زەکاتن کێن ؟ - ئەوانەی شایستەی پێدانی زەکاتن هەشت توێژن : ١ - فەقیران . ٢ - هەژاران . ٣ - ئەو کارمەندانەی کۆی ئەکەنەوە . ٤ - نەو موسڵمانان ٥ - کۆیلەکان . ٦ - قەرزاران . ٧ - موجاهیدان . ٨ - رێبواران . هـ - بەڵگە چییە لەسەر ئەوە ؟ - خودا فەرمویەتی: ( انما الصدقات للفقراء والمساكین والعاملین علیها والمؤلفة قلوبهم وفي الرقاب والغارمین وفي سبیل الله وابن السبیل ...) [ التوبة : ٦۰ ] . نووسینی: مامۆستا مصطفی محمد جعفر